आयपीएल 2025 चा पहिला सामना पराभूत झाल्यानंतर कोलकाता नाईट रायडर्सने दुसऱ्या सामन्यात राजस्थान रॉयल्सचा 8 विकेट्सने पराभव केला. कोलकाता नाईट रायडर्स संघाचा पुढचा सामना मुंबई इंडियन सोबत होणार आहे. यासाठी केकेआर संघ वानखेडेमध्ये सराव करत आहे. केकेआरसाठी चांगली बातमी आहे की, या सामन्यासाठी त्यांचा स्टार अष्टपैलू खेळाडू सुनील नरेन फिट झाला आहे, त्याने संघासोबत सराव सुरू केला आहे.

राजस्थान विरुद्ध मागच्या सामन्यात सुनील नरेन प्लेइंग इलेव्हन मधून बाहेर होता. सध्या अजिंक्य रहाणेने स्पष्ट केले आहे की, तो दुखापती झाला नाही त्याची तब्येत खराब आहे. या कारणाने तो खेळू शकला नाही पण आता त्याने सराव सुरू केला आहे.

सुनील नरेन राजस्थान रॉयल्स विरुद्ध सामन्यात खेळला नव्हता. त्याच्याजागी इंग्लंडचा अष्टपैलू खेळाडू मोईन अलीला संघात स्थान देण्यात आले होते. 1628 दिवसानंतर असं झालं होतं की, सुनील नरेन केकेआर संघाच्या प्लेइंग इलेव्हनमध्ये नव्हता.

सुनील नरेन केकेआर संघाचा महत्वपूर्ण खेळाडू आहे. जो फलंदाजी आणि गोलंदाजी दोन्हीमध्ये चांगली भूमिका करतो. तो डावाची सुरुवात करताना विस्फोटक अंदाजमध्ये खेळतो. तो चांगल्या फलंदाजांसाठी गोलंदाजी करताना डोकेदुखी ठरतो. सुनीलने आयपीएल मधील 178 सामने खेळले आहेत, ज्यामध्ये त्याने 165.93 च्या स्ट्राइक रेटने 1578 धावा केल्या आहेत. त्याच्या नावावर 7 अर्धशतक आणि 1 शतक सुद्धा आहे. तसेच त्याने आयपीएल मध्ये 181 विकेट्स घेतल्या आहेत.

मुंबई इंडियन्स आणि कोलकाता नाईट रायडर्स संघामध्ये आयपीएल स्पर्धेत आत्तापर्यंत एकूण 34 सामने खेळण्यात आले आहेत. ज्यामध्ये मुंबई इंडियन्स संघाचं रेकॉर्ड शानदार आहे. 23 वेळा मुंबई संघ जिंकलेला आहे, तसेच 11 वेळा केकेआरने मुंबईचा पराभव केला आहे.