राज्य सरकारकडून प्रशासकीय अधिकाऱ्यांच्या बदल्या अन् पदोन्नती
महाराष्ट्र शासनानं आज काही अधिकाऱ्यांच्या पदोन्नतीचे आदेश जारी केले. तर, काही अधिकाऱ्यांची बदली करण्यात आली आहे. सचिनद्र प्रताप सिंह यांची आयुक्त,शिक्षण पुणे येथे नियुक्ती करण्यात आलीय. रुचेश जयवंशी यांना पदोन्नती देण्यात आली आहे. ते सध्या राष्ट्रीय ग्रामीण जीवनन्नोती अभियान, येथे मुख्य कार्यकारी अधिकारी म्हणन कार्यरत होते. त्यांना अल्पसंख्यांक विभास विभाग, मंत्रालय मुंबईचे सचिव पदावर नियुक्ती देण्यात आली आहे.
Koregaon Live: कोरेगाव भीमा अभिवादन सोहळ्यासाठी प्रशासन सज्ज, 8 ते 10 लाख अनुयायी येण्याचा अंदाजपुण्यातील कोरेगाव भीमा येथे आज 207 वा शौर्यदिन साजरा केला जाणार आहे. शौर्य दिनानिमित्त कोरेगाव भीमा येथे जय्यत तयारी करण्यात आली आहे. मंगळवार 31 डिसेंबर व बुधवार 1 जानेवारी असे दोन दिवस होणार१या या सोहळ्यसाठी यंदा लाखोंची उपस्थिती राहणार असल्याचा प्रशासनाचा अंदाज आहे. यावर्षी कोरेगाव भीमा सभेसाठी पाच हजार पोलीस कर्मचारी,सातशे पन्नास पोलिस आधिकारी तैनात असणार आहेत. यासोबतच एक हजार होमगार्ड आणि आठ कंपन्या काम करणार.
Shaurya Din Bhima Koregaon LIVE : कोल्हापुरात भीमा कोरेगावमधील हुतात्म्यांना अभिवादनकोल्हापूर : भीमा कोरेगाव येथील युद्धात अनेकांनी आपल्या जीवाची आहुती दिली. त्या हुतात्म्यांना फुले, शाहू, आंबेडकर चळवळीच्या वतीने आज बिंदू चौक येथे निवृत्त पोलिस अधिकारी शमशुद्दीन मुश्रीफ व तानाजी नलवडे यांच्या हस्ते दीपप्रज्वलन करून मानवंदना देण्यात आली. कोरेगाव भीमा येथील ऐतिहासिक लढाईतील जवानांचे वंशज सुभाष इनामदार यांच्या हस्ते बिंदू चौकातील भारतरत्न डॉ. बाबासाहेब आंबेडकर व महात्मा फुले यांच्या प्रतिमांना हार अर्पण करून व २०७ मेणबत्त्या प्रज्वलित करून अभिवादन करण्यात आले.
LPG Price : नवीन वर्षाच्या पहिल्याच दिवशी सर्वसामान्यांना मोठा दिलासा; एलपीजी सिलिंडरच्या दरात कपातLPG Gas Cylinder New Rate : नव्या वर्षाच्या पहिल्याच दिवशी सर्वसामान्यांना मोठा दिलासा मिळाला आहे. एक जानेवारी रोहित व्यावसायिक गॅस सिलिंडरच्या किमतीत कपात करण्यात आली आहे. एलपीजी व्यावसायिक सिलिंडरच्या किमतीमध्ये 14.50 रुपयांची घट झाली आहे. 19 किलो एलपीजी सिलिंडरच्या किमतीत १४.५० रूपये कपात करण्यात आली आहे. तर, 14 किलोच्या घरगुती गॅस सिलिंडरच्या किमतीत कोणताही बदल झालेला नाही.
Ayodhya, Uttar Pradesh LIVE : नवीन वर्षाच्या पहिल्याच दिवशी अयोध्येत प्रभू श्रीरामाचे दर्शन घेण्यासाठी भाविकांची मोठी गर्दीअयोध्येत 2025 च्या पहिल्याच दिवशी मोठ्या संख्येने भाविक श्री रामजन्मभूमी मंदिरात दर्शनासाठी येत आहेत.
पंतप्रधान नरेंद्र मोदी यांनी नवीन वर्ष 2025 निमित्त शुभेच्छा दिल्या आहेत. "हे वर्ष प्रत्येकासाठी नवीन संधी, यश आणि आनंद घेऊन येवो. प्रत्येकाला उत्कृष्ट आरोग्य आणि समृद्धीचा आशीर्वाद मिळो, असं पंतप्रधान मोदींनी ट्वीट केलं आहे.
केज : वाल्मीक कराड याला येथील सत्र न्यायालयाने १४ जानेवारीपर्यंत ‘सीआयडी’ कोठडी सुनावली. गुन्हा दाखल झाल्यानंतर फरारी असलेला कराड २१ दिवसांनी पुणे येथील गुन्हे अन्वेषण विभागाच्या कार्यालयात मंगळवारी शरण आला. त्यानंतर पोलिसांनी अटकेची कारवाई करून रात्री दहाच्या सुमारास केज पोलिस ठाण्यात आणले. पोलिस ठाणे परिसरात मोठी गर्दी झाली होती. पोलिसांनी ती पांगवली. परिसरात मोठा बंदोबस्त तैनात होता. उपजिल्हा रुग्णालयात वैद्यकीय तपासणी करून त्याला न्यायालयात आणण्यात आले. न्यायाधीश एस. वाय. पावसकर यांच्यासमोर सुनावणी झाली. ‘सीआयडी’चे वकील ॲड. जे. बी. शिंदे यांनी बाजू मांडली. सरपंच संतोष देशमुख यांच्या हत्येशी खंडणी प्रकरणाचा संबंध आहे. त्याच्या तपासासाठी कराडला पंधरा दिवसांची कोठडी देण्याची मागणी शिंदे यांनी केली. कराड याच्याकडून ॲड. अशोक कवडे यांनी बाजू मांडली. दरम्यान, सरकारी वकील ॲड. देशपांडे यांनी वैयक्तिक कारण देत ऐनवेळी या प्रकरणाच्या सुनवणीतून माघार घेतली. त्यामुळे ॲड. शिंदे यांनी बाजू मांडली.
Adv. Prakash Ambedkar LIVE : कोरेगाव भीमा येथे अॅड. प्रकाश आंबेडकरांनी केलं शौर्य स्तंभाला अभिवादनकोरेगाव भीमा येथे अॅड. प्रकाश आंबेडकर यांनी शौर्य स्तंभाला अभिवादन केले. दरवर्षीप्रमाणे याही वर्षी एक जानेवारी रोजी अभिवादनासाठी मी आलो आहे. सर्व जनतेला नवीन वर्षाच्या शुभेच्छा. अभिवादन करण्यासाठी आजही जनता येत असते, ही गोष्ट चांगली आहे. सरकार आपल्या परीने सुविधा पुरवत असते, पण या अपुऱ्या पडत आहेत. पुढच्या वेळी या सुविधा पुरवल्या जातील अशी अपेक्षा आहे, असे ते म्हणाले.
Minister Bharat Gogawale LIVE : मंत्री भरत गोगावले कोल्हापूर जिल्हा दौऱ्यावरLatest Marathi Live Updates 1 January 2025 : कोरगाव भीमा येथे आज शोर्य दिन साजरा होत आहे. ‘झाले गेले विसरून जावे पुढे पुढे चालावे, जीवनगाणे गातच जावे...’ असे आनंदगीत गात मंगळवारी रात्री नागरिकांनी जल्लोषात नववर्षाचे स्वागत केले. तसेच बीड जिल्ह्यातील केज पोलिस ठाण्यात दाखल दोन कोटींच्या खंडणीच्या गुन्ह्यात काही दिवसांपासून फरार असलेला वाल्मीक कराड अखेर राज्य गुन्हे अन्वेषणच्या (सीआयडी) पुण्यातील मुख्यालयात मंगळवारी दुपारी हजर झाला. त्याला केज येथे नेत न्यायालयात हजर करण्यात आले. राज्याचे रोजगार हमी योजना, फलोत्पादन व खारभूमी विकास मंत्री भरत गोगावले यांचे मंगळवारी सायंकाळी कोल्हापुरात आगमन झाले. आज ते करवीर निवासिनी अंबाबाईचे दर्शन घेणार आहेत. तसेच राज्यात काही ठिकाणी गारपीट झाली आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर..
