Shashidhar Jagadishan हे नाव आर्थिक जगतात सध्या चर्चेत आहे. याचे कारण HDFC Bank आणि लीलावती ट्रस्टमधील वाद होय. शशिधर जगदीशन हे एचडीएफसी बँकेचे व्यवस्थापकीय संचालक (MD) आणि सीईओ आहेत. Leelawati Trustने एचडीएफसी बँकेचे एमडी आणि सीईओ शशिधर जगदीशन यांच्यावर आर्थिक अनियमिततेत सहभागी असल्याचा आरोप केला आहे. बँकेने हे आरोप फेटाळले आहेत. ट्रस्टचे आरोप निराधार आणि द्वेषपूर्ण आहेत असे म्हटले आहे. ट्रस्ट जगदीशन यांना त्यांच्या पदावरून काढून टाकू इच्छिते. बँकेचा असा विश्वास आहे की, हे सर्व बँकेकडून थकित कर्जाची वसुली थांबवण्यासाठी केले जात आहे. आरोप झालेल्या शशिधर जमदीशन यांनी एफडीएफसी बँकेत प्रचंड यश मिळवले आहे. चला हा नेमका वाद काय आहे आणि शशिधर जगदीशन कोण कारकिर्द कशी राहिले आहे हे पाहूया...



कोण आहेत शशिधर जगदीशन ?

शशिधर जगदीशन हे व्यवस्थापकीय संचालक (एमडी) आणि सीईओ आहेत. २०२० मध्ये त्यांची या पदावर नियुक्ती झाली. त्यांनी या पदावर पूर्वी असलेल्या आदित्य पुरी यांची जागा घेतली. शशिधर जगदीशन यांनी मुंबई विद्यापीठातून भौतिकशास्त्रात पदवी घेतली आहे. त्यांनी यूकेमधील शेफील्ड विद्यापीठातून मनी, बँकिंग आणि फायनान्सच्या अर्थशास्त्रात पदव्युत्तर पदवी घेतली आहे. ते एक पात्र चार्टर्ड अकाउंटंट देखील आहेत. त्यांनी १९९६ मध्ये एचडीएफसी बँकेतून वित्त व्यवस्थापक म्हणून कारकिर्द सुरू केली. १९९९ मध्ये ते वित्त व्यवसाय प्रमुख बनले आणि २००८ मध्ये त्यांना मुख्य वित्तीय अधिकारी (सीएफओ) म्हणून जबाबदारी देण्यात आली. २०२० मध्ये त्यांना बँकेचे एमडी आणि सीईओ झाले.

काय आहेत आरोप?लीलावती कीर्तिलाल मेहता मेडिकल ट्रस्ट म्हणजेच एलकेएमएमटी (मेहता कुटुंबाद्वारे चालवले जाणारे) ने शशिधर जगदीशन आणि बँकेच्या काही माजी अधिकाऱ्यांसह एकूण ८ जणांवर आर्थिक फसवणूक आणि ट्रस्ट निधीचा गैरवापर करण्याचे गंभीर आरोप केले आहेत. तक्रारीत असा आरोप आहे की जगदीशन यांनी ट्रस्टच्या सध्याच्या सदस्याच्या वडिलांना त्रास देण्यासाठी २.०५ कोटी रुपये घेतले. हा व्यवहार हस्तलिखित डायरीत नोंदवला गेला आहे, जो सध्याच्या ट्रस्ट सदस्यांना सापडला आहे. लीलावती ट्रस्टने जगदीशन यांना तात्काळ निलंबित करण्याची आणि त्यांच्यावर खटला चालवण्याची मागणी केली आहे.



बँकेने काय म्हटले आहे?एचडीएफसी बँकेने हे आरोप निराधार आणि द्वेषपूर्ण असल्याचे म्हटले आहे. बँकेच्या प्रवक्त्याने म्हटले की कायदेशीर प्रक्रियेचा गैरवापर करणाऱ्या 'अप्रामाणिक लोक' जगदीशन यांना लक्ष्य करत आहेत. त्यांचा उद्देश बँकेला थकबाकी वसूल करण्यापासून रोखणे आहे. बँकेचे म्हणणे आहे की ते अशा कर्जदारांचे कर्ज आहे जे पैसे देण्यास कचरतात आणि मेहता कुटुंबाचे बँकेचे जुने कर्ज आहे जे २००१ पासून थकबाकीदार आहे. बँकेने हे आरोप स्पष्टपणे नाकारले आहेत. या प्रकरणात सर्व कायदेशीर पर्याय वापरले जातील असेही म्हटले आहे.

वाद काय आहे?एचडीएफसी बँक आणि लीलावती किर्तीलाल मेहता मेडिकल ट्रस्ट यांच्यातील वाद अनेक वर्षांपासून सुरू आहे. परंतु, ट्रस्टने एचडीएफसी बँकेचे एमडी आणि सीईओ शशिधर जगदीशन आणि इतर ८ जणांविरुद्ध (काही माजी बँक कर्मचाऱ्यांसह) आर्थिक फसवणूक आणि ट्रस्ट निधीचा गैरवापर केल्याबद्दल एफआयआर दाखल केला तेव्हा ते प्रकाशझोतात आले.



एचडीएफसी बँकेचे म्हणणे आहे की हा संपूर्ण वाद मेहता कुटुंबाच्या मालकीच्या कंपनी 'स्प्लेंडर जेम्स लिमिटेड' (पूर्वी 'ब्युटीफुल डायमंड्स लिमिटेड' म्हणून ओळखल्या जाणाऱ्या) ला दिलेल्या जुन्या डिफॉल्ट कर्जाशी संबंधित आहे. बँकेच्या मते, ही कंपनी २००१ पासून डिफॉल्टर आहे. कर्ज वसुली न्यायाधिकरणाने (डीआरटी) २००४ मध्येच वसुली प्रमाणपत्र जारी केले होते. बँकेचा दावा आहे की ३१ मे २०२५ पर्यंत, या कंपनीवर व्याजासह सुमारे ६५.२२ कोटी रुपये थकले आहेत. एचडीएफसी बँकेचा आरोप आहे की मेहता कुटुंब थकबाकी परतफेड टाळण्यासाठी कायदेशीर प्रक्रियेचा सतत गैरवापर करत आहे. आता तो बँक अधिकाऱ्यांना लक्ष्य करत आहे.

लीलावती ट्रस्टचे आरोपलीलावती ट्रस्टचा आरोप आहे की शशिधर जगदीशन आणि इतर आरोपींनी ट्रस्ट निधीचा गैरवापर केला आहे. एक मोठा आरोप असा आहे की जगदीशन यांना २.०५ कोटी रुपये रोख मिळाले, जे ट्रस्टच्या सध्याच्या सदस्याच्या वडिलांना त्रास देण्यासाठी होते. ट्रस्टचा दावा आहे की हा व्यवहार हस्तलिखित डायरीमध्ये नोंदवलेला आहे, जो त्यांनी वसूल केला आहे. ट्रस्टने असाही आरोप केला आहे की रुग्णालयातील कर्मचाऱ्यांना सीएसआर निधी म्हणून १.५ कोटी रुपये देण्यात आले होते, जे प्रत्यक्षात पुरावे नष्ट करण्यासाठी आणि न्यायाला अडथळा आणण्यासाठी लाच होती.



ट्रस्टने जगदीशन यांना तात्काळ निलंबित करण्याची आणि त्यांच्याविरुद्ध फौजदारी खटला चालवण्याची मागणी केली आहे. त्यांनी या प्रकरणात हस्तक्षेप करण्यासाठी रिझर्व्ह बँक ऑफ इंडिया (RBI), सेबी आणि अर्थ मंत्रालयालाही आवाहन केले आहे. ट्रस्टने १४.४२ कोटी रुपयांचा गैरवापर, कायदेशीर शुल्काच्या नावाखाली ८५ कोटी रुपयांचा गैरवापर आणि ट्रस्ट निधीमध्ये १,२००-१,५०० कोटी रुपयांचा गैरवापर यासह इतर अनेक गंभीर आरोप केले आहेत.

एचडीएफसी बँकेची भूमिकाएचडीएफसी बँकेने लीलावती ट्रस्टचे सर्व आरोप 'निराधार, द्वेषपूर्ण आणि हास्यास्पद' असल्याचे म्हटले आहे. बँकेचे म्हणणे आहे की हे आरोप 'अप्रामाणिक लोक' यांनी बँक आणि तिच्या अधिकाऱ्यांची प्रतिमा खराब करण्यासाठी आणि त्यांना जुनी थकबाकी वसूल करण्यापासून रोखण्यासाठी रचलेल्या 'सुव्यवस्थित कटाचा' भाग आहेत. बँकेने स्पष्ट केले आहे की ते त्यांच्या एमडी आणि सीईओंच्या सचोटीचे रक्षण करण्यासाठी सर्व कायदेशीर उपाययोजना करेल आणि सार्वजनिक पैसे वसूल करण्यासाठी त्यांचे प्रयत्न सुरू ठेवेल. बँकेचा दावा आहे की मेहता कुटुंबाने यापूर्वी वसुलीच्या प्रयत्नांना अडथळा आणण्यासाठी अनेक कायदेशीर आणि फौजदारी तक्रारी दाखल केल्या आहेत. यापैकी बहुतेक एकतर फेटाळण्यात आल्या आहेत किंवा त्या कायद्याशी सुसंगत नाहीत.