'आला थंडीचा महिना, झटपट शेकोटी पेटवा'... हे गाणे तुम्ही ऐकलेच असेल आता हेच गाणे म्हणायची वेळ आली आहे. कारण ९ जानेवारीपासून हवामानात गंभीर आणि मोठे बदल होणार आहेत. धुके, पाऊस अन् गारठा आता जाणवू लागला आहे. उत्तर भारतात कडाक्याच्या थंडीमुळे लोकांचे तर जगणे कठीण झाले आहे. सकाळी धुक्यामुळे रस्त्यावरील लोकांची मॉर्निंग वॉक ठप्प झाला आहे. तर हाडांना थंडावा देणाऱ्या थंडीबाबात हवामान खात्याने अलर्ट जारी केला आहे. उत्तर भारतातील भयानक बदलत्या हवामानाबद्दल जाणून घेऊया.

या 10 कारणांमुळे लग्नानंतर प्रत्येक मुलीला येते 'माहेर'ची आठवण

istock

दिल्ली, एनसीआर, उत्तर प्रदेश, राजस्थान, बिहार इत्यादींसह अनेक राज्यांमध्ये हिमाचलपासून काश्मीरपर्यंत थंडीच्या लाटेने अक्षरश: कहर केला आहे. थंडीच्या लाटेमुळे सामान्य जनजीवन विस्कळीत झाले आहे. रात्रभर झालेल्या हिमवृष्टीनंतर काश्मीरमधील तापमानात मोठा बदल झाला आहे. त्याचप्रमाणे पंजाब आणि हरियाणामध्येही गुरुवारी सकाळी थंडीची चाहूल लागली. काही ठिकाणी मुसळधार पावसाने हवामानात आणखी बदल केला आहे. डोंगराळ राज्यांमध्ये तापमानात सातत्याने घट होत आहे. महिन्याच्या पहिल्या सोमवारी दिल्लीतील काही भागात हलका पाऊस पडल्यानंतर थंडी आणखी वाढली आहे. हवामान खात्यानुसार, आज म्हणजेच गुरुवारी दिवसभर दिल्लीत हलके ढग आहेत तर कमाल तापमान १९ अंश सेल्सिअस राहिल. पुढील ५ दिवसांच्या हवामान अंदाजानुसार, दिल्लीचे तापमान गुरुवारी १९ अंश सेल्सिअस, शुक्रवारी १८ अंश सेल्सिअस, शनिवारी १५ अंश सेल्सिअस, रविवारी १७ अंश सेल्सिअस, सोमवारी, मंगळवारी १९ अंश सेल्सिअस राहण्याची अपेक्षा आहे.

हेही वाचा : बाळंतपणानंतरही डिंकाचे लाडू खाणे आरोग्यासाठी फायद्याचे, पाहा सोपी रेसिपी

istock

हवामान खात्याने जारी केलेल्या अलर्टनुसार युपीमध्ये ९ जानेवारीपासून हवामानात गंभीर बदल होणार आहेत. १० जानेवारीपासून नवीन वेस्टर्न डिस्टर्बन्स सक्रिय होत असून त्याचा परिणाम उत्तर प्रदेशच्या हवामानावर होणार आहे. यामुळे ११ आणि १२ जानेवारी रोजी उत्तर प्रदेशातील अनेक भागात पाऊस आणि मेघगर्जनेसह पाऊस पडू शकतो.

हेही वाचा - सिझेरियन प्रसूती झाल्यास 'या' १० गोष्टी ठेवा लक्षात, निष्काळजीपणामुळे शरीर बिघडू शकते

istock

हिमाचल प्रदेशच्या शिमला हवामान केंद्राने बुधवारी राज्यातील १२ पैकी पाच जिल्ह्यांमध्ये उना, बिलासपूर, हमीरपूर, कांगडा आणि मंडी येथे वेगवेगळ्या ठिकाणी थंड लाट, दाट धुक्याचा यलो अलर्ट देण्यात आला आहे.

Tips for new Bride: लग्नानंतर माहेरची आठवण येत असेल तर 'या' सोप्या ट्रिक्स ट्राय करून पहा

istock

थंड पश्चिमेकडील वाऱ्यांमुळे बुधवारी दिवसभर थंडीची लाट कायम होती. थंडीमुळे जनजीवन विस्कळीत झाले. दरम्यान, हवामान खात्याने आपल्या अंदाजात म्हटले आहे की पुढील तीन दिवस हवामानात विशेष बदल होण्याची शक्यता नाही. पाटणा हवामान विभागाने दिलेल्या माहितीनुसार, गेल्या २४ तासांत राज्याच्या उत्तर भागात एक-दोन ठिकाणी हलक्या पावसाची नोंद झाली. तर उर्वरित भागात हवामान कोरडे होते. किशनगंजमध्ये सर्वाधिक २५ अंश सेल्सिअस तापमानाची नोंद झाली. तर सर्वात कमी किमान तापमान ९ अंश सेल्सिअस छपरा येथे नोंदवले गेले.