Virat Kohli’s Subtle Response to Future Speculation : भारतीय संघाचा स्टार फलंदाज विराट कोहली७ महिन्यानंतर आंतरराष्ट्रीय क्रिकेट खेळण्यासाठी मैदानावर उतरला. भारत-ऑस्ट्रेलिया पहिल्या वन डे सामन्यात विराटला ८ चेंडूंत शून्य धावांवर माघारी परतावे लागले, परंतु भारतासाठी खेळण्याची त्याची भूक अजून संपलेली नाही. कसोटी क्रिकेटमधून निवृत्ती घेतल्यानंतर विराट ५-६ महिने कुटुंबियांसोबत लंडनमध्ये होता आणि तो टीम इंडियासोबत ऑस्ट्रेलियात दाखल झाला. विराट २०२७ च्या वन डे वर्ल्ड कप खेळणार की नाही? हा प्रश्न सध्या सर्वांना सतावतोय.

तो म्हणाला, ऑस्ट्रेलियात खेळणे आवडते.. मी इथे क्रिकेट खेळणे एन्जॉय केले आणि इथे सुरुवातीला तुम्हाला चाहत्यांकडून टीका सहन करावी लागते, परंतु ते तेवढा आदरही तुम्हाला देतात. इथे अनेक अविस्मरणीय आठवणी आहेत, असे विराट कोहलीने सांगितले.

विराट कोहलीने २०१० नंतर पदार्पण केल्यापासून ५३५ आंतरारष्ट्रीय सामने आणि इंडियन प्रीमिअर लीगमधील २३८ सामने खेळले आहेत. अॅडम गिलख्रिस्टने तू मागील ५-६ महिने लंडनमध्ये आहेस, काय सांगशील? विराट म्हणाला, मी कसोटी क्रिकेटमधून निवृत्त झाल्यानंतर मी तिथे आहे. मी आयुष्य जगतोय.. मी मागील बरीच वर्ष, किती ते सांगता येणार नाही, परंतु असं आयुष्य जगू शकलो नाही. या कालावधीत मी मुलांसोबत, कुटुंबियांसोबत वेळ घालवला आणि हा आयुष्यातील खूप सुंदर क्षण होता.