मासिक पाळीपासून रजोनिवृत्तीपर्यंत महिलांच्या पुनरुत्पादक आरोग्यामध्ये अनेक बदल होतात. त्यामुळे महिलांच्या अंडाशयाचे आरोग्यही बदलते. चुकीची जीवनशैली तसेच अनारोग्य आहारासारख्या सवयी अंडाशयाच्या आरोग्याला हानी पोहोचवू शकतात.

यामुळे अंडाशयाशी संबंधित समस्यांचा धोका वाढतो. ज्यामुळे अंडाशयात सिस्ट्स आणि इन्फेक्शन होऊ शकते. या गोष्टींमुळे PCOD आणि PCOS सारख्या समस्याही वाढू शकतात. बहुतेक महिलांना याची माहिती नसते. त्यांनी त्यांच्या अंडाशयाच्या आरोग्याची काळजी कशी घ्यावी? तर याविषयी सविस्तर जाणून घेऊया.

तर मग अंडाशय निरोगी ठेवण्यासाठी या टिप्सचा अवलंब करूया. तुमच्या अंडाशयाचे आरोग्य सुधारण्यासाठी तुमच्या आहाराकडे लक्ष द्या. तुमच्या नियमित आहारात अँटिऑक्सिडंट जीवनसत्त्वे आणि ओमेगा-३ फॅटी ऍसिडस् समृध्द पदार्थांचा समावेश करा. तुमच्या आहारात भरपूर हिरव्या भाज्या, नट आणि बिया तसेच फॅटी माशांचा समावेश करा. यामुळे शरीरातील हार्मोन्स नियमित राहतील. तसेच, आपल्या आहारात जंक फूड आणि प्रक्रिया केलेले पदार्थांपासून दूर राहा.

अंडाशय निरोगी ठेवण्यासाठी व्यायाम फायदेशीर आहे. तसेच रोज व्यायाम करण्याची सवय लावा. व्यायामामुळे वजन नियंत्रणात तर राहतेच पण प्रजनन अवयवांना रक्तपुरवठाही सुधारतो. ज्यामुळे अंडाशय योग्यरित्या कार्य करतील.

हेल्दी फूड खाण्यासोबतच हेल्दी वजन राखणेही खूप महत्त्वाचे आहे. कारण, जास्त वजनामुळे शरीरात हार्मोनल असंतुलन होऊ शकते. त्यामुळे अंडाशयांवर दबाव येतो. आणि यामुळे PCOD आणि PCOS सारख्या आजारांचा धोका वाढू शकतो. यासाठी वजन नियंत्रणात ठेवा.

अंडाशय निरोगी ठेवण्यासाठी महिलांनी तणावमुक्त राहावे. सतत तणावामुळे हार्मोनल असंतुलन होऊ शकते. यामुळे ओव्हुलेशनमध्येही समस्या निर्माण होऊ शकतात. यासाठी योग, ध्यान आणि दीर्घ श्वासोच्छ्वास यासारख्या विश्रांती तंत्रांचा सराव करा.

अंडाशय निरोगी ठेवण्यासाठी हायड्रेशन राखणे देखील महत्त्वाचे आहे. दारूपासून दूर राहा आणि भरपूर पाणी प्या. तुमच्या आहारात कॅफिनचे सेवन नियंत्रित करा आणि प्रक्रिया केलेले पदार्थ टाळा. यामुळे अंडाशयांचे आरोग्य सुधारेल. नियमित आरोग्य तपासणी करणे महत्त्वाचे आहे. यामुळे कोणताही धोका टाळण्यास मदत होऊ शकते.

तुमचे मासिक पाळी अनियमित असल्यास किंवा तुम्हाला कोणतीही असामान्य लक्षणे दिसल्यास, तुम्ही शक्य तितक्या लवकर डॉक्टरांशी संपर्क साधावा.