मुंबई : कल्पतरु लिमिटेडच्या आयपीओला मंगळवार 24 जून रोजी सुरुवात झाली असून गुरुवारी 26 जून रोजी ही प्रक्रिया पूर्ण होणार आहे. मेनबोर्ड श्रेणीतील या आयपीओमध्ये एकूण 1,590 कोटी रुपयांच्या नव्या शेअर्सचा सामावेश आहे. या IPO मध्ये कोणताही ऑफर फॉर सेल (OFS) समाविष्ट नाही.



या आयपीओसाठी प्रति शेअर किंमतपट्टा 387 ते 414 रुपयांदरम्यान निश्चित करण्यात आली आहे. प्रत्येक शेअरची दर्शनी किंमत (Face Value) 10 रुपये आहे. आयपीओतून उभारण्यात येणारा निधी कंपनी कर्जांची परतफेड, तसेच सामान्य कॉर्पोरेट उद्दिष्टांसाठी करणार आहे.

कोणासाठी किती भाग राखीवया आयपीओ 75 टक्के हिस्सा पात्र संस्थागत गुंतवणूकदारांसाठी (QIBs), 15 टक्के बिगर संस्थागत गुंतवणूकदारांसाठी (NIIs), आणि उर्वरित 10 टक्के किरकोळ गुंतवणूकदारांसाठी राखीव ठेवण्यात आला आहे. कंपनीच्या कर्मचाऱ्यांसाठी राखीव वर्गात अर्ज करणाऱ्या पात्र कर्मचाऱ्यांना प्रति शेअर 38 रुपयांची सूट दिली जात आहे.



पहिल्या दिवशी आयपीओ किती भरलाआज IPO च्या पहिल्या दिवशी दुपारी 2.21 वाजेपर्यंत एकूण सबस्क्रिप्शन 0.25 पट झाली होते. किरकोळ गुंतवणूकदारांचा भाग 0.20 पट तर बिगर संस्थागत गुंतवणूकदारांचा हिस्सा 0.07 पट भरला गेला होता.

मुंबईतील नामांकित कंपनीकल्पतरु लिमिटेड ही मुंबई महानगरातील नामांकित रिअल इस्टेट ब्रँड आहे. कंपनीकडे मोठा जमीन साठा आणि सक्रिय प्रकल्प पाइपलाइन आहे. मात्र, कंपनीचा रिटर्न ऑन इक्विटी फक्त 0.56 टक्के इतका असून ती केवळ एका क्षेत्रात केंद्रित आहे, ज्यामुळे विविधीकरणाचा लाभ मर्यादित होतो.



शिवाय, कंपनीवर मोठा कर्जभार असल्यामुळे हा क्षेत्राचा भांडवली खर्च अधिक धोकादायक बनतो. ओबेरॉय रिअ‍ॅल्टी आणि गोदरेज प्रॉपर्टीज यासारख्या प्रतिस्पर्धी कंपन्यांकडे अधिक चांगले कामगिरीचे रेकॉर्ड, भौगोलिक विविधता आणि मजबूत आर्थिक परताव्याचे प्रमाण आहे.



कल्पतरु आयपीओ पूर्णपणे नव्या 3.84 कोटी शेअर्सचा बुक बिल्ट आयपीओ आहे. या आयपीओसाठी आयसीआयसीआय सिक्युरिटीज, जेएम फायनान्शिएल आणि नोमुरा फायनान्शिएल एडवायझरी हे बुक रनिंग लीड मॅनेजर्स आहेत, तर MUFG Intime India (Link Intime) हे रजिस्ट्रार म्हणून नेमण्यात आले आहेत.

शेअर कधी अलॉट होणार? कल्पतरु आयपीओचा अलॉटमेंट 27 जून रोजी निश्चित होण्याची शक्यता आहे. नाकारलेले अर्जदार 30 जून रोजी पैसे परत मिळवतील आणि त्याच दिवशी यशस्वी अर्जदारांच्या डीमॅट खात्यात शेअर जमा होतील. शेअर्स 1 जुलै रोजी BSE आणि NSE वर लिस्ट होण्याची शक्यता आहे.



ग्रे मार्केट प्रीमियमग्रे मार्केटमधील ट्रेडनुसार कल्पतरु आयपीओचा GMP सध्या +5 रुपये आहे, म्हणजेच शेअर्स अनौपचारिक बाजारात आयपीओ किमतीपेक्षा सुमारे 5 रुपये जास्त दराने व्यवहारात आहेत. 414 रुपयांच्या उच्च बँडच्या आधारावर अंदाजे लिस्टिंग किंमत 419 रुपये असल्याचा अंदाज आहे, जे सुमारे 1.21 टक्क्यांनी जास्त आहे.