राज्याच्या राजकारणात मोठ्या घडामोडी घडताना दिसत आहेत. शिवसेना ठाकरे गटाच्या तब्बल 6 खासदारांनी मोठी बंडखोरी केली. त्यानंतर एका आमदाराची थेट विधान परिषदेच्या उपसभापतीपदी निवड झाली. शिवसेना ठाकरे गटात मोठी बंडखोरी होत आहे. यासोबतच अजूनही काही आमदार उपमुख्यमंत्री एकनाथ शिंदे यांच्या संपर्कात असल्याची चर्चा आहे. शिवसेना ठाकरे गटाचे नेते उद्धव ठाकरे यांनी याच पार्श्वभूमीवर आज मंगळवारी रात्री 7 वाजता राज्यातील सर्व आमदारांची बैठकी बोलवली आहे. सचिन आहिर यांच्या बंडखोरीनंतर उद्धव ठाकरे यांना मोठा झटका बसला. ऑपरेशन टायगर सुरू आहे. शिवसेनेचे काही आमदार शिवसेना शिंदे गटात प्रवेश करू शकतात. यासोबतच दिल्लीमध्ये मोठ्या घडामोडी सुरू आहेत. लवकरच पंतप्रधान नरेंद्र मोदी आपल्या कॅबिनेट मंत्रिमंडळाचा विस्तार करणार आहेत. ज्यात राज्यातील अनेक नेत्यांना थेट संधी मिळणार असून केंद्रात मंत्रिपद मिळवण्याची संधी आहे.

शिवसेना ठाकरे गटातून बंडखोरी करून शिवसेना शिंदे गटात प्रवेश केलेल्या 6 खासदारांपैकी दोघांच्या गळ्यात मंत्रिपदाची माळ पडणार असल्याचे स्पष्ट आहे. यासोबतच खासदार श्रीकांत शिंदे यांनाही मंत्रिपद मिळणार असल्याची माहिती सूत्रांकडून मिळत आहेत. काही दिवसांपूर्वीच थेट एकनाथ शिंदे हे दिल्ली दाैऱ्यावर होते. आता मोठी माहिती पुढे येत आहे.

याच सर्व पार्श्वभूमीवर आता राज्याचे मुख्यमंत्री देवेंद्र फडणवीस हे देखील दिल्ली दाैऱ्यावर जाणार आहेत. आज देवेंद्र फडणवीस दिल्ली दाैऱ्यावर आहेत. एका कार्यक्रमात ते सहभागी होती. मात्र, मंत्रिमंडळ विस्ताराच्या पार्श्वभूमीवर देवेंद्र फडणवीस यांच्या या दिल्ली दाैऱ्याला महत्वप्राप्त झाले. सातत्याने उद्धव ठाकरे यांच्याकडून सांगितले जात आहे की, दिल्लीतून देवेंद्र फडणवीस यांचे पंख कट करण्यासाठी एकनाथ शिंदे यांना पावर दिली जात आहे.

यावर देवेंद्र फडणवीसांनी उत्तर देखील दिले. मागील काही दिवसांपासून एका मागून एक मोठे धक्के एकनाथ शिंदे हे उद्धव ठाकरे यांना देत आहेत. मोठी बंडखोरी त्यांच्या पक्षात झाली. 6 खासदारांच्या मतदार संघात सभा घेऊन उद्धव ठाकरे मुंबईत पोहोचल्यानंतर थेट सचिन आहिर यांना विधान परिषदेचे उपसभापतीपद एकनाथ शिंदे यांनी देऊन थेट धक्का दिला.