पट्टणकोडोली : पट्टणकोडोली (ता. हातकणंगले) ग्रामपंचायतीच्या लोकनियुक्त सरपंच भाग्यश्री दत्तात्रय कोळी यांनी अनुसूचित जमातीचे जात वैधता प्रमाणपत्र मुदतीत सादर न केल्याप्रकरणी जिल्हाधिकारी अमोल येडगे यांनी त्यांना अपात्र घोषित केले. रायगोंडा डावरे यांनी ऑगस्ट २०२४ मध्ये या विरोधात याचिका दाखल केली होती.

बीड : अन्न व नागरी पुरवठा मंत्री धनंजय मुंडे यांच्या समर्थकांच्या फिर्यादीवरुन गुरुवारी मराठा आरक्षण आंदोलनकर्ते मनोज जरांगे पाटील यांच्यावर पाटोदा पोलिस ठाण्यात अदखलपात्र गुन्हा नोंद झाला. मस्साजोग येथील सरपंच संतोष देशमुख यांच्या हत्या प्रकरणातील विष्णू चाटे हा आरोपी राष्ट्रवादी काँग्रेस समर्थक आहे. संतोष देशमुख यांचे बंधू धनंजय देशमुख यांना एकाने पोलिस ठाण्यात धमकावल्याचा प्रकार घडला होता.

Latest Marathi Live Updates 10 January 2025 : ‘‘महाराष्ट्र पुढील पाच वर्षांमध्ये सर्व क्षेत्रांमध्ये पुढे असेल, देशाचे ग्रोथ इंजिन म्हणून राज्याची ओळख निर्माण झालेली असेल. या परिवर्तनाच्या काळामध्ये सर्वसामान्य माणसांची स्वप्ने पुढील पाच वर्षांमध्ये पूर्ण होतील,’’ अशा शब्दांत मुख्यमंत्री देवेंद्र फडणवीस यांनी आश्वस्त केले. तसेच राज्यपाल नियुक्त बारा आमदारांबाबत तत्कालीन राज्यपाल भगतसिंग कोश्यारी यांनी निर्णय घेतला नाही. यादीही नाकारली नाही. याबाबत महाविकास आघाडीने उच्च न्यायालयात याचिका दाखल केली होती. ती आज फेटाळण्यात आली. कोल्हापूरचे माजी नगरसेवक आणि शिवसेना उद्धव ठाकरे पक्षाचे शहरप्रमुख सुनील मोदी यांनी ही याचिका दाखल केली होती. तर, मराठा आरक्षण आंदोलनकर्ते मनोज जरांगे पाटील यांच्यावर पाटोदा पोलिस ठाण्यात अदखलपात्र गुन्हा नोंद झाला. राज्यात थंडीचा कडाका चांगलाच वाढला आहे. तापमानात कमालीची घट झाल्यामुळे गारठा वाढला आहे. एकीकडे थंडी तर आता दुसरीकडे राज्यात पावसाचा अंदाज देखील हवामान खात्याकडून वर्तवण्यात आला आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर..