Pakistan Gas Cylinder Crisis : अमेरिका-इस्रायल आणि इराण यांच्यातील युद्धाचा भडका दिवसेंदिवस जास्तच वाढताना दिसतोय. सध्या अमेरिकेने इराणवर कोणत्याही प्रकारचा हल्ला न करण्याचे ठरवले आहे. दोन्ही देशांत युद्धविरामासाठी चर्चा चालू झाली आहे. परंतु या युद्धाचा मात्र इतर काही देशांवर गंभीर परिणाम होताना दिसतोय. भारतालाही त्याची झळ बसत आहे. भारतात इंधनसंकट निर्माण झाले असून गॅस सिलिंडरचा भाव वाढला आहे. गॅस सिलिंडर वेळेवर मिळत नाहीये. आता भारताचे शेजारी राष्ट्र असलेल्या पाकिस्तानात तर युद्धामुळे हाहाकार उडाला आहे. पाकिस्तानात गॅस सिलिंडरची किंमत चक्क गगनाला भिडली आहे.
इराणच्या युद्धात पाकिस्तानी लोक भरडले जात आहेत. तेथे एलपीजी गॅस सिलिंडरच्या किमतीत अचानक मोठी वाढ झाली आहे. यामुळे आता सामान्य लोकांचे जगणेच मुश्कील झाल आहे. अगोदर पाकिस्तानात 11.67 किलोचा सिलिंडर अगोदर 3,150 ते 3,968 रुपयांना (पाकिस्तानी) मिळत होता. आता याच सिलिंडरची किंमत थेट 3,900 ते 5,135 रुपयांवर गेली आहे. त्यामुळे पाकिस्तानात गॅस सिलिंडर खरेदी करायचे असेल तर तब्बल 5 हजारपेक्षा जास्त रुपये मोजावे लागत आहेत.
युद्धामुळे पाकिस्तानातही इंधन संकट निर्माण झाले आहे. युद्धाच्या अगोदर पाकिस्तानला इराणकडून प्रतिदिन 10 हजार ते 12 हजार टन प्रतिदिन गॅस पुरवला जात असे. सध्या मात्र हा पुरवठा बंद झाल्याने पाकिस्तानच्या अडचणी वाढल्या आहेत. ईद आणि नौराज उत्सवाच्या पार्श्वभूमीवरच हे संकट आल्याने पाकिस्तानी नागरिक त्रस्त आहेत. पाकिस्तामध्ये दरवर्षी साधारण 20 लाख टन गॅस वापरला जातो. पाकिस्तानला काही जहाजांच्या मदतीने गॅसचा पुरवठा होत आहे. परंतु तरीही पाकिस्तानची गरज पूर्ण होत नाहीये. परंतु आता मागणी जास्त आणि पुरवठा कमी अशी स्थिती निर्माण झाल्याने नेमकं काय करावं? असा प्रश्न पाकिस्तानपुढे उभा राहिला आहे.
