इंग्रजी नवीन वर्षाला सुरुवात झाली असून या वर्षात पहिला येणारा सण म्हणजे मकर संक्रांत. हा सण सर्व नवीन लग्न झालेल्या जोडप्यांसाठी आणि लहान मुलांसाठी खूप खास असा असतो. या सणाची सर्वच आतुरतेने वाट पाहत असतात. कारण हा असा सण आहे ज्यामुळे रुसवे-फुगवे दूर होतात आणि पुन्हा एकदा नाती जवळ येतात. यादिवशी तिळ-गुळ देऊन गोड बोलण्याचे आवाहन केले जाते. महत्त्वाचे म्हणजे या दिवसापासून हळदी-कुंकूचा महिलांचा विशेष आणि खास कार्यक्रम सुरु होतो. यादिवशी महिला एकमेकांच्या घरी जातात आणि हळदी-कुंकूचा आनंद लुटतात. अशावेळी आपल्या घरी येणाऱ्या महिलांचे स्वागत करण्यासाठी खास, सुंदर आणि आकर्षक रांगोळी तर काढलीच पाहिजे. चला तर पाहूया रांगोळीच्या खास डिसाईन्स.

chaitali_art_n_crafts_ Instagram

ही रांगोळी तुम्ही खास तुमच्या घरी जेव्हा हळदी-कुंकूचा कार्यक्रम असतो तेव्हा काढू शकता. ही एकदम छान, आकर्षक आणि झटपट काढता येईल अशी रांगोळी आहे. ही रांगोळी तुमच्या हळदी-कुंकूच्या कार्यक्रमाची शोभा अधिक वाढवेल. मग, यंदा काढा ही छान आणि सुंदर रांगोळी.

हेही वाचा : Makar Sankranti 2025 : मकर संक्रांतीच्या दिवशी 'या' राशींना नोकरी मिळण्याची शक्यता

हळदी-कुंकू हा खास महिलांचा विशेष कार्यक्रम असतो. या कार्यक्रमाला मकर संक्रांतीपासून सुरुवात करतात. यानिमित्त महिला देखील छान नटतात. आणि याच नटलेल्या महिलांचे सुंदर रुप तुम्ही रांगोळीतून रेखाटू शकता.

आपण आजकाल पाहतो रांगोळी काढताना फुलांचा योग्य पद्धतीने वापर केला जातो. बऱ्याचदा फुलांच्या मदतीने सुंदर आणि आकर्षक रांगोळी काढली जाते. जी खूप सुंदरही दिसते आणि आकर्षकही वाटते. या रांगोळीत फुलांचा वापर करत मकर संक्रांतीच्या खास शुभेच्छा देखील देण्यात आल्या आहेत.

ही रांगोळी तुम्ही नक्कीच मकर संक्रांतीनिमित्त काढू शकता. यामध्ये सुंदर असे स्त्रीचे चित्र काढण्यात आले आहे. तसेच मकर संक्रांतीला हळदी-कुंकूला विशेष महत्त्व असल्याचे यातून दाखवले आहे.

Makar Sankranti 2025 : मकर संक्रांतीच्या दिवशी करु नका 'या' १० गोष्टी

मकर संक्रांतीला तर आपण हळदी-कुंकूच्या खास रांगोळ्या काढतो. पण, बोरन्हाण देखील खूप स्पेशल असते. हे लहान मुलांसाठी खास केले जाते. वयाच्या पाच वर्षापर्यंत हे केले जाते. हे मकर संक्रांतीला खास करुन करतात. तुम्ही यादिवशी ही स्पेशल बोरन्हाण रांगोळी नक्कीच काढू शकता.