फुल साईज एसयूव्ही कोणाला आवडत नाही. टोयोटा फॉर्च्युनर सर्वांनाच आवडते, पण किंमत पाहिल्यानंतर अनेकजण ही एसयूव्ही खरेदी करण्याचा विचार बदलतात. निराश होण्याची गरज नाही. आज आम्ही तुम्हाला टोयोटा फॉर्च्युनरऐवजी कोणता पर्याय आहे, हे सांगणार आहोत. या एसयूव्हीचा आकार फॉर्च्युनरएवढा आहे पण किंमत फॉर्च्युनरच्या अर्धी आहे.
भारतीय बाजारात मारुती सुझुकीची एमपीव्ही आहे जी टोयोटा फॉर्च्युनर इतकी उंच आहे, या कारचे नाव आहे मारुती सुझुकी इनविक्टो. या कारची किंमत काय आहे आणि दोन्ही कारमध्ये काय फरक आहे? चला जाणून घेऊया.
मारुती सुझुकी इन्व्हिक्टो 7 आणि 8 या दोन आसन पर्यायांमध्ये खरेदी करता येईल, परंतु टोयोटा फॉर्च्युनर आपल्याला फक्त 7 सीटर ऑप्शनमध्ये उपलब्ध असेल. इन्व्हिक्टोची लांबी, रुंदी आणि उंची अनुक्रमे 4755 मिमी, 1850 मिमी आणि 1798 मिमी आहे. दुसरीकडे फॉर्च्युनरची लांबी 4795 मिमी, 1855 मिमी आणि 1835 मिमी आहे. टोयोटा फॉर्च्युनरमध्ये 296 लीटर बूट स्पेस आहे, तर मारुती सुझुकी इनविक्टोमध्ये 239 लीटर बूट स्पेस आहे.
हायब्रिड सिस्टीमसह इन्व्हिक्टोमध्ये 2 लीटर पेट्रोल इंजिन आहे जे 152 बीएचपी पॉवर आणि 188 एनएम टॉर्क जनरेट करते. मायलेजबाबत कंपनीचा दावा आहे की, हा एमपीव्ही एक लिटर तेलात 23.24 किमीपर्यंत धावू शकतो.
तर फॉर्च्युनरच्या पेट्रोल व्हेरियंटमध्ये 2694 सीसीड्युअल व्हीव्हीटी-आय इंजिन मिळेल जे 166 बीएचपी पॉवर आणि 245 एनएम टॉर्क जनरेट करते. फॉर्च्युनरचे पेट्रोल व्हेरियंट 10 किमी/लीटर मायलेज देते, तर डिझेल व्हेरियंट 14.27 किमी/लीटर मायलेज देते.
इन्व्हिक्टोमध्ये सुरक्षेसाठी 6 एअरबॅग, 360 डिग्री कॅमेरा, फ्रंट-रियर पार्किंग सेन्सर, टायर प्रेशर मॉनिटरिंग सिस्टम, चाइल्ड सीट आयसोफिक्स सपोर्ट आणि व्हेइकल स्टेबिलिटी कंट्रोल सारखे फीचर्स मिळतील. तर फॉर्च्युनरमध्ये 7 एअरबॅग, व्हेईकल स्टेबिलिटी कंट्रोल, ईबीडीसह एबीएस सेन्सर, हिल असिस्ट कंट्रोल, इमर्जन्सी ब्रेक सिग्नल, इमर्जन्सी अनलॉकसह स्पीड ऑटो लॉक, चाइल्ड सीट आयसोफिक्स सपोर्ट आणि अँटी थेफ्ट अलार्म सारखे फीचर्स देण्यात आले आहेत.
मारुती सुझुकी इनविक्टोची एक्स शोरूम किंमत 25.51 लाख ते 29.22 लाख रुपयांपर्यंत आहे. टोयोटा फॉर्च्युनरच्या बेस व्हेरियंटची किंमत 33.78 लाख रुपये आणि टॉप व्हेरिएंटची किंमत 51.94 लाख रुपये आहे.
