मुंबई : शेतकरी त्यांच्या १९ व्या हप्त्याची आतुरतेने वाट पाहत आहेत. पंतप्रधान किसान सन्मान निधी योजनेचा १९ वा हप्ता शेतकऱ्यांना फेब्रुवारी २०२५ च्या अखेरीस मिळणार आहे. केंद्रीय कृषी मंत्री शिवराज सिंह चौहान म्हणाले की, पंतप्रधान नरेंद्र मोदी २४ फेब्रुवारी रोजी बिहारला भेट देतील. तिथे कृषी कार्यक्रमादरम्यान पीएम किसान लाभार्थी शेतकऱ्यांच्या बँक खात्यात पैसे हस्तांतरित केले जातील. लाभार्थी शेतकऱ्यांना प्रधानमंत्री किसान सन्मान निधी योजनेअंतर्गत ई-केवायसी अपडेट करणे अनिवार्य आहे.पीएम किसान सन्मान निधी अंतर्गत १८ वा हप्ता १५ ऑक्टोबर २०२४ रोजी आला. आता सरकार २४ फेब्रुवारी २०२५ रोजी प्रधानमंत्री किसान सन्मान निधी योजनेचा १९ वा हप्ता जारी करेल. प्रधानमंत्री किसान सन्मान निधी योजनेअंतर्गत (पीएम किसान योजना) सरकार दरवर्षी शेतकऱ्यांना ६,००० रुपयांची आर्थिक मदत देते. हे पैसे थेट लाभ हस्तांतरण (DBT) द्वारे थेट शेतकऱ्यांच्या खात्यात पाठवले जातात. दर चार महिन्यांच्या अंतराने वर्षातून तीन हप्त्यांमध्ये २००० रुपये दिले जातात. आता सरकारने या योजनेअंतर्गत १८ हप्ते जारी केले आहेत. पीएम किसानचा लाभ घेण्यासाठी या अटी पूर्ण करणे आवश्यक - शेतकरी सरकारी नोकरीत नसावा.- उत्पन्न कर भरणाऱ्या शेतकऱ्यांना या योजनेचा लाभ मिळत नाही.- कुटुंबातील फक्त एकाच सदस्याला या योजनेचा लाभ मिळेल.- शेतकऱ्यांनी ई-केवायसी केले नसेल तर त्यांना पीएम किसानचा लाभ मिळणार नाही.- संपूर्ण माहिती पीएम किसानच्या साईटवर उपलब्ध असेल.तुम्हाला हे जाणून घ्यायचे असेल की तुम्ही या योजनेसाठी पात्र आहात की नाही, तर तुम्ही पीएम किसान योजनेच्या अधिकृत वेबसाइटला भेट देऊन माहिती मिळवू शकता. कोणत्याही अडचणीच्या बाबतीत शेतकरी हेल्पलाइन क्रमांकांवर कॉल करू शकतात. या माध्यमातून शेतकरी त्यांच्या समस्यांवर उपाय मिळवू शकतात. ईमेल आयडी : pmkisan-ict@gov.in हेल्पलाइन क्रमांक : १५५२६१, १८००११५५२६ (टोल फ्री), किंवा ०११-२३३८१०९२ ई-केवायसी १९ व्या हप्त्याची वाट पाहणाऱ्या शेतकऱ्यांना त्यांची ई-केवायसी प्रक्रिया पूर्ण करण्याचा आणि वेळोवेळी अधिकृत अपडेट्स तपासण्याचा सल्ला देण्यात येत आहे. अन्यथा १९ वा हप्ता अडकू शकतो.