Homemade Crispy Mirchi Vada Snack Recipe: लहान मुलं असो किंवा प्रौढ, अनेकांना सायंकाळी चार- पाचच्या सुमारास भूक लागते. अशा वेळेस काहीतरी गरमागरम आणि चटपटीत खाण्याची इच्छा होते. त्यामुळे बहुतेक वेळा बाहेर पिझ्झा, बर्गर खातात.

हे सर्व जंग फूड न खाता जर तुम्ही बाहेरच न खाता तुम्ही घरच्या घरी फक्त काही मिनिटांत तुम्ही कुरकुरीत, क्रिस्पी मिरची वडे बनवू शकता.

हिरव्या मोठ्या मिरच्या: ४- ५

बटाटे: २ मध्यम उकडलेले

मीठ: चवीप्रमाणे

लाल तिखट: १ चमचा

धणे पावडर: १/२ चमचा

बेसन: १/२ वाटी

हळद: १/४ चमचा

ओवा: १/२ चमचा

तेल: तळण्यासाठी

मिरच्या धुवून मधोमध उभी कापा, पण पूर्ण कापू नका. यामुळे त्यात भर घालणे सोपे होते.

उकडलेले बटाटे, मीठ,लाल तिखट आणि धणे पावडर नीट मळून मिश्रण तयार करा.

तयार मिश्रण मिरच्यांमध्ये भरून व्यवस्थित बंद करा.

दुसऱ्या भांडयात बेसन, हळद, ओवा आणि आवश्यकतेनुसार पाणी घालून मध्यम घट्टसर पीठ तयार करा.

कढईत तेल गरम करा. भरलेली मिरची पीठात बुडवून मध्यम आचेवर सोनेरी आणि खुसखुशीत होईपर्यंत तळा.

तळल्यानंतर वडे काढून टिश्यू पेपरवर ठेवा, ज्यामुळे अतिरिक्त तेल निघून जाईल. नंतर हिरवी चटणी किंवा टोमॅटो सॉससोबत गरमागरम सर्व्ह करा.