33131

प्रगतीसाठी परीट समाजाने एकसंघ व्हावे

दिलीप भालेकर ः सावंतवाडीत संत गाडगेबाबा पुण्यतिथी कार्यक्रम

सकाळ वृत्तसेवा
सावंतवाडी, ता. २१ ः कोकण विभागाचा वधू-वर मेळावा २३ फेब्रुवारीला येथे आयोजित करण्यात येणार आहे. लवकरच समाजाची नवीन जिल्हा कार्यकारिणी गठित करण्यात येणार आहे. गाडगेबाबांचे विचार तळागळापर्यंत पोहोचविणे आवश्यक आहे. समाजाच्या विकासासाठी सर्व परीट बांधवांनी एकसंघ राहिले पाहिजे, असे प्रतिपादन जिल्हाध्यक्ष दिलीप भालेकर यांनी केले.
सिंधुदुर्ग जिल्हा परीट समाज व सावंतवाडी तालुका परीट समाज यांच्या संयुक्त विद्यमाने येथील श्रीराम वाचन मंदिरच्या हॉलमध्ये श्री संत गाडगेबाबा यांची पुण्यतिथी विविध कार्यक्रमांनी साजरी करण्यात आली. कार्यक्रमाच्या उद्घाटनप्रसंगी भालेकर बोलत होते. यानिमित्ताने सकाळी येथील भाजी मंडईसह आपापल्या भागातील परिसराची साफसफाई करण्यात आली. त्यानंतर ९ वाजता सुरेश पन्हाळकर दांपत्याच्या हस्ते संत गाडगेबाबा यांच्या प्रतिमेचे पूजन व १० वाजता सिंधुदुर्ग जिल्हा व सावंतवाडी तालुक्यातील परीट बांधवांची बैठक घेण्यात आली.
यावेळी तालुकाध्यक्ष राजू भालेकर, ज्येष्ठ सल्लागार मधुकर मोरजकर, जगन्नाथ वाडकर, मनोहर रेडकर, युनियनचे अध्यक्ष प्रदीप भालेकर आदींनी आपले मनोगत व्यक्त केले. यावेळी जिल्हा सरचिटणीस संजय होडावडेकर, तालुका उपाध्यक्ष भगवान वाडकर, तालुका सेक्रेटरी लक्ष्मण बांदेकर, माजी नगरसेविका दीपाली भालेकर, तालुका खजिनदार जितेंद्र मोरजकर, शहराध्यक्ष दयानंद रेडकर आदी उपस्थित होते.
यावेळी जिल्हाध्यक्ष भालेकर यांच्या हस्ते विनायक आजगावकर व जगन्नाथ वाडकर यांचा सत्कार करण्यात आला. त्यानंतर आरती व प्रसाद वाटप, ११ वाजता ह.भ.प. विनायक आजगावकर यांचे कीर्तन, महाप्रसाद व दुपारी ३ वाजता येथील राणी जानकीबाई सुतिकागृह व कुटी ररुग्णालयात फळे व प्रसाद वाटप करण्यात आले. त्यानंतर सांस्कृतिक कार्यक्रम, भजन आदी कार्यक्रम झाले.
हा कार्यक्रम यशस्वी करण्यासाठी महेश तळवणेकर, दयानंद रेडकर, मनोहर रेडकर, प्रदीप भालेकर, संजय होडावडेकर, योगेश आरोलकर, किरण वाडकर, राजू भालेकर, सुरेंद्र कासकर, रितेश चव्हाण, दिनेश होडावडेकर, अनिल होडावडेकर, सुरेश पन्हाळकर, संतोष बांदेकर, संदीप कुपवडेकर, प्रवीण मोरजकर, ज्ञानेश्वर भालेकर, भगवान वाडकर, प्रकाश लोकळे, मारुती मोरजकर, लक्ष्मीदास आजगावकर आदींनी परिश्रम घेतले. प्रदीप भालेकर प्रास्ताविक, जितेंद्र मोरजकर स्वागत व संजय होडावडेकर यांनी आभार मानले. सर्वांनी एकत्र येऊन गाडगेबाबा पुण्यतिथी कार्यक्रमात सहभाग घेतल्याबद्दल जिल्हाध्यक्ष दिलीप भालेकर यांनी आभार मानले.