Telly Masala : मनोरंजनसृष्टी पुन्हा बहरली आहे. वेगवेगळ्या दर्जाची नाटकं (Drama), मालिका (Serial), चित्रपट (Movies) आणि वेब सीरिज (Web Series) प्रेक्षकांच्या भेटीला येत आहेत. जगभरातील प्रेक्षकांना मराठीसह विविध कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मनोरंजनसृष्टीसंबंधित बातम्या...
Salman Khan Security : बॉलिवूड सुपरस्टार सलमान खान याला बिश्नोई गँगकडून धमक्या येत असल्याने त्याच्या सुरक्षेत वाढ करण्यात आली आहे. सलमानचं घर आणि शूटींगवेळी सेटवर देखील मोठा बंदोबस्त तैनात करण्यात आला आहे. राष्ट्रवादी काँग्रेसचे नेते बाबा सिद्दीकी यांची हत्या करण्यात आल्यानंतर सलमान खान बिश्नोई गँगच्या निशाण्यावर असल्याचं बोललं जात आहे. लॉरेन्स बिश्नोई गँगच्या धमक्यांदरम्यान सलमान खानने नवीन बुलेट प्रूफ कार खरेदी केली आहे.
सविस्तर बातमी वाचण्यासाठी येथे क्लिक करा...
KKR Offer Film To Lawrence Bishnoi : बॉलिवूड अभिनेता आणि स्वयंघोषित चित्रपट समीक्षक कमाल आर खान (Kamal Khan) उर्फ केआरके (KRK) यानं आता अभिनेता सलमान खानशी पंगा घेतला आहे. माजी मंत्री राष्ट्रवादीचे नेते सलमान खानचे निकटवर्तीय बाबा सिद्दीकी यांच्या हत्येनंतर सलमान खानची सुरक्षा वाढवण्यात आली आहे. बाबा सिद्दीकी यांच्या भररस्त्यात गोळ्या झाडून हत्या करण्यात आली. यामागचं कारण सलमान खानसोबत त्याचे चांगले संबंध असल्याचं सांगत लॉरेन्स बिश्नोई गँगने अभिनेत्याला पुन्हा एकदा धमकी दिली आहे. बाबा सिद्दीकी यांची हत्या आणि सलमान खानची सुरक्षा या पार्श्वभूमीवर सलमान खानला वाय प्लस सुरक्षा देण्यात आली आहे.
सविस्तर बातमी वाचण्यासाठी येथे क्लिक करा...
Salman Khan Weekend ka War : बिग बॉस सीझन 18 सध्या प्रेक्षकांचं मनोरंजन करताना दिसत आहे. बिग बॉसच्या घरात या आठवड्यात घरातस तुफान राडे पाहायला मिळाले. अविनाश मिश्राला घरातील सदस्यांनी एलिमिनेट केल्यानंतर पुन्हा घरात एन्ट्री दिली. घरवापसी केल्यानंतर अविनाश मिश्राला घरातील जेलमध्ये ठेवण्यात आलं. यावेळी त्याला घरातील सदस्यांच्या राशनवर नियंत्रण ठेवण्याची पॉवर देण्यात आली.
सविस्तर बातमी वाचण्यासाठी येथे क्लिक करा...
Bigg Boss : बिग बॉस मराठीचे पाचवे पर्व संपले खरे पण या पर्वाचा विजेता गुलीगत सुरज चव्हाणची क्रेझ कायम असल्याचंच दिसून येतंय. आपल्या बुक्कीत टेंगूळ, झापूक झुपुक स्टाईलमुळे फेमस झालेल्या सुरजनं विजेतेपद मिळवल्यानंतर मनोरंजनसृष्टीपासून राजकारण्यांपर्यंत सर्वांच्या भेटी घेतल्या. पण आता त्यानं महाराष्ट्रातली लोकप्रिय लावणी डान्सर गौतमी पाटील हिची भेट घेतली आहे. याचा व्हिडीओ सध्या चांगलाच व्हायरल होत आहे.
सविस्तर बातमी वाचण्यासाठी येथे क्लिक करा...
Alt Balaji: 'गंदी बात'सारख्या वादग्रस्त वेबसिरिजमुळे वादाच्या भोवऱ्यात सापडणाऱ्या एकता कपूरच्या (Ekta Kapoor) अडचणी चांगल्याच वाढल्या आहेत. 'अल्ट बालाजी' या तिच्या ओटीटी प्लॅटफॉर्मवर अल्पवयीन मुलीची अश्लील दृष्य दाखवल्याच्या आरोपाखाली गुन्हा दाखल करण्यात आलाय. या कंपनीसह प्रसिद्ध निर्माता एकता कपूर आणि त्यांच्या आई शोभा कपूर विरोधातही एमएचबी पोलीस ठाण्यात गुन्हा दाखल करण्यात आला आहे.
सविस्तर बातमी वाचण्यासाठी येथे क्लिक करा...
Kushal Tondon-Shivangi Joshi Dating : छोट्या पडद्यावरील प्रसिद्ध अभिनेता कुशाल टंडन याने अभिनेत्री शिवांगी जोशी हिच्यासोबतच्या नात्यावर शिक्कामोर्तब केला आहे. कुशाल टंडण आणि शिवांगी जोशी कायम एकत्र दिसायचे यामुळे ते रिलेशनशिपमध्ये असल्याची चर्चा सुरु होती. आता कुशालने या प्रेमाची कबुली दिली आहे. अभिनेता कुशल टंडनने स्पष्ट केलं आहे की, तो सहकलाकार शिवांगी जोशीला डेट करत आहे.
सविस्तर बातमी वाचण्यासाठी येथे क्लिक करा...
