ठाकरे बंधूंचे पुन्हा एकदा मनोमिलन,तिरंगा रॅलीत युवकांचा जल्लोष

मुंबईत ठाकरे बंधूंनी काढलेल्या तिरंगा रॅलीत युवकांचा उत्स्फूर्त जल्लोष पाहायला मिळाला. हातात तिरंगा घेऊन घोषणाबाजी करत हजारो युवक रॅलीत सहभागी झाले. उत्साह, देशभक्ती आणि एकजुटीचं दर्शन घडवणाऱ्या या रॅलीने सर्वांचं लक्ष वेधून घेतलं. या मोर्चाच्या निमित्ताने ठाकरे बंधूंचे पुन्हा एकदा मनोमिलन

तिरंगा जल्लोषात अमित ठाकरेंनी विद्यार्थ्यांना साष्टांग नमस्कार घातला

अमित ठाकरेंनी तिरंगा जल्लोषात विद्यार्थ्यांना साष्टांग नमस्कार घातला. विद्यार्थ्यांच्या सहभागाचं आणि त्यांच्या लढ्याचं कौतुक करत त्यांनी तरुणाईला सलाम केला.

मी, मुंबईतच आहे, महाराष्ट्रातच आहे : देवेंद्र फडणवीस 

धर्मेंद्र प्रधान यांनी काल राजीनामा दिल्यानंतर मुख्यमंत्री देवेंद्र फडणवीस काल तत्काळ दिल्लीला रवाना झाले होते. दरम्यान ते प्रधान यांच्याजागी शिक्षणमंत्री होणार अशा चर्चा राजकीय वर्तुळात रंगल्या. त्यावर सीएम फडणवीस यांनी आज माध्यमांशी बोलताना मी, मुंबईतच आहे, महाराष्ट्रातच आहे अशी सूचक प्रतिक्रिया दिली आहे.

नाशिक जिल्ह्यात पुन्हा भूकंपाचे धक्के 

नाशिक जिल्ह्यातील ग्रामीण भागाला आज पुन्हा भूकंपाच्या सौम्य धक्क्यांनी हादरा बसला. सुरगाणा आणि कळवण तालुक्यातील विविध भागांत काल रात्रीच्या सुमारास दोन वेळा भूकंपाचे सौम्य धक्के जाणवले. सुदैवाने या घटनेत कोणतीही जीवित किंवा वित्तहानी झाली नसल्याची माहिती स्थानिक प्रशासनाकडून देण्यात आली आहे. कालही सुरगाणा तालुक्यात सलगे चार धक्के बसले होते.

Uddhav Thackeray at Shivtirth उद्धव ठाकरे शीवतीर्थवर दाखल

उद्धव ठाकरे शिवतीर्थावर दाखल झाले आहेत. तिरंगा जल्लोषाच्या पार्श्वभूमीवर शिवतीर्थ परिसरात कार्यकर्ते आणि समर्थकांची मोठी गर्दी जमली असून, कार्यक्रमाबाबत उत्साहाचं वातावरण पाहायला मिळत आहे. ते जमलेल्या जमावाला मार्गदर्शन संबोधत आहेत.

MNS UBT Tiranga Jallosh Dadar दिपकेंनी अमेरिकेतील नोकरी सोडल्याची चर्चा 

दिपकेंनी अमेरिकेतील नोकरी सोडून सामाजिक आणि विद्यार्थी प्रश्नांसाठी काम करण्याचा निर्णय घेतल्याचं सांगण्यात आलं आहे. MNS-UBT तिरंगा जल्लोषाच्या पार्श्वभूमीवर दादरमध्ये त्यांच्या भूमिकेची आणि संघर्षाची चर्चा रंगली आहे.

Arvind Sawant on Tiranga Jallosh : विद्यार्थ्यांच्या ताकदीचं अरविंद सावंतांकडून कौतुक!

अरविंद सावंत यांनी तिरंगा जल्लोषातील विद्यार्थ्यांच्या ताकदीचं कौतुक केलं आहे. विद्यार्थ्यांचा सहभाग, त्यांचा उत्साह आणि आंदोलनातील भूमिका यावर भाष्य करत त्यांनी तरुणाईच्या एकजुटीचं कौतुक केलं.

Dharmendra Pradhan धर्मेंद्र प्रधान यांचा राजीनामा राष्ट्रपतींकडून मंजूर

Dharmendra Pradhan यांचा राजीनामा राष्ट्रपतींकडून मंजूर झाल्याची मोठी बातमी समोर आली आहे. NEET पेपर लीक प्रकरण आणि परीक्षा व्यवस्थेतील गैरप्रकारांवरून सुरू असलेल्या राजकीय वादाच्या पार्श्वभूमीवर ही घडामोड महत्त्वाची मानली जात आहे.

लाखांची खंडणी मागणाऱ्या एका भामट्याला पुणे शहर पोलिसांच्या गुन्हे शाखेने पकडलं

राजकोट गुजरात येथील एका धान्य व्यापाऱ्याचे बँक खाते ऑनलाईन व्यवहारातून फ्रीज करून, स्वतःला गुन्हे अन्वेषण विभागाचा रॉचा वरिष्ठ अधिकारी असल्याचे भासवून खाते पूर्ववत सुरू करून देण्याच्या मोबदल्यात लाखांची खंडणी मागणाऱ्या एका भामट्याला पुणे शहर पोलिसांच्या गुन्हे शाखेने रंगेहात पकडले आहे. परेश प्रवीण कोठारी (वय ४२, रा. हॉटेल पंचमीजवळ, सातारा रस्ता, पुणे) असे अटक करण्यात आलेल्या आरोपीचे नाव असून, तो स्वतःला रॉ एजंट म्हणूनही मिरवत होता. या प्रकरणी एका ४२ वर्षीय व्यापाऱ्याने पुणे शहर पोलिसांच्या खंडणी विरोधी पथकाकडे तक्रार नोंदवली होती. त्यावरून पर्वती पोलिस ठाण्यात गुन्हा दाखल करण्यात आला आहे.

MPSC गट 'क' ची पदसंख्या दुप्पट; आता ५,७०७ जागांवर भरती

महाराष्ट्र लोकसेवा आयोगाची तयारी करणाऱ्या परीक्षार्थींसाठी एक अत्यंत महत्त्वाची बातमी समोर आली आहे. आयोगाने 'महाराष्ट्र गट 'क' सेवा संयुक्त पूर्व परीक्षा २०२६' संदर्भात एक शुद्धीपत्रक जारी केले असून, महसूल व वन विभागातील तलाठी पदांच्या तब्बल १,५३९ जागांचा यामध्ये नव्याने समावेश करण्यात आला आहे.

बंगालमध्ये पहिल्यांदाच 'गुंडा कायदा' लागू

नीट फुटीविरोधात पश्चिम बंगालमध्ये शुक्रवारी मोठा हिंसाचार झाला. या आंदोलनादरम्यान हिंसाचार घडवल्याचा आरोप असलेल्यांविरुद्ध 'गुंडा कायद्या'ची अंमलबजावणी केल्याचं मुख्यमंत्री सुवेंदू अधिकारी यांनी सांगितलं आहे.

विद्यार्थ्यांना भडकावून राजकीय लाभ मिळवण्याचे प्रयत्न -आशिष शेलार

उद्धव ठाकरे आणि राज ठाकरे यांच्या नेतृत्वाखाली आयोजित आंदोलनाबाबत शेलार म्हणाले की, विद्यार्थ्यांच्या न्याय्य मागण्यांना पाठिंबा देण्याऐवजी काही पक्ष या विषयाचे राजकारण करण्याचा प्रयत्न करत आहेत. विद्यार्थ्यांच्या भावना भडकावून राजकीय लाभ मिळविण्याचा हा प्रयत्न यशस्वी होणार नाही, असा दावा त्यांनी केला.

आमदाराला भाजप कार्यकर्त्याकडून धमकी,

चंदगडचे भाजपचे आमदार शिवाजीराव पाटील यांनी माजी आमदार संजय घाटगे यांच्या अन्नपूर्णा कंपनीला कर्ज दिल्या प्रकरणात जिल्हा बँकेला झालेल्या 13 लाखाच्या दंडावरून वैद्यकीय शिक्षण मंत्री हसन मुश्रीफ यांच्यावर टीका केली. ही टीका भाजपचे नेते माजी आमदार संजय घाटगे यांच्या कार्यकर्त्यांना चांगलीच जिव्हारी लागली. भाजपच्या कार्यकर्त्यांकडूनच आमदारांना थेट टार्गेट केल्याने जिल्ह्यातील राजकीय वातावरण चांगलेच तापले आहे. त्याचे पडसाद शनिवारी दिवसभर उमटले. आमदार शिवाजीराव पाटील यांनी माजी आमदार संजय घाटगे यांच्या बाबत बोलू नये. बोलण्याचे धाडस केले तर आमदार शिवाजीराव पाटील यांना कोगनोळी नाका ओलांडू देणार नाही, असा इशारा घाटगे यांचे कार्यकर्ते धनराज घाटगे यांनी दिला.

पुण्यातील गोळीबार प्रकरण पोलिस अधिकाऱ्यांना भोवले

खडक पोलीस ठाण्याच्या हद्दीत घडलेल्या गोळीबाराच्या दोन घटनांची पोलीस आयुक्त अमितेश कुमार यांनी घेतली गंभीर दखल घेतली असून त्यांनी या गोळीबार प्रकरणी खडक पोलीस ठाण्याच्या वरिष्ठ निरीक्षकांसह गुन्हे शाखा युनिट एकच्या निरीक्षकांची बदलीचे आदेश दिले आहेत.

राष्ट्रवादीच्या  विलीनीकरणास सुनेत्रा पवारांचा विरोध नाही? आदिती तटकरेंच्या वक्तव्याने चर्चांना उधाण

जळगाव येथे माध्यमांची बोलताना मंत्री आदिती तटकरे यांनी दोन्ही राष्ट्रवादी काँग्रेस पक्ष एकत्र येण्याबाबत विधान केले. त्या म्हणाल्या, उपमुख्यमंत्री सुनेत्रा पवार अथवा पक्षनेते पार्थ पवार यांनी विलीनीकरणाबाबत नकारात्मक भूमिका घेतलेली नाही. या संदर्भात तथ्यहीन आरोप होत आहेत, असं वक्तव्य केलं आहे.

उद्धव अन् राज ठाकरेंचा आज मुंबईत तिरंगा मार्च

धर्मेंद्र प्रधानांचा राजीनामा ही सीजेपीची प्रमुख मागणी मान्य झाली असली तरीही मुंबईत रविवारी (ता.२६) ठरल्याप्रमाणेच शिवाजी पार्कहून सिद्धिविनायक मंदिराकडे तिरंगा मार्च जाईल. ज्या तरूणांमुळे या आंदोलनाला यश मिळाले. त्या तरुणांचे अभिनंदन या मोर्चातून केले जाईल. मोर्चात कोणताही बदल झालेला नाही, असं मनसे प्रमुख राज ठाकरे यांनी सांगितलं आहे. त्यामुळे उद्धव ठाकरे आणि राज यांच्या नेतृत्वात आज मुंबईत तिरंगा मार्च निघणार आहे.