Eggs Price Hike : थंडी वाढल्यामुळे अंड्यांच्या किंमतीत देखील वाढ झाली आहे. साधारणपणे एका ट्रेमध्ये (30 अंडी) 20 रुपयांची वाढ झाली आहे. त्यामुळे डझनभर अंड्यांसाठी आता 80 ते 85 रुपयांपर्यंतचा खर्च होऊ लागला आहे.

राज्यात थंडी वाढली असून तापमान 5 अंशांपेक्षा खाली गेले आहे. नंदुरबारसह इतर अनेक ठिकाणी थंडीच्या तडाख्यामुळे अंड्यांच्या किमतीत वाढ झाली आहे. नोव्हेंबर ते फेब्रुवारी या हंगामात, ख्रिसमस आणि नववर्षाच्या सणांमुळे अंड्यांची मागणी वाढते, त्यामुळे दरवर्षी थंडीच्या काळात अंड्यांच्या किंमतीत चढ-उतार होतो.