CSIR UGC NET: तुम्ही सीएसआयआर यूजीसी नेट परीक्षा देण्यास इच्छुक असाल तर ही बातमी काळजीपूर्वक वाचा. कारण, शेवटची तारीख जवळ आली असून लगेच अर्ज भरावा लागणार आहे. सीएसआयआर यूजीसी नेट परीक्षा 16 ते 28 फेब्रुवारी 2025 या कालावधीत होणार आहे. याविषयी पुढे विस्ताराने जाणून घेऊया.
सीएसआयआर यूजीसी नेट डिसेंबर 2024 सत्रासाठी अर्ज करण्याची वेळ आता संपणार आहे. ज्या उमेदवारांनी अद्याप अर्ज केलेला नाही, त्यांच्यासाठी ही शेवटची संधी आहे. अर्ज करण्याची प्रक्रिया 30 डिसेंबर 2024 रोजी संपणार आहे. इच्छुक उमेदवारांनी csirnet.nta.ac.in अधिकृत संकेतस्थळावर जाऊन तात्काळ अर्ज करावा आणि सरकारी क्षेत्रात करिअर करण्याची ही महत्त्वाची संधी गमावू नये.
उमेदवार 30 डिसेंबर 2024 पर्यंत अर्ज करू शकतात. अर्ज करण्याची शेवटची तारीख 31 डिसेंबर 2024 आहे. फॉर्ममध्ये त्रुटी असल्यास ती दुरुस्त करण्यासाठी 1 जानेवारी ते 2 जानेवारी 2025 या कालावधीत दुरुस्ती विंडो उघडण्यात येणार आहे.
सीएसआयआर यूजीसी नेट परीक्षा 16 फेब्रुवारी ते 28 फेब्रुवारी 2025 दरम्यान आयोजित केली जाईल. ही परीक्षा तीन तासांच्या कॉम्प्युटर बेस्ड टेस्ट (CBT) पद्धतीने घेण्यात येणार आहे. प्रश्नपत्रिकेत ऑब्जेक्टिव्ह प्रकारचे बहुपर्यायी प्रश्न (MCQ) असतील आणि ते हिंदी आणि इंग्रजी दोन्ही भाषांमध्ये उपलब्ध असतील.
सीएसआयआर नेट परीक्षा केवळ पाच विषयांमध्ये घेतली जाते
बीई, बीटेक, बीफार्म, एमबीबीएस, एमएससी किंवा समकक्ष पदवी सह सामान्य प्रवर्गातील उमेदवारांसाठी किमान 55 टक्के गुण आणि राखीव प्रवर्गातील उमेदवारांसाठी 50 टक्के गुण असावे.
या पदांसाठी अर्जदारांची वयोमर्यादा 28 वर्षापर्यंत असावी. मात्र, लेक्चरशिपसाठी (LS) वयोमर्यादा नाही.
