hingli crime : हिंगोलीत 48 तासात दोन खून, आरोपी अज्ञात

हिंगोली जिल्हा खुनाच्या घटनेने हादरला आहे, 48 तासात हिंगोली जिल्ह्यात खुनाच्या दोन घटना घडल्या आहेत, हिंगोली शहराच्या जवळ असलेल्या येळी परिसरात फिरोज पठाण नावाच्या 18 वर्षीय मुलाची दगडाने ठेचून हत्या करण्यात आली आहे तर तिकडे बाळापूर पोलीस स्टेशन हद्दीत असलेल्या दाती शिवारात 64 वर्षीय ज्येष्ठ नागरिकाचा धारधार शस्त्राने अज्ञात व्यक्तीने खून केला आहे दरम्यान हिंगोली पोलिसांची दोन पथके आरोपीच्या शोधासाठी रवाना झाली असून, पोलीस अधीक्षकांसह वरिष्ठ पोलीस अधिकारी रात्री उशिरा पर्यंत घटनास्थळाची पाहणी करत होते.

Latur : लातूरच्या निलंगा शहरात कुंटण खाण्यावर पोलिसांचा छापा

लातूरच्या निलंगा शहरात अवैधरित्या वेश्या व्यवसाय सुरू असणाऱ्या कुंटण खाण्यावर पोलिसांनी छापा टाकत कारवाई केली आहे... या कारवाईत तीन महिलांसह एकाला ताब्यात घेण्यात आल आहे.. निलंगा शहरातल्या लॉजवर आणि काही भागात मागच्या काही दिवसापासून अवैधरित्या पैशाचे अमिष देऊन वेश्या व्यवसाय सुरू असल्याची माहिती पोलिसांना मिळाली होती, दरम्यान याच मिळालेल्या गुप्त माहितीच्या आधारे पोलिसांनी ही कारवाई केली आहे....

Nagpur Latest News :

नागपुरात झालेल्या राड्यानंतर संचारबंदी लावण्यात आली होती त्यात पाच भागातील कर्फ्यु उठवण्यात आला तर काही ठिकाणी कायम ठेवण्यात आला आहे....

रात्री सात वाजता पासून परिमंडळ तीन मधील पोलीस ठाणे पाचपावली शांतीनगर लकडगंज त्याचप्रमाणे परिमंडळ चार मधील पोलीस ठाणे सक्करदरा आणि इमामवाडा या परिसरातील संचारबंदी पूर्णता उठविण्यात येत आहे

तर परिमंडळ 3 मधील पोलीस ठाणे कोतवाली तहसील गणेश पेठ येथील संचारबंदी सायंकाळी सात ते रात्री दहा वाजता पर्यंत शितलता देण्यात आली आहे मात्र रात्री दहा वाजता पासून पुढे संचारबंदी पूर्ववत अमलात राहील

परिमंडळ पाच मधील यशोधरा नगर येथील संचारबंदी पुढील आदेशापर्यंत जैसे थे असणार आहे....

Khed- भारत बैलाच्या मृत्युनंतर शेतक-यांने माणसातली माणुसकी जपली.

खेड तालुक्यातील जरेवाडी येथे सरपंच केसरी भारत बैलाचं निधन झालं यावेळी बैलाची शेवटचे विधी माणसांप्रमाणे केल्याचे पहायला मिळाले आज जरे कुटुंबीयांनी लाडक्या भारत बैलाचा दशक्रिया विधी घातलाय, बैलगाडा शर्यतीचे अनेक घाट या भारत बैलाने गाजवले असल्याने आपल्या कुटुंबातील सदस्य हरपल्याने जरे कुटुंबियांनी एखाद्या मनुष्यप्रमाणे लाडक्या बैलाचा दशक्रिया विधी घातलाय.

nashik-manmad-मेमू ट्रेन ४ दिवस रद्द

देवळाली-भुसावळ व भुसावळ-देवळाली ही मेमू गाडी आज पासून चार दिवस म्हणजेच २३ ते २६ तारखे पर्यंत रेल्वेच्या कामानिमित्त रद्द करण्यात आली आहे.मेमू रद्द झाल्याने लहान स्थानकांवरील प्रवाशांचे मात्र हाल होणार आहे.

Maharashtra News Live Updates : राज्यातील तापमानात अंशतः घट, बहुतांश जिल्ह्यातील पारा ४० च्या खाली

विदर्भातील नागरिकांना काहीसा दिलासा, उष्माघाताची लाट काहीशी ओसरली

विदर्भातील अकोला, चंद्रपूर, नागपूर, वर्धा मध्ये ३७ - ३९ डिग्री सेल्सिअस तापमानाची नोंद

मध्य महाराष्ट्र आणि मराठवाड्यात सुद्धा तापमानात अंशतः घट

बीड, परभणी, सांगली, सातारा, नाशिक मध्ये सुद्धा तापमानाची घसरण

पुण्यात रविवारी ३६ डिग्री तापमानाची नोंद

रविवारी मुंबईत ३२ डिग्री सेलिसिअस इतक्या तापमानाची नोंद

Shirur-पुणे नगर महामार्गावर वाहतुक कोंडी सोडवण्यासाठी भोंग्याचा आवाज

पुणे नगर महामार्गावरील वाहतुककोंडीच्या समस्येमुळे प्रवाशांची दमछाक होत असताना हि वाहतूककोंडी सोडविण्यासाठी पोलीसांचीही चांगलीच दमछाक होत असताना पोलीसांनी चक्क वाहतूककोंडी सोडविण्यासाठी भोंग्यांच्या आवाजाचा वापर सुरु केलाय

Crime : आई मुलाचा जमिनीच्या वादात शेतात महिला बाऊंसर

शिरूर तालुक्यातील वढू बुद्रूक बुद्रुक येथे आई आणि सावत्र मुलांमध्ये जमिनीचा वाद होता हा वाद टोकाला जाणार यासाठी आईने मुलाविरूद्ध शेतात बाऊंसर उतरल्याचा प्रकार पहायला मिळाला यावेळी जमिनीच्या वादवरुन परस्पर विरोधी तक्रारी नंतर शिक्रापुर पोलिस ठाण्यात दोन वेगवेगळे गुन्हे दाखल असून बाऊँसर सह २२ जणांवर गुन्हा दाखल करण्यात आला असून ८ जणांना शिक्रापुर पोलिसांनी अटक केली आहे.

Ambegaon - वळसेपाटलांचा भिमाशंकर साखर कारखाना देशात सर्वोत्कृष्ट साखर कारखाना

भिमाशंकर सहकारी साखर कारखान्याला देशातील प्रथम क्रमांकाचा नॅशनल फेडरेशन ऑफ को ऑफ शुगर फॅक्टरी दिल्ली यांचा या वर्षांतील वसंतदादा पाटील सर्वोत्कृष्ट सहकारी साखर कारखाना पुरस्कार जाहीर झाला असून सातव्यांदा हा पुरस्कार भिमाशंकर कारखान्याला मिळाला आहे, हाच आनंद साजरा करत कारखाना परिसरात संचालक मंडळ अधिकारी व कर्मचारी यांनी फटाके वाजवून आनंद साजरा केला.

Karad News : कराड शहरातील भेदा चौकात ट्रक चालकाचे नियंत्रण सुटल्याने ट्रक हॉस्पिटलमध्ये

भेदा हॉस्पिटलचे ट्रकने लोखंडी गेट तोडले

रात्री साडेबारा वाजता घडला अपघात

पार्किंगला असलेल्या दोन दुचाकींचे नुकसान

अपघातानंतर ट्रक चालक फरार

सिमेंट घेऊन जाणारा ट्रकचा अपघात

पोलिसांनी घटनास्थळावरील लोकांना हटकले

ट्रक अद्याप घटनास्थळी उभा

अपघात पाहण्यासाठी लोकांची गर्दी

दुसऱ्या एका ट्रकलाही पाठीमागून ट्रकने धडक दिली

Washim : रिसोड लोणार मार्गावर कार आणि ट्रॅव्हल्सचा अपघात... अपघातात तीन जखमी

वाशिमच्या रिसोड लोणार मार्गावर लोणी गावाजवळ कारने ट्रॅव्हल्सला धडक देत अपघात झाल्याची घटना घडली आहे. या अपघातात कारमधील दोन जन गंभीर जखमी झाले तर एक जन किरकोळ जखमी झाला आहे. हा अपघात एका वळणावर झाला असून वळण पास करत असतांना दोन्ही गाड्या एकमेकाला धडकल्या. या धडकेत कारचा समोरील भाग चक्काचूर झाला आहे. ट्रॅव्हल्स पुण्यावरून रिसोड कडे येत होती. तर कार रिसोड वरून लोणार कडे जात होती. जखमींना तात्काळ रुग्णालयात दाखल करण्यात आले आहे.

Pune Homes : पुण्यात फेब्रुवारी महिन्यात १९ हजार घरांची विक्री

नागरिकांचा कल परवडणाऱ्या घरांकडे असल्याचे स्पष्ट

१९ हजार घरांच्या विक्रीतील ५० लाख रुपयांपर्यंतच्या घरांचे प्रमाण निम्म्याहून अधिक

नाइट फ्रँक इंडियाने पुणे, पिंपरी-चिंचवडसह ग्रामीण भागातील मालमत्ता क्षेत्राचा फेब्रुवारी महिन्याचा अहवाल जाहीर

एकूण १९ हजार १२ घरांची विक्रीमधून सरकारला ७१२ कोटी रुपयांचा मुद्रांक शुल्क

एकूण विक्रीत २५ लाख रुपयांपर्यंत किंमत असलेल्या घरांचे प्रमाण २२ टक्के आणि २५ ते ५० लाख रुपयांपर्यंत किंमत असलेल्या घरांचे प्रमाण ३० टक्के

पुण्यात ५० लाख ते १ कोटी रुपयांपर्यंतच्या घरांच्या विक्रीचे प्रमाण ३२ टक्के

CM Devenra Fadanvis Nashik Visit: मुख्यमंत्री देवेंद्र फडणवीस आज नाशिक दौऱ्यावर

- त्र्यंबकेश्वरला जाऊन घेणार दर्शन, कुंभमेळ्याच्या नियोजनासंदर्भात त्रंबकेश्वरमध्ये करणार पाहणी

- त्र्यंबकेश्वरमध्ये काही स्थानिकांशी चर्चा देखील करणार असल्याची माहिती

- नाशिकच्या शासकीय विश्रामगृहावर आगामी सिंहस्थ कुंभमेळ्याच्या तयारीची घेणार आढावा बैठक

- मुख्यमंत्री पदाची सूत्र हाती घेतल्यानंतर देवेंद्र फडणवीस पहिल्यांदाच नाशिकमध्ये

- नाशिकच्या पालकमंत्री पदाचा तिढा अद्याप कायम असताना देवेंद्र फडणवीस यांच्या आजच्या दौऱ्याकडे लक्ष

- कालच रात्री देवेंद्र फडणवीस नाशिकमध्ये झाले आहेत दाखल

Pune Fire News : ग्रहण सुटेना! पुण्यात अवघ्या तीन महिन्यात वणव्याच्या तब्बल 323 घटना

पुणे शहराचे उपनगरा मधील डोंगररांगात वणवेच वणवे

वाढत्या उन्हामुळे जंगल पेटत असताना वनविभाग कधी कारवाई करणार यावर प्रश्न

मानवी हस्तक्षेप वाढल्यामुळे डोंगर रांगात भडकणार वणवा हे उन्हाळ्यातील हे चित्र नित्याचे

मात्र प्रशासन हतबल असल्याचे वारंवार लागणाऱ्या यामुळे स्पष्ट होत आहे

पुणे शहरातील कात्रज भागातील दोन्ही बोगद्यांचा मध्यभाग, तळजाई टेकडी तसेच पाषाण टेकडी या ठिकाणी अनेक घटना समोर

Sangli News : रमजान निमित्ताने मिरज मध्ये पार पडली इफ्तार पार्टी

सांगलीच्या मिरजेमध्ये रोजा निमित्ताने इफ्तार पार्टी पार पडली.हिंदू-मुस्लिम युवा मंच आणि जनसुराज्य शक्ती पक्षाच्यावतीने या इफ्तार पार्टीचा आयोजन करण्यात आलं होतं. मुस्लिम धर्मीयांमध्ये पवित्र मानल्या जाणाऱ्या रमजान महिन्यातील उपवास निमित्ताने मुस्लिम बांधवांच्यासाठी इफ्तार पार्टीचे आयोजन करण्यात आलं होतं.या प्रसंगी सांगलीचे जिल्हाधिकारी अशोक काकडे, आमदार इद्रिस नायकवडी,जनसुराज्य शक्ती पक्षाचे प्रदेशाध्यक्ष समित कदम यांच्यासह शासकीय अधिकारी व हिंदू-मुस्लिम बांधव मोठ्या संख्येने सहभागी झाले होते. एकमेकांना खजूर भरवून यावेळी मुस्लिम बांधवांनी आपला उपवास सोडला. समाजामध्ये हिंदू-मुस्लिम ऐक्याचा संदेश देण्याच्या उद्देशाने या इफ्तार पार्टीचे आयोजन करण्यात आलं होतं.

Agro News : लांजात शेतकऱ्याच्या गवताच्या वरंडीला आग

लांज्यातील बेनी येथील बाबू गांधी यांच्या गवताच्या वरंडीला भीषण आग लागलीय.शेतकरी बाबू गांधी यांनी साठवणूक करून ठेवलेल्या गुरांच्या चाऱ्याला ही भीषण आग लागलीय.आग विजविण्यासाठी यंत्रना उपलब्ध नसल्याने नुकसान झालय.लांजा तालुक्यात आगीच्या घटनेत वाढ झाली आहे. लांजा नगरपंचायत कडे अग्निशमन बंब नाही त्यामुळे भीषण आगीवर नियंत्रण मिळवणे अशक्य होत आहे.

Sangli News : निधी प्रभूंचा कथक नृत्याविष्काराने सांगलीकर रसिक मंत्रमुग्ध

कथक नृत्याचा प्रचार आणि प्रसार व्हावा,या उद्देशाने सांगलीमध्ये कथक नृत्याविष्कार कार्यक्रम पार पडला.जागतिक कीर्तीच्या कथक नृत्यांगना निधी प्रभू यांनी या निमित्ताने आपली कथक नृत्यकला सादर केली.या कथक उत्सवाचा उद्घाटन लठ्ठे एज्युकेशन सोसायटीचे गव्हर्निंग कौन्सिल अध्यक्षव ग्रीन एफएम रेडिओ चॅनलचे सीईओ राजीव पाटील,शांतिनेकेतन लोक विद्यापीठाचे संचालक गौतम पाटील,आमदार सुधीर गाडगीळ यांच्या पत्नी मंजिरीताई गाडगीळ यांच्या उपस्थितीत नटराज पूजनाने झाले. त्यानंतर नृत्यांगना निधी प्रभू यांनी वेगवेगळ्या रागांवर कथक नृत्याच्या वेगवेगळे नृत्याविष्कार सादर केले,तेज इव्हेंट्स अँड एंटरटेनमेंटच्यवतींने विष्णुदास भावे नाट्यगृहामध्ये आयोजित करण्यात आलेले कथक नृत्याविष्कार पाहण्यासाठी सांगलीतर रसिकप्रेमींनी मोठ्या संख्येने हजेरी लावली होती.

Marathi Breaking Live Marathi Headlines उदय सामंत यांच्या मध्यस्थीने कोकरे महाराजांनी उपोषण सोडलं

पालकमंत्री उदय सामंत यांच्या मध्यस्थीनंतर अखेर भगवान कोकरे महाराज यांनी अखेर उपोषण सोडलंय.लोटे परशुराम येथील श्री संत ज्ञानेश्वर माऊली जीवन मुक्तीधाम सेवा संस्थानच्या गोशाळा संदर्भातील विविध मागण्यांसाठी गोशाळा संस्थापक भगवान कोकरे महाराज यांनी 17 मार्चपासून उपोषण सुरु केलं होतं. कोकरे महाराज यांच्या मागण्यांसंदर्भात पुढच्या 8 दिवसांत अधिकारी आणि कोकरे महाराजांसमवेत बैठक घेतील.कोकरे महाराजांची तब्येत आमच्या दृष्टीने महत्वाची असल्याचं उदय सामंत यांनी म्हटलय.माझ्या शब्दाला मान देऊन त्यांनी जे उपोषण मागे घेतलं आहे, त्याचा पाश्चाताप त्यांना होणार नाही, हा माझा त्यांना शब्द आहे

Jalna News : जालन्यातील वरुड आणि परिसरामध्ये वन्यप्राण्यांचा धुमाकूळ

आणि परिसरामध्ये वन्यप्राण्यांनी धुमाकुळ घातला असून उन्हाळी कांदा पिकासह इतर शेती पिकांचे मोठ्या प्रमाणात नुकसान होत आहे. जालन्यातील वरुड आणि परिसरात वन्यप्राणी निलगाय, हरिण या वन्यप्राण्यांचा वावर वाढला असून यामुळे शेतकऱ्यांच्या बीज कांदा, गहू या पिकांचे नुकसान होत आहे. दरम्यान या वन्यप्राण्यांचा वनविभागाने बंदोबस्त करावा अशी मागणी आता परिसरातील शेतकरी करत आहे.

Nagpur Crime News : धार्मिक भावना दुखावणारे स्टेटस, गुन्हा दाखल

- काटोल येथील 23 वर्षीय युवकांनी इंस्टाग्राम आयडीवरून औरंगजेबबाबत धार्मिक भावना दुखावतील तसेच जातीय तेढ निर्माण होईल असं स्टोरी स्टेटस ठेवण महाग पडले..

- नागपूर ग्रामीण पोलीस यांनी त्याच्यावर गुन्हा दाखल करत त्याचा मोबाईल जप्त केला आहे

- दिव्यम सुरेश सिंग बैस अस गुन्हा दाखल तरुणाचे नाव आहे

- नागपुरात सोमवारी झालेल्या हिंसाचार प्रकारांमध्ये सोशल मीडिया मॉनिटरिंग सुरू आहे.

- त्यामुळे जातीय ते निर्माण होईल अशा पद्धतीचे व्हिडिओ पोस्ट केल्यास त्याच्यावर गुन्हा दाखल करण्यात येईल असे आवाहनही पोलिसांकडून करण्यात आले आहे.

Pune Police News : पुणे पोलीस राबवणार ऑपरेशन @ 100

ऑपरेशन@ 100 ही विशेष मोहीम आता पुणे पोलिसांकडून राबविण्यात येणार आहे

नागरिकांच्या समस्यांचे निराकरण करण्यासाठी तक्रार निवारण दिन, पोलिस ठाण्याची स्वच्छता, बेवारस वाहनांचा लिलाव, पासपोर्ट चारित्र्य पडताळणी अर्जाची 14 दिवसांच्या आत निर्गती, प्रलंबित गुन्ह्यांचा निपटारा, गुंतवणूकदार आणि उद्योजकांना सुरक्षिततेची हमी, पोलिस ठाण्यांसाठी आयएओ नामांकन प्रक्रिया, संकेतस्थळाचे अद्ययावतीकरण, असे उपक्रम ऑपरेशन @ 100 च्या माध्यमातून हाती घेण्यात आले आहेत

हे मुख्य उपक्रम पुणे पोलीस ऑपरेशनच्या अंडर शहरात राबवणार

- 30 हजार गुन्हेगारांचा डेटा एकत्र

- पासपोर्ट अर्जाची 14 दिवसांत निर्गती

- जुन्या कागदपत्रांचे वर्गीकरण करून निपटारा

- बेवारस वाहनांची लीलाव प्रक्रिया

- उद्योजक, गुंतवणूकदारांना त्रास देणार्यांचा बंदोबस्त

Savitribai Phule Pune University :पुणे विद्यापीठाचा अर्थसंकल्प सादर

सावित्रीबाई फुले पुणे विद्यापीठाचा २०२५-२६ या आर्थिक वर्षांसाठी एकूण ५६६ कोटी रुपये जमेचा आणि तब्बल ६४८ कोटी रुपये खर्चाचा अर्थसंकल्प सादर करण्यात आला. अर्थसंकल्पात एकूण ८२ कोटी रुपयांची तुट दर्शविली असून गेल्या वर्षीच्या तुलनेत १७ कोटी रुपयांनी ही तूट कमी झाली आहे. यंदा चार शिष्यवृत्ती योजनांमधील तरतुदीत भरीव वाढ करण्यात आली असून संशोधन आणि गुणवत्ता, विद्यार्थी विकास, विद्यार्थी वसतिगृह यांसाठी भरीव तरतुद केल्याचे दिसून येते.

Pune News : पुणे महापालिकेत नव्याने समाविष्ट गावांतील प्रश्नांबाबत मंत्रालयात बैठक घेणार

उद्योग मंत्री उदय सामंत यांचे नागरिकांना आश्वासन

महापालिकेत नव्याने समाविष्ट झालेल्या ३२ गावांची कर, पाणी यासह अन्य विषयांवर मंत्रालयात बैठक घेण्यात येणार असल्याची उद्या सामंत यांची माहिती

३२ गावांतून कोट्यवधी रुपयांचा कर महापालिकेला मिळत आहे. मात्र, त्यातुलनेत ना रस्ते, ना ड्रेनेज, ना शुद्ध पाणीपुरवठा महापालिका करत असल्याचा आरोप या गावातील नागरिकांकडून करण्यात येत होता

आता या सगळ्या प्रश्नांवर कायमस्वरूपी तोडगा काढण्यासाठी मंत्रालयात बैठक पार पडणार आहे

Pune Water Cut News : पुण्यातील अनेक भागातील पाणी पुरवठा आज विस्कळीत होण्याची शक्यता

वारजे येथे मुख्य जलवाहिनी फुटल्याने या जलवाहिनीचे काम करण्यात येणार असून यामुळे शहरातल्या अनेक ठिकाणचा पाणीपुरवठा होणार विस्कळीत

वारजे, कोथरूड, बाणेर, बालेवाडी, औंध, शिवाजीनगर, खडकी व कर्वेनगर परिसरातील पाणी पुरवठा आज दिवसभर होणार विस्कळीत

शनिवारी रात्री फुटलेल्या जलवाहिनीच्या दुरुस्तीचे काम महापालिकेच्या पाणी पुरवठा विभागाने सुरू केले आहे, हे काम रविवारी सकाळपर्यंत सुरू असणार आहे. त्यामुळे फेज क्रमांक २ ची जलवाहिनी बंद ठेवण्यात येणार आहे

संबंधित कामामुळे रविवारी दिवसभर वारजे, कोथरूड, बाणेर, बालेवाडी, औंध, शिवाजीनगर, खडकी व कर्वेनगर या भागातील पाणी पुरवठा विस्कळीत होण्याची शक्यता आहे, अशी माहिती महापालिकेच्या पाणी पुरवठा विभागाने दिली आहे

tuljapur News : तुळजाभवानी मंदीराच्या तीर्थक्षेत्र विकास आराखड्यास उच्चाधिकार समीतीची मान्यता

अंतिम मान्यतेसाठी प्रस्ताव मुख्यमंत्र्यांच्या अध्यक्षतेखालील शिखर समीतीकडे

लवकरच मान्यता मिळणार:तुळजाभवानी मंदिर संस्थानचे विश्वस्त आमदार राणाजगजितसिंह पाटील यांची माहीती

तुळजाभवानी मंदीराचा १८६६ कोटींचा परिपूर्ण अंतिम प्रारूप विकास आराखडा मंजुरीच्या अंतिम टप्प्यात

तिर्थक्षेञ विकास आराखड्यामध्ये मुख्य दर्शन मंडप,श्री तुळजाभवानी देवी छत्रपती शिवाजी महाराज महाराजांना तलवार देतानाचा १०८ फुटाचा फुतळा,घाटशिळ,भक्तनिवास,प्रसादालय,भोजनालय यासह इतर बाबींचा समावेश

Maval News : संत तुकाराम सहकारी साखर कारखाना निवडणूक

मावळ आणि मुळशी तालुक्यातील प्रतिष्ठेची बनलेली संत तुकाराम सहकारी साखर कारखान्याची निवडणूक बिनविरोध करण्याच्या दृष्टीने सर्व पक्ष्यांचे नेते एकाच व्यासपीठावर एकत्रित आले. कारखान्याचे विद्यमान अध्यक्ष नानासाहेब नवले यांच्या नेतृत्वाखाली ही निवडणूक पार पडेल यावर सर्वपक्षीय नेत्यांनी होकार दिला. मात्र संचालक मंडळात नवे चेहऱ्यांना संधी देण्याच्या मागणीमुळे या निवडणुकीत नवीन ट्विस्ट निर्माण झालेला आहे. यामध्ये कोणत्या संचालकाचा पत्ता कट होईल याकडे सर्व सदस्यांच्या नजरा लागलेल्या आहे....

Akola Crime : सायकलच्या दुकानातून 1.15 कोटी रोख जप्त.. रक्कम हवालाची असल्याची शक्यता..

अकोल्यात एका सायकलच्या दुकानातून 1 कोटी 15 लाखांची रोकड जप्त करण्यात आली आहे.. अकोल्यातल्या गोरक्षण रोडवरील न्यू शर्मा ब्रदर्स सायकल व फिटनेस सामान विक्रीचे दुकानात खदान पोलिसांनी ही कारवाई केलीय.. यावेळी त्यांनी 1 कोटी 15 लाख रुपयांची रोख रक्कम जप्त केली. संबंधिताला या रकमेचा हिशेब देता न आल्याने पोलिसांनी नागपूर येथील आयकर विभागाला याबाबत माहिती दिली आहे. ही रक्कम हवालाची असल्याचा संशय पोलिसांना असल्याने ही कारवाई करण्यात आली. दीपक घुगे नामक व्यक्तीजवळ पांढरे रंगाच्या दोन कापडी पिशव्या होत्या. त्यामध्ये 500 रुपये आणि 100 रुपयांच्या नोटांचे बंडल होते.

Agro News : अकोल्यातल्या टोमॅटो उत्पादक शेतकरी चिंतेत

आधी शेतमाल नव्हता तर भाव होता, आता शेतमाल आहेत तर टोमॅटोला भाव नाही..

25 एकरात लागवड केला टोमॅटो... मात्र, अडीच रुपयांपासून किलोमागे मिळतो टोमॅटोला भाव. ट्रान्सपोर्टसाठी घरातून मोजावे लागतात पैसे.

अकोल्यातल्या टोमॅटो उत्पादक शेतकरी चिंतेत.

अकोल्यातल्या तेल्हारा तालुक्यातल्या दानापूर येथील संजय येऊल या शेतकऱ्याला देखील मोठा आर्थिक फटका बसलाय.. संजयने जवळपास 25 एकरात मोठा टोमॉटोचा प्लांट उभा केलाय.. मात्र त्यांच्या टोमॉटोला केवळ अडीच रुपयांपासून भाव मिळतो आहे. मागील हंगामात 800 ते 900 रुपययांपर्यंत टोमॅटोला भाव मिळाला होता.. तर यंदा 80 ते 90 रूपांपर्यंत कॅरेटनुसार टोमॅटोला भाव मिळतो आहे.. एकंदरीत गेल्या काळात शेतमाल माल नव्हता तर टोमॅटोला भाव होता, आता शेतमाल आहे मात्र भाव नाही.. अशी परिस्थिती या शेतकऱ्यांसमोर आहे. त्यामुळे संजय यांना लागणारा खर्चही देखील निघणं कठीण झालंय.. टोमॅटोच्या ट्रान्सपोर्टसाठी घरातून पैसे त्यांना मोजावे लागतात.. . याचाच आढावा घेतलाय आमचे प्रतिनिधी अक्षय गवळी यांनी.

Akola Crime News : 12 तासात मेडिकल मेडिकल फोडणारा चोरटा अटक

अकोल्यातल्या मूर्तिजापुरात काश्मिरा मेडिकल शॉपमध्ये शटर तोडून चोरी झाली होती. हा संपूर्ण प्रकार झाला होता.. चोरी करणाऱ्या चोरट्यास 12 तासांत पोलिसांनी जेरबंद केलं होतंय.. त्याच्याकडून रोख रकमेसह मुद्देमाल जप्त करण्यात आलाय.. मेडिकल शॉपचे शटर तोडून अज्ञात चोरट्यांनी 12 हजार रुपये, चेक बुक व एक मोबाइल असा मुद्देमाल चोरी करतांना संपूर्ण प्रकार सीसीटीव्ही कॅमेरामध्ये कैद झाला होता. याप्रकरणी केवळ 12 तासांत चोरट्याला अटक केली असून सतिश कोलते असं या चोरट्याचं नाव आहे..

Dharashiv Crime News : धाराशिव मधील वेगवेगळ्या 13 प्रकारच्या गुन्ह्यातील 170 मराठा आंदोलकावरील गुन्हे निकाली

जिल्हा व सत्र न्यायालयातील राष्ट्रीय आदालत मध्ये गुन्हे मागे घेण्याच्या गृह विभागाच्या आदेशानुसार गुन्हे काढण्यात आले निकाली

मराठा आंदोलनाच्या वेळी, बेकायदेशीर जमाव जमवणे,शासकीय कामात अडथळा आणणे,प्राण्याचा अमानुष छळ करणे टायर जाळणे,रास्ता रोको करणे, या प्रकारचे गुन्हे निकाली

गृह विभागाच्या आदेशानुसार आंदोलकावरील सर्व गुन्हे मागे घेउन सर्वांची निर्दोष मुक्तता

मनोज जरंगे पाटील यांच्या मराठा आरक्षण लढ्यातील आंदोलकावरील गुन्हे निकाली काढल्याने आंदोलकांना मोठा दिलासा

ॲड.विश्वजीत शिंदे आणि ॲड.भाग्यश्री रणखांब यांनी आंदोलक आरोपीच्या वतीने काम पाहिले

न्यायमूर्ती सोनाली निंबाळकर यांनी सदरील लोक अदालतीमध्ये हे प्रकरण निकाली काढले

Amravati News : केंद्रीय मंत्री नितीन गडकरी यांच्या हस्ते अच्युत महाराज हार्ट हॉस्पिटलच्या इमारतीचे व कॅथ लॅब लोकार्पण...

विदर्भातीलच नव्हे तर संपूर्ण महाराष्ट्रातील हृदय रुग्णांसाठी सेवाभावी वृत्तीने काम करणाऱ्या संत अच्युत महाराज चॅरिटेबल हार्ट हॉस्पिटलच्या तिसऱ्या कॅथ लॅब चे व आठ मजली सुसज्ज इमारतीचं लोकार्पण केंद्रीय मंत्री नितीन गडकरी यांच्या हस्ते करण्यात आले आहे. आतापर्यंत या रुग्णालयाने ना नफा ना तोटा तत्त्वावर 65 हजार हृदय रोग्यावर शस्त्रक्रिया केलेल्या आहेत यात शेकडो रुग्णांच्या तर अगदी मोफत शस्त्रक्रिया करण्यात आलेल्या आहे. मुख्यमंत्री देवेंद्र फडणवीस यांनी सीएसआर फंडातून सात कोटी रुपये या रुग्णालयाला दिले यात ही सुसज्ज इमारत व त्याधुनिक मशीन्स आणण्यात आलेल्या आहेत. येणाऱ्या काळात देखील अशाच प्रकारे सेवाभावी वृत्तीने हे रुग्णालय गोरगरीब रुग्णांना दिलासा देईल अशी अपेक्षा केंद्रीय मंत्री नितीन गडकरी यांनी व्यक्त केली.

Nanded News : सौर ऊर्जा प्रकल्पाला शेतकऱ्यांचा विरोध

नांदेडच्या कंधार तालुक्यातील हळदा तांडा या गावाच्या परिसरात सौर ऊर्जा प्रकल्प उभारण्यात येत आहे. परंतु या सौर ऊर्जा प्रकल्पाला स्थानिक शेतकऱ्यांनी तीव्र विरोध दर्शविला आहे. शेतकऱ्यांना न सांगता सौर ऊर्जा प्रकल्पासाठी जमीन हस्तांतरित करण्याचा घाट घातला जात आहे असा आरोप या शेतकऱ्यांनी केला. या सौर ऊर्जा प्रकल्पासाठी जवळपास आठ हेक्टरहुन अधिक जमीन अधिग्रहण करण्याचा प्रयत्न प्रशासनाने केला. या ठिकाणी सौर ऊर्जा प्रकल्पाचे काम देखील सुरू करण्यात येत होते. परंतु हे सुरु झालेलं काम स्थानिक शेतकऱ्यांनी हाणून पाडलं. शेतकऱ्यांना कुठल्याही सूचना न देता शेतकऱ्यांच्या शेतजमिनीवर हा प्रकल्प लादण्यात येत असल्याने शेतकरी आक्रमक झालेले आहेत. कुठल्याही परिस्थितीत आमच्या जमिनीवर हा सौर ऊर्जा प्रकल्प होऊ देणार नाही अशी भूमिका या शेतकऱ्यांनी घेतली आहे. यासाठी जनआंदोलन उभारणार असल्याचा इशारा या शेतकऱ्यांनी दिला.

Crime News : तारांची चोरी करणाऱ्या सक्रीय चोरांना अटक

वीजवाहक तारांची चोरी करणाऱ्या सक्रिय टोळीला एलसीबी पथकाने अटक केली असून हिवरी येथे अल्युमिनिअम तार चोरट्यांनी लपून ठेवली आहे.अशी माहिती एलसीबी पथकाला मिळाली त्यावरून पथकाने सापळा रचून छापा टाकला असता एका घरात तार आढळून आली.या दरम्यान दोन आरोपींना अटक करण्यात आली असून शेख सादिक,शेख मैहम्मद आणि संतोष येडमे असे तार चोरणाऱ्या अटक केलेल्या आरोपींची नावे आहेत.तीन लाख 91 हजार आठशे रूपयांचा मुद्देमाल जप्त करण्यात आला आहे.

Ajit Pawar News : राज्याचे उपमुख्यमंत्री अजित पवार आज नांदेड जिल्ह्याच्या दौऱ्यावर

राज्याचे उपमुख्यमंत्री तथा राष्ट्रवादीचे राष्ट्रीय अध्यक्ष अजित पवार आज नांदेड जिल्ह्याच्या दौऱ्यावर.

आज दिवस भर नांदेड जिल्ह्यात राष्ट्रवादी पक्षाचे विविध कार्यक्रम.

सकाळी 10 वाजून 15 मिनिटाला नांदेडच्या विमानतळावर होणार अजित पवार यांचे आगमन.

नांदेडच्या नायगाव तालुक्यातील नरसी येथे राष्ट्रवादीच्या पक्षप्रवेश सोहळ्यासाठी अजित पवार लावणार हजेरी.

सायंकाळी चार वाजता नांदेड परभणी हिंगोली लातूर या चार जिल्ह्यातील लोकप्रतिनिधी आणि पदाधिकाऱ्यांसोबत नांदेड शहरात घेणार बैठक.

सायंकाळी साडेसहा वाजता नांदेड शहरातील हैदर गार्डन येथे पवार इफ्तार पार्टीलात होणार सहभागी.