भारतीय रिझर्व्ह बँकेचे माजी गव्हर्नर डॉ. उर्जित पटेल यांची आंतरराष्ट्रीय नाणेनिधी (IMF) मध्ये कार्यकारी संचालक म्हणून नियुक्ती झाली आहे.
ही नियुक्ती अशा वेळी झाली आहे जेव्हा आयएमएफने पाकिस्तानला मोठे कर्ज दिले आहे.
दरम्यान, आयएमएफमधील वरिष्ठ अर्थतज्ज्ञ डॉ. गीता गोपीनाथ यांचा कार्यकाळ संपला आहे.
Who is Urjit Patel: भारतीय रिझर्व्ह बँकेचे माजी गव्हर्नर डॉ. उर्जित पटेल यांची आंतरराष्ट्रीय नाणेनिधीमध्ये (IMF) कार्यकारी संचालक (Executive Director) म्हणून तीन वर्षांसाठी नियुक्ती करण्यात आली आहे. केंद्र सरकारने नुकताच या संदर्भातील आदेश जाहीर केला असून, ही नियुक्ती आंतरराष्ट्रीय पातळीवर भारतासाठी महत्त्वाची मानली जात आहे.
या नियुक्तीमागे एक नाट्यमय घडामोड आहे. आयएमएफमध्ये भारताचे विद्यमान प्रतिनिधी असलेले कृष्णमूर्ती वी. सुब्रमण्यन यांचा कार्यकाळ सहा महिने आधीच अचानक संपवण्यात आला. त्यानंतर डॉ. पटेल यांची नवी नियुक्ती जाहीर झाली.
Stocks To Buy: गुंतवणूकदारांना मिळणार जबरदस्त नफा; तज्ज्ञांनी सुचवले 10 शेअर्स, किती टक्के रिटर्न मिळणार? कोण आहेत उर्जित पटेल?डॉ. उर्जित पटेल हे 2016 मध्ये रघुराम राजन यांच्यानंतर आरबीआयचे 24वे गव्हर्नर झाले होते. त्यांनी भारताच्या मौद्रिक धोरणात इन्फ्लेशन टार्गेटिंग फ्रेमवर्क राबवण्यात मोलाची भूमिका बजावली होती. मात्र, 2018 मध्ये वैयक्तिक कारणास्तव त्यांनी अचानक गव्हर्नरपदाचा राजीनामा दिला. त्यामुळे ते 1992 नंतर सर्वात कमी कालावधीसाठी आरबीआय गव्हर्नर राहिलेले व्यक्ती ठरले.
Income Tax: भारताने केला नवा विक्रम! देशातील लोक कॉर्पोरेट कंपन्यांपेक्षा जास्त कर भरतात; अहवालात उघड नियुक्ती का महत्त्वाची?सध्या आयएमएफने पाकिस्तानला 7 अब्ज डॉलर्सचे कर्ज मंजूर केले आहे. यापैकी नुकतेच 1 अब्ज डॉलर्सचे कर्ज पाकिस्तानला मिळाले. भारताने अशा बेलआउट पॅकेजेसला नेहमीच विरोध दर्शवला आहे. कारण भारताच्या मते, पाकिस्तान मिळालेल्या निधीचा वापर दहशतवाद आणि युद्धखर्चासाठी करतो. त्यामुळे या संवेदनशील पार्श्वभूमीवर पटेल यांची नियुक्ती अधिक महत्त्वाची ठरते.
गीता गोपीनाथ यांचा कार्यकाळ संपलादरम्यान, आयएमएफमध्ये वरिष्ठ पदावर कार्यरत असलेल्या भारतीय-अमेरिकन अर्थतज्ज्ञ डॉ. गीता गोपीनाथ यांचा कार्यकाळ नुकताच संपला. त्यांनी सोशल मीडियावर पोस्ट करून या प्रवासाचा शेवट जाहीर केला. सात वर्षांचा अनुभव अतिशय समृद्ध करणारा होता, असे त्यांनी सांगितले आणि आयएमएफ तसेच सहकाऱ्यांचे आभार मानले.
FAQsडॉ. उर्जित पटेल यांची नियुक्ती कुठे झाली? (Where has Dr. Urjit Patel been appointed?)
- त्यांची आंतरराष्ट्रीय नाणेनिधी (IMF) मध्ये कार्यकारी संचालक (Executive Director) म्हणून नियुक्ती झाली.
पूर्वी IMF मध्ये भारताचे प्रतिनिधी कोण होते? (Who was India’s previous representative at IMF?)
- कृष्णमूर्ती वी. सुब्रमण्यन हे भारताचे कार्यकारी संचालक होते, त्यांचा कार्यकाळ अचानक संपवण्यात आला.
उर्जित पटेल यांचे RBI गव्हर्नरपद किती काळ टिकले? (How long did Urjit Patel serve as RBI Governor?)
- ते 2016 ते 2018 या कालावधीत गव्हर्नर होते; त्यांनी वैयक्तिक कारणास्तव राजीनामा दिला.
ही नियुक्ती महत्त्वाची का मानली जाते? (Why is this appointment considered significant?)
- कारण आयएमएफने नुकतेच पाकिस्तानला 7 अब्ज डॉलर्सचे कर्ज मंजूर केले असून भारताने याला विरोध दर्शवला आहे.
गीता गोपीनाथ यांनी IMF मध्ये किती काळ काम केले? (How long did Gita Gopinath serve at IMF?)
- त्यांनी सात वर्षे आयएमएफमध्ये वरिष्ठ पदावर काम केले आणि आता त्यांचा कार्यकाळ संपला आहे.
