पाकिस्तान क्रिकेट संघ सर्वात वाईट काळातून सध्या जात आहे. संघ सध्या न्यूझीलंड विरुद्ध वनडे मालिका खेळत आहे. शनिवारी खेळल्या गेलेल्या पहिल्या वनडे सामन्यात न्यूझीलंडने पाकिस्तानचा 73 धावांनी पराभव केला. याआधी खेळल्या गेलेल्या टी-20 मालिकेत पाकिस्तानने 1-4 ने मालिका गमावली. यामध्ये पाकिस्तानचे माजी कर्णधार इंजमाम उलहक यांनी पाकिस्तानच्या त्या खेळाडूचे नाव सांगितले आहे ज्याची दुसऱ्या संघांना भीती वाटते.

इंजमाम उलहक यांनी बाबर आजम विषयी एक मोठं वक्तव्य केलं आहे. ते म्हणाले बाबर आजम तो खेळाडू आहे, ज्याची बाकीच्या संघांना भीती वाटते. त्यांच्यानुसार बाबर आजमची विकेट दुसऱ्या संघासाठी महत्त्वपूर्ण असते. त्याच्या विकेट नंतर बाकी संघांना पाकिस्तानवर सहज विजय प्राप्त करण्याची संधी मिळते.

इंजमाम म्हणाले, जेव्हा पाकिस्तान संघामध्ये बाबर आजम खेळताना बाद होतो, तेव्हा विरोधी संघाच्या गोलंदाजांना पाकिस्तानवर हावी होणे सोपे जाते. यामुळे हे होतं की पाकिस्तान संघाच्या ड्रेसिंग रूममध्ये खूप दबाव वाढतो.

बाबर आजम खूप वेळापासून त्याच्या फॉर्ममध्ये नाही आहे, ज्यामुळे त्याच्यावर खूप टीका होत आहेत. न्युझीलंड विरुद्ध त्याने 78 धावा केल्या, पण त्यासाठी त्याने 83 चेंडू वापरले. याआधी खेळल्या गेलेल्या चॅम्पियन्स ट्रॉफी स्पर्धेत सुद्धा त्याची बॅट चालली नाही. भारत आणि न्यूझीलंड विरुद्ध खेळल्या गेलेल्या दोन सामन्यात त्याने 43.50 च्या सरासरीने फक्त 87 धावा केल्या होत्या.

बाबर आजमने 59 कसोटी 129 वनडे आणि 128 आंतरराष्ट्रीय टी-20 सामने खेळले आहेत. यामध्ये कसोटीत त्याने 4235, वनडेमध्ये 6184, आणि आंतरराष्ट्रीय क्रिकेटमध्ये 4223 धावा केल्या आहेत. या तीनही फॉरमॅटमध्ये त्याच्या नावावर 31 शतके आहेत.

न्यूझीलंड विरुद्ध पाकिस्तान दुसरा वनडे सामना बुधवार 2 एप्रिल रोजी खेळला जाणार आहे. भारतीय वेळेनुसार हा सामना सकाळी 3.30 वाजता खेळला जाईल. पाकिस्तानसाठी हा सामना करा नाहीतर मरा असणार आहे. तसेच न्यूझीलंड या सामन्यात जिंकण्याच्या तयारीने उतरेल आणि मालिकेत आघाडी घेण्याचा प्रयत्न करेल.