• बुलढाणा जिल्ह्यातील पाळा आश्रमशाळा लैंगिक अत्याचार प्रकरणाचा निकाल लागला.

• मुख्य आरोपी इत्तू सिंग पवार याला ५ वर्षांची शिक्षा ठोठावण्यात आली आहे.

• उर्वरित १७ आरोपींना निर्दोष मुक्त करण्यात आले.

• या घटनेनंतर संबंधित शाळा बंद करण्यात आली होती.

बुलढाणा जिल्ह्यातील खामगाव तालुक्यातील पाळा येथील श्री निना भाऊ कोकरे आश्रम शाळेत शिकणाऱ्या अनेक विद्यार्थिनींवर २०१६ साली लैंगिक अत्याचार केल्याचं प्रकरण गाजलं होतं. याप्रकरणी खामगाव जिल्हा सत्र न्यायालयाने निकाल देत यातील मुख्य आरोपी असलेला इत्तू सिंग काळू सिंग पवार यास दोषी धरत पाच वर्षाच्या सश्रम कारावासाची शिक्षा आणि दहा हजार रुपये दंड ठोठावण्यात आला आहे. तर प्रकरणातील उर्वरित १७ आरोपींना न्यायालयाने निर्दोष मुक्त केले आहे. काल खामगाव जिल्हा सत्र न्यायालयाने हा निकाल दिला आहे.

काय होत प्रकरण..?

खामगाव तालुक्यातील पाळा येथील स्व. निंबाजी कोकरे आदिवासी आश्रम शाळेत अल्पवयीन मुलीवर सामुहिक अत्याचार करून लैंगिक शोषण केल्याची घटना उघडकीस आली होती. पिडीत अल्पवयीन मुलीच्या पालकांनी केलेल्या तक्रारीवरून पोलिसांनी शाळा व्यवस्थापन, मुख्याध्यापक यांच्यासह १२ जणांना केली होती. या प्रकरणी तत्कालीन पोलीस महासंचालक सतीश माथूर यांच्या आदेशाने एसआयटीची स्थापना करण्यात आली होती.

Buldhana : बकऱ्या चरायला घेऊन गेलेला तरूण घरी परतलाच नाही; रानात नेमकं काय घडलं?

खामगाव तालुक्यातील पाळा येथे स्व.निनाभाऊ कोकरे प्राथमिक व माध्यमिक आश्रम शाळा होती. प्राथमिक व माध्यमिक अनेक विध्यार्थिनी शिक्षण घेत होत्या. दरम्यान दिवाळीच्या सुट्टया लागल्याने विद्यार्थी त्यांच्या गावी गेले होते. जळगाव खान्देश जिल्ह्यातील मुक्ताईनगर तालुक्यातील हलखेडा येथील इयत्ता ४ थी मध्ये शिकणाºया अल्पवयीन मुलीने तिच्या पालकांना शाळेत मुलीवर लैंगिक अत्याचार होत असल्याची माहिती सांगितली. ही घटना उघडकीस आल्याने संपूर्ण राज्यात खळबळ उडाली होती.

Crime News : भजन ऐकायला निघाली, वाटेत अडवलं अन् मूकबधिर मुलीवर सामूहिक बलात्कार

सदर प्रकार गंभीर असल्याने पालकांनी गावातील पोलीस पाटील व सरपंच यांना माहिती दिली. त्यानंतर घडलेला प्रकार माजी मंत्री आ. एकनाथराव खडसे यांच्या कानावर घालण्यात आला. आ.खडसे यांनी तात्काळ मुक्ताईनगर पोलिसांना याप्रकरणी लक्ष घालण्याचे सांगितले. तसेच कृषीमंत्री तथा पालकमंत्री भाऊसाहेब फुंडकर यांनाही या प्रकरणाची माहिती देण्यात आली. ना. फुंडकर यांनी पोलिसांशी संपर्क साधून प्रकरणातील सर्व आरोपीवर कठोर कारवाई करण्याचे निर्देश दिले. यावेळी पोलिसांनी सदर प्रकरणातील १२ आरोपींना अटक केली होती.

Crime News : प्रमोशन देतो म्हणत नर्ससोबत नको ते केलं, आयुर्वेदिक कॉलेजच्या प्राचार्याचा प्रताप, डॉक्टरांवर गुन्हा दाखल मंत्री भाऊसाहेब फुंडकर यांनी पोलीस स्टेशनला भेट दिली

पाळा येथील आदिवासी आश्रम शाळेतील अल्पवयीन मुलीवर लैंगीक अत्याचार केल्याची घटना उघडकीस आल्यानंतर संतप्त पालकांनी खामगाव शहर पोलीस स्टेशनला धाव घेवून ठिय्या मांडला. यावेळी तत्कालीन मंत्री भाऊसाहेब फुंडकर यांनी पोलीस स्टेशनला भेट देवून घटनेची परिस्थिती जाणून घेतली होती. सदर प्रकरणातील आरोपीवर कठोर कारवाई करण्याचे निर्देश त्यांनी पोलिसांना दिले.

Cyber Crime : शेअर बाजारात जास्तीचा नफा दाखवून गंडविले; साडेपाच लाखांचा लावला चुना

सरकारने या शाळेची मान्यता त्यावेळी काढून घेत ही शाळा बंद केली होती व अद्याप ही शाळा बंद आहे. ही घटना उघडकीस आल्यानंतर संपूर्ण राज्यात त्यावेळी या घटनेचे पडसाद उमटले. अनेक मंत्री, विविध पक्षाचे नेते, वरिष्ठ अधिकाऱ्यांनी घटनास्थळी त्यावेळी भेट दिली होती. प्रादेशिक व देश पातळीवरील माध्यमांनीही या घटनेची दखल घेत वृत्तांकन केलं होतं.