Beed Blast Reel : आरोपींनी बनवली रील

बीड जिल्ह्यातील गेवराई तालुक्यातील अर्धमसला गावातील एका प्रार्थनास्थळात पहाटे स्फोट झाला. जिलेटीन स्फोटकांनी घडवून आणलेल्या स्फोटात दोघा युवकांना अटक करण्यात आली आहे. स्फोटापूर्वी या युवकांनी हातात जिलेटीन घेऊन रील्स बनवल्याचे समोर आले आहे. हे रील्स सोशल मीडियात व्हायरल झाले आहे.

Washim : वाशिमच्या जिल्हाधिकारी कार्यालयासमोर उभारली काळी गुढी

शेतकरी कर्जमाफीचे आश्वासन देऊन ते न पाळल्यामुळे स्वाभिमानी शेतकरी संघटनेच्या वतीने वाशिम येथील जिल्हाधिकारी कार्यालयासमोर काळी गुढी उभारण्यात आली.

Gudi Padva : महाराष्ट्र सदनातही गुढी पाडवा साजरा

दिल्लीतील महाराष्ट्र सदनात आज गुढी पाडवा साजरा करण्यात आला. पाडव्यानिमित्त महाराष्ट्र सदनात गुढी उभारण्यात आली आहे. अधिकाऱ्यांच्या उपस्थितीत पारंपारिक पद्धतीने महाराष्ट्र सदनात गुढीचं पूजन करण्यात आलं आहे. या वेळी अधिकारी आणि कर्मचारीही उपस्थित होते.

Shivsena : शिवसेनेतील अंतर्गत वाद पुण्यात उफाळला

उद्योगमंत्री उदय सामंत यांच्या उपस्थितीत पुण्यात शिवसेनेचा संवाद मेळावा झाला. त्या मेळाव्यात पुणे शहरात शिवसेना संघटना उभी राहत नसल्याची खंत व्यक्त करण्यात आली होती. त्यानंतर संघटनेतील वाद उफाळला आहे. पक्षाच्या नावाखाली काहीजण स्वार्थाची पोळी भाजत असल्याचा सूर काही पदाधिकाऱ्यांनी लावला आहे. व्हॉट्स ॲप ग्रुपच्या माध्यमातून हा वाद समोर आला आहे.

Haribhau Bagde : राज्यपाल हरिभाऊ बागडे हेलिकॉप्टरमधून अचानक येऊ लागला धूर

राजस्थानचे राज्यपाल हरिभाऊ बागडे यांच्या हेलिकॉप्टर अपघातातून थोडक्यात बचावले आहेत. राज्यपाल बागडे यांचे हेलिकॉप्टर उड्डाण करत असतानाच त्यातून धूर निघू लागला, ही गोष्ट लक्षात येताच हेलिकॉप्टर तातडीने खाली उतरविण्यात आले. त्यामुळे मोठा अनर्थ टळला. राज्यपाल बागडे हे मोठ्या अपघातातून थोडक्यात बचावले.

PM Narendra Modi PM Narendra Modi : संघ एक अविरत चालणारा यज्ञ; पंतप्रधान नरेंद्र मोदी यांच्याकडून कौतुक

राष्ट्रीय स्वंयसेवक संघ देशाच्या राष्ट्रीय संस्कृतीचा कधीही न अक्षय वट आहे. संघ असाच एक अविरत चालणारा यज्ञ आहे. जो बाह्य आणि आंतरिक दृष्टीसाठी काम करत आहे. बाह्यदृष्टी म्हणजे माधव नेत्रालय सारखे उपक्रम आहे. तर आंतरिक दृष्टी म्हणजे संघ सेवा कार्याचा पर्याय बनला आहे. हे सेवा संस्कार, ही साधना प्रत्येक स्वयंसेवकाचा प्राणवायू आहे. त्यामुळे स्वंयसेवक कधीही थकत नाही, थांबत नाही, असे संघाच्या कार्याविषयी पंतप्रधान नरेंद्र मोदी यांनी कौतुक केले.

Saibaba Sansthan : साई संस्थानचे सभासद करून देण्याचं आमिष दाखवत माजी आमदाराला घातला गंडा

साई संस्थानचे सभासद करून देण्याचं आमिष दाखवत एका भुरट्याने थेट उत्तर प्रदेशचे माजी आमदार जोगिंदर सिंह गिरवार सिंह अवाना यांना गंडा घातला आहे. अमोल गुजराथी असे संशयिताचे नाव असून त्याच्या विरोधात शिर्डी पोलिस ठाण्यात फसवणुकीचा गुन्हा दाखल करण्यात आला आहे.

Badlapur Metro : बदलापूरपर्यंत लवकरच मेट्रो धावणार; मुख्यमंत्र्यांची नवीन वर्षाची भेट

मुंबई आणि बदलापूर ही दोन्ही शहरं आता लवकरच मेट्रोने जोडली जाणार आहेत. एमएमआरडीएकडून कांजूरमार्ग ते बदलापूर या मेट्रो 14 च्या 38 किलोमीटर लांबीच्या मार्गिकेचं काम लवकरच सुरू होणार आहे एका वर्षात या मेट्रोच्या कामाला सुरवात होणार असल्याचं आमदार किसन कथोरे यांनी सांगितलं. गुढीपाडव्यानिमित्त नवीन वर्षाची मुख्यमंत्र्यांनी बदलापूरकरांना भेट दिली असल्याचंही ते म्हणाले.

Beed Update : बीडमधील प्रार्थनास्थळी स्फोट; पोलिसांनी दोघा युवकांना घेतलं ताब्यात

बीडमधील अर्धमसला गावातील प्रार्थनास्थळी स्फोट झाला आहे. दोन युवकांनी जिलेटीन कांड्या वापरून हा स्फोट घडवून आणला. याप्रकरणी बीड पोलिसांनी दोघा युवकांना ताब्यात घेतलं आहे. स्फोटामुळे प्रार्थनास्थळाच्या भिंतींना तडे गेले आहेत. बीड पोलिसांनी दोन्ही समाजाच्या लोकांना शांतता राखण्याचं आवाहन केलं आहे.

Prashant Koratkar : प्रशांत कोरटकर याची न्यायालयीन कोठडीत रवानगी, जामिनासाठी अर्ज दाखल

प्रशांत कोरटकर याची पोलिस कोठडी संपल्याने त्याची न्यायालयीन कोठडीत रवानगी करण्यात आली आहे. यानंतर प्रशांत कोरटकर याच्या वकिलाने लगेचच जामिनासाठी अर्ज दाखल करण्याची तयारी सुरू केली आहे. न्यायालय त्याच्या जामिनावर काय निर्णय घेते, याकडे लक्ष लागले आहे.

Shirdi Saibaba Sansthan : साई संस्थानचा मोठा निर्णय : साईभक्तांना मिळणार आता पाच लाखापर्यंतचे विमा संरक्षण

शिर्डीत साईबाबांच्या दर्शनाला येणाऱ्या भाविकांना विमा संरक्षण देण्याचा मोठा निर्णय साई संस्थानने घेतलाय. मात्र साईभक्तांनी दर्शनाला येण्याआगोदर साई संस्थानच्या अधिकृत वेबसाईटवर आपली नोंदणी करणे बंधनकारक आहे. घरातून निघाल्यानंतर साई मंदिरात दर्शन करेपर्यंत काही अप्रिय घटना घडली तर पाच लाखांपर्यंतचे विमा संरक्षण संबंधिताला किंवा त्याच्या कुटुंबियांना मिळणार आहे, अशी माहिती साई संस्थानचे मुख्य कार्यकारी अधिकारी गोरक्ष गाडीलकर यांनी दिली.

PM Modi in Nagpur : पंतप्रधान मोदी नागपुरात दाखल

पंतप्रधान नरेंद्र मोदी नागपुरात दाखल झाले आहेत. यावेळी ते आज नऊ नंतर हेडगेवार स्मृती मंदिर परिसरात आगमन दाखल झाले आहेत. यानंतर ते दीक्षाभूमी येथे जाणार आहेत. तर 10 वाजता माधव नेत्रालयाच्या कार्यक्रमास उपस्थिती राहतील. त्यानंतर ते सोलार एक्सप्लोझिव्ह कंपनीला भेट देतील.

ST Bub : महाराष्ट्र राज्य परिवहन महामंडळाकडून पुणे विभागाला नवीन 40 लालपरी बस

महाराष्ट्र राज्य परिवहन महामंडळाकडून एसटी खरेदी करण्यात आल्या आहेत. यापैकी नवीन 40 लालपरी बस पुणे विभागाला मिळाल्या आहेत. 40 लालपरीमधून स्वारगेट, शिवाजीनगर, इंदापूर आणि बारामती या 4 विभागाला प्रत्येकी दहा बसेस देण्यात आल्या आहे,

MNS Gudhi Padwa 2025 : शिवाजी पार्कवर आज मनसेचा गुढीपाडवा मेळावा

महाराष्ट्र नवनिर्माण सेनेचा गुढीपाडवा मेळावा आज मुंबईतील शिवाजी पार्क या मैदानावर पार पडणार आहे. मनसेचे सर्वेसर्वा राज ठाकरे या मेळाव्याच्या निमित्ताने नेमकं काय बोलणार याकडे सर्वांचं लक्ष लागलं आहे.

Malegaon : छत्रपती संभाजी महाराज यांच्या बलिदान मासानिमित्त मुख पदयात्रा

श्री शिवप्रतिष्ठान हिंदुस्थानतर्फे धर्मवीर छत्रपती संभाजी महाराज यांच्या बलिदान मासानिमित्त मालेगाव शहरात भव्य मुखपदयात्रा काढण्यात आली. हातात पेटत्या मशाली घेऊन ही मुखपदयात्रा काढण्यात आली. यावेळी यावेळी मोठ्या संख्येने पोलिस बंदोबस्त लावण्यात आला होता. छत्रपती संभाजी महाराजांच्या पुण्यतिथीनिमित्त त्यांचे स्मरण म्हणून आज मुख पदयात्रा काढली जाते. तसंच संपूर्ण दिवस उपवास करून संभाजी महाराजांना श्रद्धांजली वाहिली जाते.

PM Narendra Modi :

पंतप्रधान नरेंद्र मोदी आज नागपूर दौऱ्यावर आहेत. यावेळी ते हेडगेवार स्मृतीभवन आणि दीक्षाभूमीला भेट देणार आहेत. शिवाय ते सरसंघचालक मोहन भागवत यांची रेशीमबागेत भेट घेणार असून मोदींच्या पूर्ण दौऱ्यात भागवत त्यांच्या बरोबर राहणार आहेत. या दौऱ्यात ते 33 कोटींहून जास्त किंमतीच्या विविध प्रकल्पांचं उद्घाटन करणार आहेत.