इराण आणि अमेरिका युद्धात मोठा दणका इस्त्रायलला बसला. इस्त्रायलच्या विरोधात अनेक देशांनी थेट विरोधात भूमिका घेतली. तब्बल 16 देश इराणच्या विरोधात मैदानात उतरले आहेत. इस्लामिक देशांच्या परराष्ट्र मंत्र्यांनी 18 एप्रिल 2026 रोजी दोहा येथे एक संयुक्त निवेदन जारी केले. सोमालियामध्ये इस्रायलने राजनैतिक प्रतिनिधीच्या नियुक्तीचा निषेध केला. इस्त्रायलच्या हा निर्णय सोमालियाच्या संघराज्याच्या सार्वभौमत्व, एकता आणि प्रादेशिक अखंडतेचे थेट उल्लंघन आहे, असेही म्हटले. हे पाऊल धोकादायक असल्याचेही त्यांनी म्हटले. इस्त्रायलच्या विरोधात सऊदी अरब, कुवेत, कतार, मित्र्स, लीबिया, सूडान, बांग्लादेश, लिफिस्तान, अल्जीरिया, तुर्की, पाकिस्तान, मॉरिटानिया, जॉर्डन, ओमान, मॉरिटाानिया या देशांनी इस्त्रायलविरोधात भूमिका घेतली.

संयुक्त निवेदनात यावर जोर देण्यात आला की, इस्रायलचा निर्णय आफ्रिकन युनियनच्या घटनात्मक कायद्याचे उल्लंघन करतो. या देशांनी इशारा देत म्हटले की, इस्त्रायलच्या निर्णयाने क्षेत्रात अस्थिरता निर्माण होऊ शकते. शांतता आणि सुरक्षेवर चुकीचा परिणाम पडू शकतो, 16 देशांनी सोमालियाच्या एकतेला आपला खंबीर पाठिंबा असल्याचेही म्हटले. सोमालियाबाबत इस्रायलच्या निर्णयामुळे रोष वाढला आहे.

सोमालियामध्ये इस्त्रायल राजदूतची नियुक्ती अवैध मानली जात आहे. मुस्लिम देशांनी एक एकतर्फी कारवाई करण्यात आल्याचे म्हटले. सोमालीलँडमधील इस्त्रायलचा हस्तक्षेप स्वीकार केला जाणार नसल्याचेही त्यांनी म्हटले. परराष्ट्र मंत्र्यांनी आंतरराष्ट्रीय समुदायाला सोमालियाच्या सार्वभौमत्वाचा आदर करण्याचे आवाहन केले आहे. इस्त्रायलने सोमालियाच्या शांततेला धक्का लागवण्याचा प्रयत्न केल्याचाही आरोप करण्यात आला.

16 देशांनी पुढे येत सोमालियाची शांतता अखंड राहावी, असेही म्हटले. सोमालियाची अखंडता जपण्यासाठी आम्ही सर्वतोपरी राजनैतिक प्रयत्न करत राहू आणि अशा कोणत्याही दूताला मान्यता देणार नाही, असेही त्यांनी म्हटले. मात्र, इराणसोबतच्या युद्धात हा मोठा नवीन धक्का इस्त्रायलला बसल्याचे बघायला मिळत आहे. इस्त्रायलविरोधात देशांनी थेटपणे भूमिका घेतली आहे. दुसरीकडे इस्त्रायलच्या नादी लागून इराणवर अमेरिकेने हल्ला केल्याचाही आरोप केला जात आहे. इस्त्रायल यावर काय भूमिका घेतो हे पाहण्यासारखे ठरते. इराण आणि अमेरिका युद्धामुळे जग वैतागले.