असे आहे रेल्वेगाडीचे वेळापत्रक

• पूर्वोत्तर रेल्वेच्या लखनौ विभागाचे जनसंपर्क अधिकारी महेश कुमार गुप्ता यांनी दिलेल्या माहितीनुसार, ५२२६० क्रमांकाची मैलानी–बिछिया रेल्वेगाडी आठवड्यातील शनिवार आणि रविवारी धावणार आहे.

• ही रेल्वेगाडी सकाळी ६.०५ वाजता मैलानी जंक्शनवरून सुटेल. भीराखेरी, पलिया कलां, दुधवा, बेलरायां, तिकुनिया, खैरतिया बांध रोड हाल्ट आणि मंझरा पुरब या स्थानकांवर थांबत ती सकाळी १०.३० वाजता बिछिया येथे पोहोचेल.

• परतीच्या प्रवासात रेल्वेगाडी सकाळी ११.४५ वाजता बिछियावरून सुटून त्याच मार्गाने सायंकाळी ४.१० वाजता मैलानी जंक्शनला पोहोचेल.

अवघ्या २७० रुपयांत आरामदायी प्रवास

पर्यटकांच्या सोयीसाठी या रेल्वेगाडीत ६० आसनांची वातानुकूलित टुरिस्ट चेअरकार जोडण्यात आली आहे.

मैलानी ते बिछिया या संपूर्ण प्रवासासाठी प्रति प्रवासी २७० रुपये इतके भाडे निश्चित करण्यात आले आहे.

या रेल्वेगाडीचे तिकीट प्रवासी आरक्षण केंद्रातून तसेच आयआरसीटीसीच्या संकेतस्थळावरून ऑनलाईन आरक्षित करता येणार आहे.

पर्यावरणपूरक पर्यटनाला चालना

दुधवा राष्ट्रीय उद्यानात पर्यावरणपूरक पर्यटनाला प्रोत्साहन देण्यासाठी पर्यटन विभागाने यापूर्वीच उत्तर प्रदेश राज्य परिवहन महामंडळाच्या सहकार्याने लखनौतील कैसरबाग बसस्थानकातून थेट वातानुकूलित बस सेवा सुरू केली आहे.