Hyundai IPO: सिक्युरिटीज अँड एक्स्चेंज बोर्ड ऑफ इंडिया (सेबी) कडून मंजुरी मिळाल्यानंतर ह्युंदाई मोटर्स इंडिया (Hyundai Motors India) देशातील सर्वात मोठा प्रारंभिक सार्वजनिक ऑफर (IPO) लॉन्च करण्यासाठी सज्ज आहे. कंपनीने जून 2024 मध्ये ड्राफ्ट कागदपत्रे सादर केली आहेत. आयपीओ ऑक्टोबरमध्ये गुंतवणूकीसाठी खुला केला जाऊ शकतो. याबाबतची माहिती बिझनेस टुडे या वृ्त्तवाहीनीने प्रसिध्द केली आहे.

दक्षिण कोरियाच्या ऑटोमेकरच्या भारतीय युनिटने IPO द्वारे 3 अब्ज डॉलर, जे भारतीय मुल्यानुसार सुमारे 25,000 कोटी रुपये उभारण्याची योजना आखली आहे. ही ऑफर संपूर्ण ऑफर फॉर सेल (OFS) वर असेल. म्हणजे प्रमोटर ह्युंदाई मोटर कंपनी त्याच्या शेअर्सचा काही भाग गुंतवणूकदारांना विकेल. या IPO मुळे केवळ निधीच वाढणार नाही तर Hyundai Motors India ची भारतीय बाजारपेठेतील दृश्यमानता सुधारेल अशी अपेक्षा आहे. स्टॉक एक्स्चेंजवर लिस्टेड करून कंपनीने आपल्या ब्रँडची प्रतिमा वाढवणे आणि त्याच्या शेअर्सना अधिक तरलता देण्याचे उद्दिष्ट ठेवले आहे. 2023-24 या आर्थिक वर्षात प्रवासी वाहनांच्या विक्रीच्या बाबतीत Hyundai Motors India ही भारतातील दुसरी सर्वात मोठी कार निर्माता कंपनी होती. या कंपनीने मारुती सुझुकीच्या मागे टाकले.

आयपीओची प्रक्रिया हाताळण्यात अनेक मोठ्या वित्तीय संस्थांचा सहभाग आहे. यात सीटी (Citi),एचएसबीसी सिक्युरिटीज (HSBC Securities), जेपी मॉरगन (JP Morgan), कोटक महिंद्रा कॅपीटल (Kotak Mahindra Capital) आणि मॉरगन स्टॅन्लि (Morgan Stanley) या प्रमुख बँका Hyundai ला व्यवहाराबाबत सल्ला देतात.

कायदेशीर सल्याच्या बाबतीत, कंपनीने शार्दुल अमरचंद मंगलदास यांची सल्लागार म्हणून नियुक्ती केली आहे, तर सिरिल अमरचंद मंगलदास हे बँकांचे प्रतिनिधित्व करतील. आंतरराष्ट्रीय स्तरावर लॅथम आणि वॉटकिन्स कायदेशीर सल्लागार म्हणून काम करतील. किफाईन टेक्नलॉजिस (KFin Technologies) ची या इश्यूसाठी रजिस्ट्रार म्हणून नियुक्ती करण्यात आली आहे. या आयपीओचा आकार आणि Hyundai Motors India ची प्रतिष्ठा पाहता ह्युंदाईचा आगामी IPO हा भारतीय शेअर बाजारातील एक मोठा कार्यक्रम असेल. दरम्यान, कंपनीने त्याच्या ऑफरच्या अंतिम टप्प्यात प्रवेश करण्याची तयारी केल्यामुळे शेअरची किंमत आणि नेमकी लॉन्च तारखेबद्दल अधिक माहिती मिळालेली नाही.

(डिस्क्लेमर : हा लेख माहिती शेअर करण्यासाठी देण्यात आला आहे. यामध्ये कुठल्याही प्रकारच्या गुंतवणुकीचा सल्ला देण्यात आलेला नाही. शेअर बाजारात गुंतवणूक करताना जोखीम असते. त्यामुळे स्वतःच्या जोखमीवर शेअर बाजारात गुंतवणुक करा. गुंतवणूक करण्याआधी संबंधित क्षेत्रातील तज्ज्ञांचा सल्ला घ्यावा.)