या चित्रपटात राकेश बेदी यांनी साकारलेली जमील जमालीची भूमिका माझ्यावर आधारित असल्याचा दावा पाकिस्तानी नेता नबील गबोलने केला होता. त्यानंतर सोशल मीडियावर चर्चांना उधाण आलं की, जमील जमालीची मुलगी यलीनाची कहाणीसुद्धा खरी आहे का?

इंटरनेटवर नबील गबोलच्या मुलांविषयी कोणतीही ठोस माहिती उपलब्ध नाही. चित्रपटात जमील जमालीची मुलगी यलीना दाखवली आहे. परंतु खऱ्या आयुष्यात नबीलची कोणती मुलगीच नाही, असं कळतंय.
खऱ्या आयुष्यात नबील गबोलला दोन मुलं आहेत. यादरम्यान नबील गबोलच्या मोठ्या भावाची मुलगी नादिया गबोलचीही सोशल मीडियावर चर्चा होत आहे. ती सामाजिक कार्यकर्ती आहे. ‘धुरंधर’बद्दल एका मुलाखतीत नबीलने म्हटलं होतं, “चित्रपटात माझ्या मुलीचं लग्न भारतीय गुप्तहेराशी झाल्याचं दाखवलं आहे. पण यात काही तथ्य नाही. हे सगळं फक्त मसालापट बनवण्यासाठी दाखवलं गेलंय.”