आयपीएल 2026 स्पर्धेत ऋतुराज गायकवाडच्या नेतृ्त्त्वात चेन्नई सुपर किंग्सचा कामगिरी निराशाजनक राहिली. संघाचा प्रवास साखळी फेरीतच संपुष्टात आला. असं असताना त्याच्या कर्णधारपदावर गडांतर येण्याची शक्यता आहे. असं असताना त्याला नशिबाची साथ मिळाली आहे. भारत अ संघ श्रीलंका दौऱ्यावर जाणार आहे. या दौऱ्यात श्रीलंका आणि अफगाणिस्तान संघाविरुद्ध ट्राय सीरिज खेळणार आहे. या मालिकेसाठी टीम इंडियाची निवड अधीच झाली होती. पण या संघात ऋतुराज गायकवाड नव्हता. पण त्याला आता संघात एन्ट्री मिळाली आहे. रियान परागच्या जागेवर त्याला संघात स्थान मिळालं आहे. रियान पराग दुखापतग्रस्त असल्याने त्याची जागा ऋतुराजने घेतली आहे.

श्रीलंकेत आयोजित केलेल्या या मालिकेसाठी रियान परागच्या खांद्यावर उपकर्णधारपदाची धुरा सोपण्यात आली होती. त्याची जागा आता चेन्नई सुपर किंग्सचा कर्णधार ऋतुराज गायकवाड याने घेतली आहे. त्याच्याकडे उपकर्णधारपदही सोपवलं आहे.भारत अ संघाचा कर्णधार तिलक वर्माला साथ देताना दिसणार आहे. या संघात वैभव सूर्यवंशी, प्रियांश आर्या, आयु बडोनी, अंशुल कंबोज, प्रभसिमरन सिंग, निशांत दुबे हे खेळाडू आहेत.

बीसीसीआयने आपल्या निवेदनात स्पष्ट केलं की, ‘पुरुष निवड समितीने श्रीलंकेत होणाऱ्या आगामी तिरंगी मालिकेसाठी भारत ‘अ’ संघात ऋतुराज गायकवाडचा समावेश केला आहे. हॅमस्ट्रिंगच्या दुखापतीमुळे मालिकेतून बाहेर झालेल्या उपकर्णधार रियान परागची जागा तो घेईल. रियानच्या पुनर्वसनाचे व्यवस्थापन बीसीसीआय सेंटर ऑफ एक्सलन्स (CoE) द्वारे केले जाईल.’

🚨 News 🚨

Ruturaj Gaikwad added to India A squad for tri-series in Sri Lanka as a replacement for injured Riyan Parag.

Details 🔽 https://t.co/COTmObu7Sg

— BCCI (@BCCI) May 31, 2026

भारत अ संघ : तिलक वर्मा (कर्णधार), प्रियांश आर्या, वैभव सूर्यवंशी, ऋतुराज गायकवाड़ (उपकर्णधार), आयुष बडोनी, निशांत सिंधु, हर्ष दुबे, सूर्यांश शेडगे, प्रभसिमरन सिंह (विकेटकीपर), कुमार कुशाग्र (विकेटकीपर), विप्रज निगम, यश ठाकुर, युद्धवीर सिंह, अंशुल कंबोज, अरशद खान.