मुंबई इंडियन्स 2013 पासून आयपीएल हंगामातील आपला पहिला सामना जिंकण्यात अपयशी ठरली. मुंबईने आयपीएलच्या 18 व्या मोसमातही पहिल्या सामन्यातील पराभवाची मालिका कायम ठेवली. मुंबईला 23 मार्चला चेन्नई सुपर किंग्सकडून पराभव स्वीकारावा लागला. त्यानंतर आता मुंबईचा या हंगामातील दुसरा सामना गुजरात टायटन्सविरुद्ध होणार आहे. गुजरातचही मुंबईसारखीच स्थिती आहे. गुजरातचीही या मोसमात पराभवाने सुरुवात झालीय. त्यामुळे दोन्ही संघांचा आपल्या दुसऱ्या सामन्यात विजयी ट्रॅकवर परतण्याचा प्रयत्न असणार आहे. उभयसंघातील सामना 29 मार्चला अहमदाबादमधील नरेंद्र मोदी स्टेडियममध्ये खेळवण्यात येणार आहे.

मुंबईच्या प्लेइंग ईलेव्हनमध्ये पहिल्या पराभवानंतर बदल होणार असल्याचं निश्चित आहे. सूर्यकुमार यादव याने चेन्नई विरुद्ध मुंबईचं नेतृत्व केलं होतं. बीसीसीआयने आयपीएलच्या 17 व्या मोसमात मुंबईच्या शेवटच्या साखळी फेरीतील सामन्यात कर्णधार हार्दिक पंड्या याच्यावर स्लो ओव्हर रेटनुसार कारवाई केली. त्यामुळे हार्दिकला यंदाच्या हंगामातील सलामीच्या सामन्यात अर्थात चेन्नईविरुद्धच्या मॅचला मुकावं लागलेलं. मात्र आता हार्दिक सज्ज झाला आहे. हार्दिकच्या कमबॅकमुळे आता मुंबईच्या प्लेइंग ईलेव्हनमध्ये बदल होणार आहे.

कुणाचा पत्ता कट होणार?

दरम्यान हार्दिकच्या कमबॅकनंतर पलटणच्या प्लेइंग ईलेव्हनमधून कुणाचा पत्ता कट होणार? असा प्रश्न क्रिकेट चाहत्यांना पडला आहे. हार्दिकसाठी रॉबिन मिंझ याला प्लेइंग ईलेव्हनमधून बाहेरचा रस्ता दाखवला जाऊ शकतो.

रोहितकडून मोठ्या खेळीची अपेक्षा

दरम्यान गुजरातविरुद्ध रोहित शर्माकडून मुंबईच्या चाहत्यांना मोठ्या खेळीची आशा असणार आहे. रोहित चेन्नईविरुद्ध ढेर झाला होता. रोहितला चेन्नईविरुद्ध भोपळाही फोडता आला नव्हता. त्यामुळे गुजरातविरुद्धच्या सामन्यात रोहितकडे सर्वांचं लक्ष असणार आहे.

गुजरात टायटन्स टीम : शुबमन गिल(कर्णधार), साई सुधारसन, ग्लेन फिलिप्स, कुमार कुशाग्रा, अनुज रावत, जोस बटलर, रशीद खान, राहुल तेवतिया, शाहरुख खान, निशांत सिंधू, रविश्रीनिवासन साई किशोर, गेराल्ड कोएत्झी, जयंत यादव, अर्शद खान, करीम जॉस बटलर, करीम वॉटरिंग लोअर, अरशद खान, रविश्रीनिवासन साई किशोर. सुंदर, मानव सुथार, गुरनूर ब्रार, इशांत शर्मा, कागिसो रबाडा, प्रसीध कृष्णा, कुलवंत खेजरोलिया आणि मोहम्मद सिराज.

मुंबई इंडियन्स टीम : सूर्यकुमार यादव, रोहित शर्मा, टिळक वर्मा, बेव्हॉन जेकब्स, रायन रिकेल्टन, रॉबिन मिन्झ, कृष्णन श्रीजीथ, हार्दिक पंड्या (कर्णधार), नमन धीर, राज बावा, विघ्नेश पुथूर, विल जॅक्स, मिचेल सँटनर, जसप्रीत बुमराह, अर्जुन तेंडुलकर, अश्वनी शर्मा, विल्यम कुमार, टोपले कुमार, रॉबिन कुमार, रेन कुमार, लि. दीपक चहर, सत्यनारायण राजू आणि मुजीब उर रहमान.

मुंबई इंडियन्स: हार्दिक पांड्या (कर्णधार), रियान रिकल्टन, विल जॅक्स, सूर्यकुमार यादव, तिलक वर्मा, नमन धीर, मिचेल सँटनर, दीपक चाहर, ट्रेन्ट बोल्ट आणि सत्यनारायण राजू.