Citadel Honey Bunny Review On Social Media : 

सिटडेल फ्रेंचायजीची नवी सिरीज नुकतीच ओटीटी प्लॅटफॉर्म अमेझॉन प्राईम व्हिडिओवर रिलीज झाली आहे. सिटडेल हा फ्रेंचायजीची इंडियन सिरीज आहे. यामध्ये वरूण धवन आणि समांथा रूथ प्रभू यांनी मुख्य भूमिका साकारला आहे. तर याचे दिग्दर्शन नावाजलेली जोडी राज आणि डीके यांनी केलं आहे. ही सिरीज पाहिलेल्या प्रेक्षकांनी याबाबत सोशल मीडियावर आपली मते आणि रिव्ह्यू शेअर केला आहे. 

एकंदर चाहत्यांच्या रिअॅक्शनवरून सिटडेल हनी बनी ही सिरीज ओटीटीवर धुमाकूळ घालणार असं दिसतंय. सिटडेलच्या प्रिक्वेलमध्ये प्रियांका चोप्रा आणि रिचर्ड मॅडेन यांनी मुख्य भूमिका साकराली होती. ही सिरीज २०२३ मध्ये रिलीज झाली होती. आता या ग्लोबल सिरीजचा सिटडेल हनी बनी हा इंडियन लेग आहे. 

हेही वाचा : BMTC Driver Heart Attack : BMTC च्या ड्रायव्हरचा बस सुरू असतानाच मृत्यू; कंडक्टरने प्रसंगावधान राखलं म्हणून टळला

ट्विटरवर अनेक चाहत्यांनी याबाबत भरभरून ट्विट केले आहेत. जवळपास सर्वांनाच ही सिरीज आवडली असून त्यांनी सिरीजमधील कलाकार वरूण धवन आणि समांथा या दोघांच्या अभिनयाचे कौतुक केलं आहे. प्रेक्षकांच्या मते या दोघांची कॅमेस्ट्री देखील चांगली आहे. तसेच दिग्दर्शक राज आणि डीके यांनी देखील अॅक्शन सिक्वेन्स उत्तम प्रकारे दिग्दर्शित केले असून सिरीज कुठंही कंटाळवाणी नाही. प्रेक्षकांना खिळवून ठेवणारा स्क्रीनप्ले अन् सिरीजमधील ट्विस्ट तर लाजवाब असल्याचं अनेक नेटकऱ्यांच मत आहे. 

#CitadelHoneyBunny completed watching 2 episodes I would say #RaJndk @rajndk Killing it with screenplay,Action episodes r Top-notch👌,All hail #Samantha𓃵 she is Just Fantastic in action Episodes🔥 🔥 good to see #VarunDhawan in Acton 🔥 looks like another blockbuster loading 🔥 pic.twitter.com/H9I9ptXEpw

— Lakshmikanth (@kanthhere) November 6, 2024

एका चाहत्याने ट्विट केलं की, खूप चांगला खिळवून ठेवणार शो. मला हा खूप मनोरंजक वाटला अन् कुठेही कंटाळा आला नाही.' दुसऱ्या एका नेटकऱ्याने सिरीजचा प्लॉट आणि त्यातील ट्विस्टकडे लक्ष वेधलं. तो म्हणाला की चौथ्या एपिसोडमधील ट्विस्ट जबरदस्त होता. हा या शोमधील बिगेस्ट ट्विस्ट होता.' 

i watched the first episode of citadel and omg it’s so good. the story is interesting, the action scenes keeps u engaged and varun and samantha are too good in it!!! i love how honey bunny, both of them have strong characters!!! i’m impressed #CitadelHoneyBunny #VarunDhawan pic.twitter.com/gJxhBNfcyh

— neha♡ citadel bunny 🕵️♂️ (@losttmundanee) November 6, 2024

एका चाहत्याने राज आणि डिके या जोडीचं कौतुक केलं. तो लिहितो की, 'राज आणि डिके हे थ्रिलर्सचे किंग आहेत. त्यांनी आपला दिग्दर्शनाचा स्तर अजून उंचावला आहे.' दुसऱ्या एका युजरने, उच्च दर्जाचे अॅक्शन सिक्वेन्स आणि स्क्रीनप्ले असं म्हणत राज आणि डिके यांचे कौतुक केलं. 

हेही वाचा : Skoda Kylaq SUV : नेक्सॉन अन् व्हेन्यूचा बाजार उठणार...? २५ अत्याधुनिक फिचरसह Kylaq SUV मिळणार अवघ्या ७.८९ लाखात

Instagram

सिटडेल हनी बनी यांनी या फ्रेंचायजीमधील इतर सिरीजसाठी एक बेंचमार्क सेट केला आहे असं एकंदर चाहत्यांच्या कमेंटवरून दिसत आहे. आठवड्याभरापूर्वीच सिटडेल डियाना हे इटालियन व्हर्जन रिलीज झालं होतं. यात मटिलेडा डे अन्जलिसने प्रमुख भूमिका साकारली आहे. 

दरम्यान, सिटडेलच्या दुसऱ्या हंगामासाठी रूसो ब्रदर्स यांनी शूटिंग सुरू केलं आहे. यात प्रियांका चोप्रा आणि रिचर्ड मॅडेन यांची प्रमुख भूमिका असेल. तसेच स्टॅनली टुसी देखील या सिरीजमध्ये असणार आहे. या सिरीजमधील कलाकार युकेमध्ये शूटिंग करताना स्पॉट झाले आहेत.