चौथ्या षटकात जसप्रीत बुमराहला गोलंदाजीला आणून MI ने हैदराबादवर दडपण टाकले. हैदराबादला पॉवर प्लेमध्ये ४६ धावा करता आल्या. आठव्या षटकात हार्दिक पांड्याने मुंबईला पहिले यश मिळवून दिले. अभिषेक २८ चेंडूंत ७ चौकारांच्या मदतीने ४० धावांवर बाद झाला. त्याच षटकात बॅकवर्ड पॉइंडवर हेडची विकेट मिळाली असली, परंतु ट्रेंट बोल्टने झेलसाठी उशीरा डाईव्ह मारली अन् ते पाहून मालकीण निता अंबानी यांच्या चेहऱ्यावर निराशा पसरली.

मुंबई इंडियन्स - रायन रिकेल्टन, विल जॅक्स, सूर्यकुमार यादव, तिलक वर्मा, हार्दिक पांड्या, नमन धीर, मिचेल सँटनर, दीपक चहर, ट्रेंट बोल्ट, जसप्रीत बुमराह, कर्ण शर्मा

सनरायझर्स हैदराबाद - ट्रॅव्हिस हेड, अभिषेक शर्मा, इशान किशन, नितीश कुमार रेड्डी, हेनरिच क्लासेन, अनिकेत वर्मा, पॅट कमिन्स, हर्षल पटेल, मोहम्मद शमी, झीशान अन्सारी, इशान मलिंगा

दरम्यान, पहिल्या षटकात दोन झेल टाकल्यानंतर मुंबईच्या क्षेत्ररक्षकांकडून आणखी एक चूक झाली आणि ती पाहून हसावं की रडावं हेच चाहत्यांना नाही कळलं. नमन धीरने स्लीपमध्ये उभ्या असलेल्या विल जॅक्सकडे चेंडू फेकला, परंतु तो एवढा उंच होता की जॅक्सला तो झेलता आला नाही आणि हैदराबादला एक अतिरिक्त धाव मिळाली. त्यानंतर दहाव्या षटकात हार्दिकने ट्रॅव्हिस हेडला झेलबाद केलेच होते आणि जल्लोषही झाला. पण, तो No Ball ठरला अन् अंबानी यांनी पुन्हा एकदा कपाळावर हात मारला.