मासिक पाळीचा काळ हा प्रत्येक मुलींसाठी आव्हानात्मक असतो. कारण वेदना, थकवा, चक्कर, अशक्तपणा यामुळे प्रचंड त्रास होतो. तसेच दिवसभर कामात असल्याने शरीराला अधिक ऊर्जेची आवश्यकता असते. या दिवसांत मुलींनी काही पदार्थ खाल्ल्याने शरीराला ऊर्जा मिळते, वेदना कमी होतात. त्यामुळे हे पदार्थ मासिक पाळीच्या काळात सुपरफूड ठरतात. ( Period Foods To reduce cramps and Weakness )

आवळा
आवळा हा व्हिटॅमिन सीने समृद्ध असतो. त्यामुळे हार्मोन्स संतुलित राहण्यास मदत होते. तुम्ही आवळ्याचा रस, पावडर किंवा मुरांबा खाऊ शकता. आवळ्याच्या सेवनाने रक्त शुद्ध होते. शिवाय त्याचा केसांसह त्वचेलाही फायदा होतो आणि रोगप्रतिकारकशक्ती वाढते.

तारखा
खजूर खाल्ल्याने शरीराला ऊर्जा मिळते. त्यामुळे मासिक पाळीच्या काळात सकाळी २ ते ३ खावे. यामुळे अशक्तपणा आणि मासिक पाळीमध्ये जाणवणारा थकवा कमी होतो.

तीळ
तीळात कॅल्शियम आणि मॅग्नेशियम भरपूर प्रमाणात असतात. यामुळे हाडे आणि स्नायू मजबूत होतात. मासिक पाळीच्या १५ दिवस आधीपासून दररोज १ चमचा भाजलेले तीळ खाल्ल्याने वेदना कमी होतात. तुम्ही तीळ-गुळाचे लाडू बनवूनही खाऊ सःक्ता.

नारळ पाणी
नारळ पाण्यामुळे थकवा आणि अशक्तपणा दूर होतो. मासिक पाळीच्या दिवसांत जास्त थकवा जाणवत असेल तर नारळ पाणी घ्यावे. ते थायरॉईड आणि हाडांसाठी देखील चांगले मानले जाते.

काळे मनुके
सकाळी रिकाम्या पोटी १० ते १२ भिजवलेले काळे मनुके खाणे खूप फायदेशीर ठरते. यामुळे रक्ताची गुणवत्ता सुधारते, शरीरात लोहाचं प्रमाण वाढते. त्याचा त्वचेलाही फायदा होतो त्वचा चमकदार बनते.

हेही वाचा:

याशिवाय तर तुम्हाला या दिवसांत जास्त तीव्र वेदना जाणवत असतील तर तुम्ही आलं, केळी, हिरव्या भाज्या, दही, डार्क चॉकलेट आणि काजू यांसारखे पदार्थ खाल्ल्याने शरीराला पोषण मिळते आणि मासिक पाळीच्या वेदनांपासून आराम मिळतो.