थेट 1,890 रुपयांपर्यंत मजल मारणार हा शेअर; ब्रोकरेज फर्म मोतीलाल ओसवालचा विश्वास
ET Marathi November 18, 2025 11:45 AM
नुकतेच बाजारात आलेल्या अनेक कंपन्यांच्या शेअर्सने गुंतवणुकदारांना चांगला नफा मिळवून दिला आहे. असे असूनही त्यातील काही शेअर्स आणखी मोठ्या तेजीसाठी सज्ज आहेत. ब्रोकरेज फर्म मोतीलाल ओसवालने एलजी इलेक्ट्रॉनिक्स (इंडिया) साठी 'Buy' रेटिंग कायम ठेवत 1,890 रुपये लक्ष्य दिले आहे, जी सध्याच्या पातळीवरून 17% वाढ दर्शवते. आर्थिक वर्ष 2026 च्या दुसऱ्या तिमाहीमध्ये महसूल आणि नफ्यात घट झाली असली तरी, प्रीमियम उत्पादनांवर लक्ष केंद्रित करणे, स्थानिक उत्पादन आणि B2B व्यवसाय विस्तारामुळे दीर्घकाळात कंपनीला मोठा फायदा होण्याची शक्यता ब्रोकरेज फर्मने वर्तवली आहे.
शेअर्स 1,890 रुपयांपर्यंत वधारण्याचा अंदाजLG Electronics India ने आर्थिक वर्ष 2026 च्या दुसऱ्या तिमाहीमध्ये केली नसतानाही ब्रोकरेज फर्म Motilal Oswal ला या शेअरमध्ये मोठी क्षमता दिसत आहे. फर्मने 'Buy' रेटिंग कायम ठेवत प्रति शेअर 1,890 रुपये लक्ष्य निश्चित केले असून जे सध्याच्या बाजारभावापेक्षा 17% अधिक आहे. सोमवारी एलजी इलेक्ट्रॉनिक्स इंडियाचा शेअर बीएसईवर 0.4% वाढून 1,624.60 रुपयांवर बंद झाला.
आर्थिक आकडेवारीवर दबावदुसऱ्या तिमाहीत आर्थिक वर्ष 2026 च्या दुसऱ्या तिमाहीत कंपनीने 61.7 अब्ज रुपयांचा महसूल नोंदवला. जो मागील वर्षाच्या तुलनेत फक्त 1% ने वाढला. मात्र, कंपनीच्या नफ्यावर मोठा परिणाम झाला. वस्तूंच्या वाढलेल्या किमती, कमी ऑपरेटिंग लेव्हरेज आणि पुनर्वापर खर्चामुळे ईबीआयटीडीए (EBITDA) 28% नी घसरून 5.5 अब्ज रुपये झाला, तर निव्वळ नफा (PAT) 27% नी घसरून 3.9 अब्ज रुपये राहिला. ब्रोकरेज फर्मनुसार, ऑपरेटिंग प्रॉफिट मार्जिन (OPM) मागील वर्षाच्या 3.5 टक्क्यांनी कमी होऊन 8.9% पर्यंत खाली आले. थंड उन्हाळा आणि खर्च वाढल्यामुळे या तिमाहीत कंपनीवर दबाव वाढला.
विभागांमधील कामगिरीकंपनीच्या सर्व प्रमुख घट झाली. होम अप्लायन्सेस आणि एअर सोल्युशन्स विभागाचा महसूल 39.5 अब्ज रुपयांवर स्थिर राहिला, पण ईबीआयटी (EBIT) 32% नी घसरला, ज्यामुळे मार्जिन 8.2% झाले. होम एंटरटेनमेंट विभागाने 22.3 अब्ज रुपयांचा महसूल मिळवला (3% अधिक), मात्र या विभागाचा ईबीआयटी 10% नी घसरून मार्जिन 12.6% पर्यंत खाली आले.
व्यवस्थापनाचा दृष्टिकोन आणि भविष्यातील योजनापहिल्या सहामाहीत (H1 FY26) महसूल, ईबीआयटीडीए आणि निव्वळ नफा मागील वर्षापेक्षा कमी राहिले. व्यवस्थापनाने या कमकुवत कामगिरीसाठी उन्हाळा, लवकर आलेला मान्सून, चलनातील अस्थिरता आणि अमेरिकेच्या शुल्काचा उल्लेख केला. परंतु, जीएसटी दरातील बदल लागू झाल्यानंतर सण आणि लग्नसराईमुळे मागणीत लवकरच सुधारणा झाली असल्याचे त्यांनी स्पष्ट केले.
कंपनी 'Make for India, Make in India, Make India Global' या धोरणांवर अधिक लक्ष केंद्रित करत आहे. प्रीमियम उत्पादने, नवीन 'LG Essential' मालिका, मोठे टीव्ही आणि बी2बी क्षेत्रातील (जसे की HVAC आणि इन्फॉर्मेशन डिस्प्ले) वाढ यामुळे भविष्यात चांगला फायदा होण्याची अपेक्षा आहे.
बाजारातील मजबूत पकडMotilal Oswal ने नमूद केले की, एलजी इलेक्ट्रॉनिक्स इंडियाचा भारतीय बाजारात मजबूत वाटा आहे. वॉशिंग मशीनमध्ये 33.4%, रेफ्रिजरेटरमध्ये 29.9% आणि एअर कंडिशनरमध्ये (RAC) 17.4% बाजारपेठ कंपनीकडे आहे. टीव्ही विभागाचा बाजारात 28% हिस्सा असून, OLED टीव्हीमध्ये 62% वाटा एलजीच्या प्रीमियम उत्पादनांवरील वर्चस्व दर्शवतो.
ब्रोकरेज फर्मच्या मते आर्थिक वर्ष 2025 ते 2028 दरम्यान महसूल, ईबीआयटीडीए आणि निव्वळ नफा अनुक्रमे 8%, 8% आणि 9% सीएजीआर (CAGR) दराने वाढतील. देशांतर्गत सोर्सिंगमध्ये वाढ B2B आणि निर्यात व्यवसायाचा विस्तार, उत्पादन खर्चाचे व्यवस्थापन आणि श्री सिटी प्लांटच्या वाढीव क्षमतेमुळे ही वाढ अपेक्षित आहे. सध्याची बाजारातील अस्थिरता ही कंपनीच्या धोरणात्मक बदलांना झाकून टाकत आहे, ज्यामुळे भविष्यात मार्जिन आणि नफ्यात सुधारणा होण्याची शक्यता आहे.
आयपीओनंतर शेअर्सच स्थितीगेल्या महिन्यात म्हणजेच 7 ऑक्टोबर रोजी एलजी इंडिया इलेक्ट्रॉनिक्सचा आयपीओ सबस्क्रिप्शनसाठी खुला झाला होता. जो 9 ऑक्टोबर रोजी बंद झाला. या आयपीओचा किंमतपट्टा 1080 रुपये ते 1140 रुपये इतका होता. 14 ऑक्टोबर रोजी हा शेअर 1,715 रुपयांवर लिस्ट झाला. त्यानंतर आजपर्यंत शेअर्सने 1,736 रुपयांचा उच्चांक गाठला आहे. सध्या शेअर 1623 रुपयांवर ट्रेड करीत आहे.
