Investments Plan : आजकाल महागाई दिवसेंदिवस वाढत आहे, त्यामुळे अनेक लोक स्वतःच्या आणि आपल्या कुटुंबाच्या भविष्यासाठी बचत करणे पसंत करत आहेत. कारण कोणती आणि केव्हा आपत्कालीन परिस्थिती उद्भवेल हे सांगता येत नाही. अशा परिस्थितीत, लोकांना आपले पैसे सुरक्षित ठेवायचे असतात आणि चांगला परतावा देखील मिळवायचा असतो. बँक एफडी आणि अल्पबचत योजना हे दोन सर्वात लोकप्रिय पर्याय आहेत. परंतू, दोघांचेही स्वतःचे फायदे आणि मर्यादा आहेत, त्यामुळे लोकांनी योग्य पर्याय निवडला पाहिजे.
सर्वात महत्त्वाचे म्हणजे, सरकारने एप्रिल-जून 2026 च्या तिमाहीसाठी अल्पबचत योजनांच्या व्याजदरात कोणताही बदल केलेला नाही. बँक एफडीचे दर 6.25 टक्के ते 6.66 टक्क्यांच्या दरम्यान आहेत, तर अल्पबचत योजना अजूनही 8.2 टक्क्यांपर्यंत परतावा देतात. गुंतवणूकदारांसमोर हा प्रश्न आहे की, जास्त परताव्यासाठी एफडीचा पर्याय निवडावा की सरकारी योजनांमध्ये गुंतवणूक करावी.
जेव्हा परताव्याचा प्रश्न येतो, तेव्हा बँक एफडीपेक्षा अल्पबचत योजना अधिक चांगल्या वाटतात.
सुकन्या समृद्धी योजना: 8.2 टक्के
एनएससी: 7.7 टक्के
किसान विकास पत्र: 7.5 टक्के
मासिक उत्पन्न योजना: 7.4 टक्के
पीपीएफ: 7.1 टक्के
पोस्ट ऑफिस बचत: 4 टक्के
एसबीआय, एचडीएफसी, आयसीआयसीआय: 6.25 टक्के
कोटक महिंद्रा: 6.50 टक्के
येस बँक: 6.66 टक्के
बँक एफडी अधिक लवचिक असतात. तुम्ही कमी किंवा जास्त कालावधीसाठी गुंतवणूक करू शकता आणि गरज पडल्यास (दंडासह) पैसे काढू शकता. लहान बचत योजनांचा लॉक-इन कालावधी जास्त असतो.
एनएससी: 5 वर्षे
पीपीएफ: 15वर्षे
कलम 80 सी अंतर्गत लहान बचत योजनांमध्ये गुंतवणूक केल्यास 1.5 लाख पर्यंत कर लाभ मिळतो. काही योजनांमध्ये व्याजावर कर सवलत देखील मिळते. दुसरीकडे, बँक एफडीवरील व्याज पूर्णपणे करपात्र असते, ज्यामुळे मिळणारा प्रत्यक्ष परतावा कमी होऊ शकतो.
दोन्ही पर्याय सुरक्षित मानले जातात. लहान बचत योजनांना सरकारचा पाठिंबा असतो, तर बँक एफडी मोठ्या बँकांकडून सुरक्षित असतात. त्यामुळे, जोखमीच्या बाबतीत दोन्ही विश्वसनीय आहेत.
तज्ञांच्या मते, केवळ एकच पर्याय निवडण्यापेक्षा दोन्हीमध्ये गुंतवणूक करणे अधिक चांगले आहे. यामुळे एफडीमधून तरलता आणि लहान बचत योजनांमधून अधिक परतावा व कर लाभ मिळू शकतो.
