उच्चायुक्तांनी मुख्यमंत्री हिमंत बिस्व सर्मा यांना सांगितलं की, गर्ग यांच्यासोबत जे होते त्यांची यादी पाठवण्यात आलीय. यात सिंगापूरमध्ये राहणारे आसाममधील ११ जण होते. यात अभिमन्यू तलुकदार यांनी बोट बूक केली होती. तर याशिवाय गर्ग यांच्या टीममधील चौघे आणि बोटीच्या क्रूचा समावेश होता.

गर्ग हे समुद्रात तरंगताना आढळून आले होते. त्यांना बेशुद्धावस्थेत बाहेर काढण्यात आलं. तात्काळ लाइफ गार्डने सीपीआर दिला आणि तिथून रुग्णालयात हलवण्यात आलं. पण रुग्णालयात त्यांना मृत घोषित केलं गेलं. आता गर्ग यांच्यासोबत असणाऱ्या लोकांची चौकशी केली जात आहे.

२००२ मध्ये अपघातातून वाचले

जुबीन गर्ग यांच्या अकाली निधनाने सर्वांनाच धक्का बसला आहे. याआधी २३ वर्षांपूर्वी जुबीन गर्ग एका अपघातातून वाचले होते. पण या अपघाता त्यांच्या बहिणीचा मृत्यू झाला होता. गर्ग यांची बहिण जोंगकी बरठाकूर ही तेव्हा फक्त १८ वर्षांची होती. गर्ग यांच्याप्रमाणेच ती मनोरंजन क्षेत्रात काम करत होती. काही चित्रपटातही तिनं काम केलेलं.