शरद पवार यांच्या राष्ट्रवादी काँग्रेस पक्षाचे आमदार रोहित पवार यांनी आज अजित पवार विमान अपघात प्रकरणात दिल्लीत पत्रकार परिषद घेतली. त्यावेळी त्यांनी खळबळजनक खुलासे केले आहेत. अजित पवार हे रोहित पवार यांचे काका लागतात. मागच्या महिन्यात 28 जानेवारीला बारामती येथे अजित पवार यांचं चार्टर्ड विमान कोसळलं. त्यांचा अपघाती मृत्यू झाला. या विमान अपघाताबद्दल अनेकांच्या मनात संशय, प्रश्न आहेत. त्यावर रोहित पवार पत्रकार परिषद घेऊन वेगवेगळ्या थिअरी मांडतायत. काही खुलासे त्यांनी केले आहेत. तपास वेगाने व्हावा हाच त्यांचा उद्देश आहे.

आता रोहित पवार यांनी व्हीएसआर विमानाबद्दल एक मोठा खुलासा केला आहे. “दिल्लीचा एक क्रिकेटर व्हिएसआरच्या विमानात बसला होता. तेव्हा इंजिन की काही कोसळलं होतं. त्यानंतर तो व्हिएसआरच्या विमानात बसला नाही. त्याने व्हिएसआरला ब्लॅकलिस्ट केलं आहे. हा नामचीन क्रिकेटपटू आहे. त्याचं नाव सांगणार नाही. चौकशीत ते बाहेर येईलच” असा दावा रोहित पवार यांनी केला.

ट्रोलर्सना माहिती कशी मिळतेय?

“आमच्या पातळीवर आम्ही माहिती काढण्याचा प्रयत्न करतोय. दादांवर प्रेम करणारे जे लोक आहेत, त्यांनी सीसीटीव्ही फुटेजबद्दल माहिती मागितेलली. पण ती दिली नाही. तपासकर्त्यांकडे ती माहिती आहे कि नाही हे माहित नाही. सीआयडीने एकही रिपोर्ट दिलेला नाही. सरकारच्या माध्यमातून माहिती मिळालेली नाही. माहिती आमच्या लोकांना मिळत नाही. पण आमच्या ट्रोलर्सना भाजप पुरस्कृत ट्रोलर्सना एअरपोर्ट ऑथोरिटीच्या माध्यमातून सहज मिळतेय” असा गंभीर आरोप रोहित पवार यांनी केला. ते दिल्लीत पत्रकार परिषद घेत आहेत.

तरीही ही माहिती लिक केली गेली

“मी कुठे गेलो. माझ्यासोबत कोण होतं. एक सेलिब्रिटी होता, याची माहिती त्यांना मिळाली आहे. मी स्वत: मागे दिल्लीत आलो होतो तेव्हा व्हिएसआरच्या विमानाने प्रवास केल्याचं सांगितलं होतं. तरीही ही माहिती लिक केली गेली. भाजपचे मोठे ट्रोर्लस आम्हाला ट्रोल करत आहेत. भाजप या रिसर्चवर प्रश्नचिन्ह का निर्माण करत आहे? यात काही वेगळा अँगल आहे का?” असा प्रश्न रोहित पवार यांनी उपस्थित केला आहे.

भाजपच्या ट्रोलर्सना ही माहिती कोणी दिली?

“माझ्या सोबत असलेल्या सेलिब्रिटीच्या आधार कार्डाचे डिटेल्सही ट्रोर्ल्सकडे होते. भाजपच्या ट्रोलर्सना ही माहिती कोणी दिली? आरटीआय अंतर्गत कोणी अधिकारी आम्हाला माहिती देत नाही. पण एअरपोर्ट ऑथोरिटी, व्हिसीआर का माहिती देतेय?” असे प्रश्न रोहित पवार यांनी विचारले आहेत.