मुंबई : ऑनलाइन घोटाळ्याची व्याप्ती दिवसेंदिवस वाढत चालली आहे. फसवणूक करणारे राेज नवनवीन पद्धती वापरून लाेकांची बँँक खाती रिकामी करत आहेत. आतापर्यंत लाखाे नागरिकांना काेट्यावधी रुपयांचा गंडा या सायबर चाेरट्यांनी घातला आहे. ऑनलाइन फसवणूक करणारे गुन्हेगार लोकांच्या बँक खात्यातून पैसे चोरण्याचे नवनवीन मार्ग अवलंबत आहेत. फसवणूक करण्याचा एक नवीन पद्धत आता या चाेरट्यांनी शाेधून काढली आहे. जंप्ड डिपॉझिट स्कॅम या नावाने एक नवीन ऑनलाइन घोटाळा समोर आला आहे. यामध्ये यूपीआय वापरकर्त्यांना लक्ष्य केले जात आहे. जंप्ड डिपॉझिट स्कॅमध्ये सायबर गुन्हेगार चतुराईने लोकांची फसवणूक करतात आणि त्यांच्या खात्यातून पैसे काढतात. हा घोटाळा कसा चालतो?या घोटाळ्यात सायबर चाेरटे प्रथम यूपीआय (UPI) च्या माध्यमातून लाेकांच्या बँक खात्यात छोटी रक्कम जमा करतात. यानंतर ते त्यांना मोठी रक्कम परत करण्याची विनंती करतात. जेव्हा लाेकांना त्यांच्या खात्यात पैसे जमा झाल्याची सूचना मिळते, तेव्हा ते यूपीआय ॲप उघडतात आणि त्यांची शिल्लक तपासण्यासाठी पिन टाकतात. यादरम्यान फसवणूक करणाऱ्यांनी आधीच बनावट व्यवहाराची विनंती पाठवलेली असते. लाेकांनी त्यांचा पिन टाकताच, विनंती स्वीकारली जाते. आणि त्यांच्या खात्यातून पैसे काढले जातात. तामिळनाडू पोलिसांचा इशारातामिळनाडू पोलिसांनी या घोटाळ्याबाबत लोकांना सावध राहण्याचा सल्ला दिला आहे. नॅशनल सायबर क्राईम रिपोर्टिंग पोर्टलवर अशा फसवणुकीच्या तक्रारी सातत्याने नोंदवल्या जात असल्याचे त्यांनी सांगितले. अनोळखी व्यक्तीकडून पैसे मिळाल्यास तातडीने खबरदारी घ्या, असे पोलिसांनी सांगितले आहे. फसवणूक कशी टाळायची? ताबडतोब शिल्लक तपासू नका तुमच्या खात्यात कोणतेही अज्ञात पैसे आले तर 15-30 मिनिटे प्रतीक्षा करा. या काळात, कोणत्याही फसव्या विनंत्या कालबाह्य होतील आणि स्कॅमरना तुमचा पिन वापरण्याची संधी मिळणार नाही. चुकीचा पिन टाका ताबडतोब शिल्लक तपासणे आवश्यक असल्यास चुकीचा पिन जाणूनबुजून टाका. असे केल्याने कोणतीही प्रलंबित विनंती नाकारली जाईल आणि तुमचे पैसे सुरक्षित राहतील. सतर्क रहायूपीआय वापरताना कोणत्याही अनोळखी व्यक्तीकडून येणारे पैसे आणि विनंत्यांबाबत काळजी घ्या. फसवे व्यवहार टाळण्यासाठी नेहमी शहाणपणाने वागा आणि तुमचा पिन गोपनीय ठेवा. अशा घटनांबाबत सायबर क्राईम पोर्टलवर तत्काळ तक्रार करा.