मुंबई : पुढील आठवड्यात भारतीय शेअर बाजारात बरीच हालचाल होऊ शकते. अनेक लहान आणि मध्यम कंपन्या (SME) त्यांचे आयपीओ लॉन्च करत आहेत. तर काही कंपन्या शेअर बाजारात पदार्पण करण्याच्या तयारीत आहेत. या आठवड्यात एकूण चार एसएमई कंपन्यांचे आयपीओ उघडतील. याशिवाय पाच कंपन्यांचे शेअर्स बाजारात सूचिबद्ध होणार आहेत. पुढील आठवड्यात कोणते आयपीओ येणार आहेत ते जाणून घेऊया. डेस्को इन्फ्राटेक आयपीओ (Desco Infratech IPO) हा आयपीओ 24 मार्च रोजी उघडणार असून 26 मार्च रोजी बंद होणार आहे. कंपनी आयपीओतून 30.75 कोटी रुपये उभारणार आहे. शेअर्स 1 एप्रिल रोजी बीएसई एसएमईवर सूचीबद्ध केले जातील. आयपीओसाठी किंमत बँड 147-150 रुपये प्रति शेअर आहे आणि लॉट आकार 1000 शेअर्सचा आहे. श्री अहिंसा नॅचरल्स आयपीओ ( Shri Ahimsa Naturals IPO)73.81 कोटी रुपयांचा आयपीओ 25 मार्च रोजी उघडेल आणि 27 मार्च रोजी बंद होईल. आयपीओमध्ये किंमत बँँड 113-119 रुपये प्रति शेअर आहे. लॉट आकार 1200 शेअर्सचा आहे. कंपनीचे शेअर्स 2 एप्रिल रोजी एनएसई एसएमईवर सूचीबद्ध होऊ शकतात. एटीसी एनर्जीज आयपीओ (ATC Energies IPO) या आयपीओचा आकार 63.76 कोटी रुपये आहे. आयपीओ 25 मार्चला उघडेल आणि 27 मार्चला बंद होईल. किंमत बँड 112-118 रुपये प्रति शेअर आणि लॉट आकार 1200 शेअर्स आहे. एनएसई एसएमईवर 2 एप्रिल रोजी शेअर्सचे लिस्टिंग होऊ शकते. आइडेंटिक्सवेब आईपीओ (Identixweb IPO) कंपनीचा आयपीओ 26 मार्च रोजी उघडेल आणि 28 मार्च रोजी बंद होईल. यानंतर कंपनीचे शेअर्स 3 एप्रिल रोजी बीएसई एसएमईवर सूचीबद्ध केले जातील. कंपनीला आयपीओमधून 16.63 कोटी रुपये उभे करायचे आहेत. किंमत बँड 51-54 रुपये प्रति शेअर असून लॉट आकार 2000 शेअर्सचा आहे. या कंपन्या सूचीबद्ध होणारनवीन आठवड्यात 24 मार्च रोजी परदीप परिवहनचे शेअर्स बीएसई एसएमईवर सूचीबद्ध केले जातील. दिव्य हिरा ज्वेलर्सचे शेअर्स त्याच दिवशी एनएसई एसएमईवर सूचीबद्ध होतील. यानंतर, 27 मार्च रोजी, ग्रँड कॉन्टिनेंट हॉटेल्सचे शेअर्स एनएसई एसएमईवर सूचीबद्ध केले जातील. रॅपिड फ्लीट आणि ॲक्टिव्ह इन्फ्रास्ट्रक्चर्स 28 मार्च रोजी एनएसई एसएमईवर पदार्पण करतील.