Bolivia Plane Crash: बोलिव्हियातील (Bolivia) एल अल्टो शहरात एअर फोर्स हर्क्युलस विमान (A C-130H Hercules with the Bolivian Air Force crashed) कोसळले. त्यात 15 जण ठार झाले आणि 30 हून अधिक जण जखमी झाले. विमान देशाच्या मध्यवर्ती बँकेतून नवीन चलनी नोटा घेऊन जात होते. रॉयटर्सच्या वृत्तानुसार, खराब हवामानात उतरल्यानंतर विमान धावपट्टीवरून घसरले आणि जवळच्या वर्दळीच्या महामार्गावर क्रश झाले. रस्त्यावर उभ्या असलेल्या दहा ते पंधरा वाहनांनाही धडक बसून नुकसान झाले.
विमानाचे अवशेष, चक्काचूर झालेल्या गाड्या आणि मृतदेह हायवेवर विखुरलेले होते. नोटाही रस्त्यावर विखुरलेल्या दिसल्या आणि त्या उचलण्यासाठी लोक घटनास्थळी जमले. अपघातानंतर विमानतळ तात्पुरते बंद करण्यात आले आहे.
सोशल मीडियावरील व्हिडिओंमध्ये अपघातानंतर गोंधळ दिसून आला. परिस्थिती नियंत्रित करण्यासाठी स्थानिक अधिकाऱ्यांनी आग आटोक्यात आणली. तथापि, या व्हिडिओंची अधिकृतपणे पुष्टी झालेली नाही.
A C-130H Hercules with the Bolivian Air Force crashed earlier this evening on a major roadway outside of El Alto International Airport in La Paz, Bolivia, killing 15 and injuring more than 30. The C-130, which had departed from Santa Cruz several hours before carrying new… pic.twitter.com/uP1VTAaFNb
— OSINTdefender (@sentdefender) February 28, 2026
अपघातानंतर एल अल्टो आंतरराष्ट्रीय विमानतळ (El Alto International Airport in La Paz) तात्पुरते बंद करण्यात आले. राष्ट्रीय विमान कंपनीने एक निवेदन जारी केले की अपघातग्रस्त विमान त्यांच्या ताफ्याचा भाग नव्हते; ते हवाई दलाचे होते. स्थानिक माध्यमांनी प्रसारित केलेल्या फुटेजमध्ये विमानाचे गंभीर अपघातानंतर दोन तुकडे झाले.
JUST IN - At least 15 dead, 30 injured in La Paz, Bolivia after an air force C-130 plane crashes. pic.twitter.com/tHdRRQHoNf
— Confidential Post (@TheCPostNews) February 28, 2026
बोलिव्हियाची सेंट्रल बँक आज या घटनेबाबत पत्रकार परिषद घेणार आहे. अपघाताच्या कारणाची अधिकृत चौकशी सुरू करण्यात आली आहे. जखमींवर स्थानिक रुग्णालयात उपचार सुरू आहेत. अधिकाऱ्यांनी मृतांची ओळख पटवणे आणि नुकसानीचे मूल्यांकन करण्यास सुरुवात केली आहे.
इतर महत्वाच्या बातम्या
