मुंबई : बीएसई सेन्सेक्समध्ये पुढील महिन्यापासून दोन नवीन शेअर्स सामील होणार आहेत. टाटा ग्रुपची ट्रेंट (Trent) आणि भारत इलेक्ट्रॉनिक्स लिमिटेड (BEL) पुढील महिन्यापासून सेन्सेक्समध्ये सामील होतील. हे शेअर्स इंडसइंड बँक (IndusInd Bank) आणि नेस्ले इंडिया (Nestle India) ची जागा घेतील. बीएसई लिमिटेडची उपकंपनी असलेल्या एशिया इंडेक्स प्रायव्हेट लिमिटेडने हा खुलासा केला आहे. हे बदल पुढील महिन्यात २३ जून २०२५ रोजी लागू होतील. या बदलाचा मोठा परिणाम होतो. कारण एक्सचेंज ट्रेडेड फंड (ETF) आणि सेन्सेक्सचा मागोवा घेणारे म्युच्युअल फंड त्यानुसार त्यांचे पोर्टफोलिओ समायोजित करतात. बीएसईच्या मते, निर्देशांकातील बदल ही बाजारासाठी एक महत्त्वाची घटना आहे कारण त्यामुळे बाजारातील लोकांना निधी कोणत्या दिशेने जात आहे हे कळते. आयआयएफएल अल्टरनेट डेस्कच्या गणनेनुसार, सेन्सेक्समध्ये ट्रेंटचा समावेश सुमारे 27.8 कोडी डाॅलर (२,४०० कोटी रुपये) गुंतवणूक आकर्षित करू शकतो. हा आकडा त्याच्या सरासरी दैनंदिन व्हॉल्यूमच्या सुमारे २.५ पट आहे. याशिवायभारत इलेक्ट्रॉनिक्समध्ये सुमारे 27.5 कोटी डाॅलरची गुंतवणूक देखील येऊ शकते, जी सरासरी दैनंदिन व्हॉल्यूमच्या 3.1 पट आहे.दुसरीकडे, सेन्सेक्समधून बाहेर पडल्यामुळे नेस्ले इंडियातून २१० दशलक्ष डाॅलर (१८०० कोटी रुपये) ची गुंतवणूक बाहेर पडण्याची शक्यता आहे. ही गुंतवणूक नेस्लेच्या सरासरी दैनंदिन रकमेच्या ७.७ पट आहे. याशिवाय, इंडसइंड बँकेतून १३.५ कोटी डॉलर्स (१,१५५ कोटी) पैसे काढले जाऊ शकतात, जे तिच्या सरासरी दैनंदिन रकमेच्या सुमारे १.१ पट आहे. निर्देशांकातील इतर बदल सेन्सेक्स व्यतिरिक्त बीएसईच्या इतर निर्देशांकांमध्येही बदल झाले आहेत. बीएसई १०० निर्देशांकात भारत फोर्ज, डाबर इंडिया आणि सीमेन्सची जागा डिक्सन टेक, कोफोर्ज, इंडस टॉवर्स घेतील. सेन्सेक्स ५० निर्देशांकात इंडिगोची मूळ कंपनी इंटरग्लोब एव्हिएशन ब्रिटानियाची जागा घेईल आणि श्रीराम फायनान्स हीरो मोटोकॉर्पची जागा घेईल. सेन्सेक्स नेक्स्ट ५० मध्ये इंटरग्लोब एव्हिएशन, श्रीराम फायनान्स, भारत फोर्ज, डाबर इंडिया आणि सीमेन्सची जागा ब्रिटानिया इंडस्ट्रीज, डिक्सन टेक्नॉलॉजीज, कोफोर्ज, हिरो मोटोकॉर्प आणि इंडस टॉवर्स घेतील.