ऑलराउंडर आंद्रे रसेल याने आपल्या बॅटिंग आणि बॉलिंगच्या जोरावर जगातील सर्वात लोकप्रिय आणि श्रीमंत लीग असलेल्या आयपीएल स्पर्धेत उल्लेखनीय कामगिरी केलीय. रसेलने केकेआर अर्थात कोलकाता नाईट रायडर्सकडून खेळताना गेल्या काही मोसमात धमाका केला. या अशा अप्रतिम कामगिरीनंतर आंद्रेने आयपीएलमधून निवृत्त होण्याचा निर्णय घेतला. टीमसाठी बहुमूल्य योगदान देणाऱ्या आंद्रेसाठी केकेआरने 19 व्या मोसमासाआधी मोठा निर्णय घेतला आहे. केकेआरने जर्सी नंबर 12 कायम रिटायर केली आहे. अर्थात यापुढे कोणत्याही केकेआरच्या खेळाडूला जर्सी नंबर 12 वापरता येणार नाही. रसेलच्या सन्मानासाठी केकेआरने हा ऐतिहासिक निर्णय घेतला आहे. केकेआरने प्री सिजन नाईट्स अनप्लग्ड 3.0 दरम्यान आंद्रे रसेलच्या जर्सी नंबर 12 बाबत हा निर्णय घेतला.
आंद्रे रसेची आयपीएलमधून निवृत्तीआंद्रे रसेल याला आयपीएलच्या 18 व्या मोसमात (IPL 2025) काही खास करता आलं नाही. त्यामुळे केकेआरेने रसेलला रिलीज अर्थात करारमुक्त केलं. त्यानंतर रसेलने नोव्हेंबरमध्ये आयपीएलमधून निवृत्ती घेतल्याचं जाहीर केलं. मात्र त्यानंतरही रसेल केकेआरचा भाग असणार आहे. रसेल कोचिंग स्टाफमध्ये आपलं योगदान देणार आहे.
केकेआरचं 12 वर्ष प्रतिनिधित्वरसेलने केकेआरचं 12 वर्ष प्रतिनिधित्व केलं. रसेलने 2014 ते 2025 दरम्यान उल्लेखनीय कामगिरी केली. रसेल या दरम्यान एकूण 140 सामने खेळला. रेसलने या 140 सामन्यांमध्ये बॅटिंगसह बॉलिंगनेही योगदान दिलं. रसेलने 2 हजार 651 धावा केल्या. तसेच रसेलने 23 विकेट्सही मिळवल्या.
जर्सी नंबर 12 निवृत्त
Jersey no. 12 in Purple & Gold will always be yours DRE RUSS 💪💜 pic.twitter.com/LuK0aIJ5zl
— KolkataKnightRiders (@KKRiders)
केकेआरने एकूण 3 वेळा आयपीएल ट्रॉफी जिंकली आहे. रसेल त्यापैकी 2 वेळा विजेत्या संघाचा भाग होता. रसेलने केकेआरला 2014 आणि 2024 मध्ये आयपीएल ट्रॉफी मिळवून देण्यात प्रमुख भूमिका बजावली. रसेलने 2019 साली उल्लेखनीय कामगिरी केली होती. रसेलच्या या कामगिरीची दखल घेत त्याला ‘Most Valuble Player’ या पुरस्कारने गौरवण्यात आलं.
अजिंक्य कर्णधार-रिंकु उपकर्णधारकेकेआरने प्री सिजन नाईट्स अनप्लग्ड 3.0 दरम्यान आणखी एक मोठी घोषणा केली. टीमचा अनुभवी फलंदाज आणि स्टार फिनिशर रिंकु सिंह याला मोठी जबाबदारी देण्यात आली आहे. रिंकूला केकेआरचा उपकर्णधार करण्यात आलं आहे.
केकेआरचा पहिला सामना कधी आणि कुठे?दरम्यान केकेआर या 19 व्या मोसमातील आपला पहिला सामना हा 29 मार्चला खेळणार आहे. केकेआरसमोर या पहिल्याच सामन्यात मुंबई इंडियन्सचं आव्हान असणार आहे. हा सामना मुंबईतील वानखेडे स्टेडिममध्ये होणार आहे.
