: सोने प्राचीन काळापासून मानवी सभ्यतेचा एक अविभाज्य भाग बनला आहे. प्राचीन संस्कृतींमध्ये सोने एक राजा आणि साम्राज्याची संपत्ती आणि प्रतिष्ठा दर्शवत असे. इतिहासातील अनेक महत्त्वाच्या घटनांचा भाग म्हणून खूप महत्त्वाचं ठरलं आहे. त्यामुळे सोनं केवळ एक मौल्यवान धातू नाही, तर ते एक सांस्कृतिक, धार्मिक, आणि आर्थिक प्रतीक आहे. त्याचा मानवी जीवनावर असलेला प्रभाव अतूट आहे. , त्याची पूजा करणे, आणि त्याचे दागिने बनवणे या सगळ्या गोष्टी आपल्याला मुळापासून परंपरा, समृद्धी आणि सौंदर्याचं महत्त्व शिकवतात. पण हे सोन्याचे किती रंग आहेत , तुम्हाल माहित आहेत का...

• पिवळं सोनं () – हे शुद्ध सोनं अर्थात 24 कॅरेट असते, ते सामान्यत: पिवळट सोनेरी रंगात दिसते.
• पांढरं सोनं () – यामध्ये सोनं, पॅलॅडियम किंवा निकेल यासारख्या धातूंचा समावेश असतो. पांढरं सोनं प्रायः चकचकीत आणि चमकदार दिसते.
• गुलाबी सोनं()– यामध्ये सोने आणि तांबे यांचे मिश्रण असते. त्यामुळे गुलाबी किंवा लालसर रंग निर्माण होतो.
• हिरवे सोनं (Green Gold) – यामध्ये सोने आणि चांदी यांचे मिश्रण असते, त्यामुळे हिरवट रंग येतो.

गुलाबी सोनं स्वस्त का आहे?
सोन्यापेक्षा तांबे कमी महाग असल्याने गुलाबी सोने शुद्ध सोन्यापेक्षा अधिक परवडणारे असते. गुलाबी सोने आणि सोन्याच्या मिश्रधातूंची किंमत अतिरिक्त मिश्रधातूंच्या घटकांमुळे देखील प्रभावित होऊ शकते.

भारतात एकूण किती सोनं सोबत बाळगू शकतात ?
केंद्रीय प्रत्यक्ष कर मंडळाच्या (CBDT) नियमानुसार, देशात महिलांना 500 ग्रॅम सोनं बाळगण्याची मुभा आहे. अविवाहित महिलांना 250 ग्रॅम तर पुरुषांना 100 ग्रॅम सोनं अंगावर घालण्याची परवानगी आहे.

भारत विदेशांतून सोनं आयात करतो का?
होय, भारत विदेशातून काही प्रमाणात सोनं आयात करतो. कारण भारतात जगातील इतर देशांच्या तुलनेत सोन्याला मोठा ग्राहकवर्ग आहे. भारतात सोन्याला खूप मागणी आहे.

जागतिक क्रमवारीत सोन्याच्या वापरामध्ये भारताचा कितवा क्रमांक लागतो?
सोन्याची सर्वाधिक मागणी असलेल्या भारत हा जगातील दुसरा सर्वात मोठा देश आहे. भारतात सांस्कृतिक, धार्मिक आणि सामाजिक कारणांमुळे सोन्याला मागणी जास्त आहे.

गोल्ड बॉण्ड्समध्ये गुंतवणूक करणे हा अधिक उत्तम पर्याय आहे का?
गोल्ड बॉड्समध्ये गुंतवणूक करणे अधिक सुरक्षित मानले जाते, कारण यामध्ये चोरी किंवा फसवणुकीची जोखीम नाही, कारण हे सोन्याच्या डिजिटल स्वरूपात आहेत. शिवाय, सोने बाँड्सवर वार्षिक व्याजही मिळते. ते अधिक श्रेयस्कर आणि स्मार्ट गुंतवणूक देखील बनते. सोन्याचे बाँड डिजिटलरित्या खरेदी करू शकतो, कारण ते डिमॅट अकाउंटद्वारे खरेदी केले जातात.

सोने खरेदी करताना मला कर भरावा लागेल का?
होय, सोनं खरेदी करताना सामान्यतः कर लागू होतात. तुम्ही कोणत्या प्रकारचे सोनं खरेदी करता आणि तुमच्या देशातील कर नियम काय आहेत, यावर तुम्हाला लागणाऱ्या करांच्या प्रकार आणि प्रमाणावर परिणाम होतो. सोन्यावरील एकूण कर सध्या 20.8 टक्के आहे. तथापि, अल्पकालीन भांडवली नफ्यावर हा दर लागू होत नाही. डिजिटल, भौतिक आणि SGBs वर भारतीय करांबद्दल माहिती मिळवता येईल.