Viral Video: संसार करणं हे सोपं नाही. त्यातून संसार म्हटलं की अनेक जबाबदाऱ्या असतात. अशावेळी संसार करताना आपल्याला अनेक गोष्टींचा त्याग करावा लागतो. परंतु त्यातूनही सर्व संकट, दु:खाचे प्रसंग हे आपण पार करू शकतो जेव्हा आपल्यासोबत आपल्याला कायम साथ देणारा साथीदार असेल. त्यातून मग एकमेकांची लागलेली सवय, प्रेम, साथ ही आपसुकच गोड वाटू लागते. सध्या अशाच एक गोड कपलची लव्ह स्टोरी ही चांगलीच व्हायरल होताना दिसते आहे. नेटकरीही या व्हिडीओखाली कमेंट्स करताना दिसत आहेत.

दैनंदिन धकाधकीच्या जीवनात अनेक जबाबदाऱ्या पार पाडत असतानाच थोडा वेळ काढून पती पत्नी एकत्र वेळ घालवतात. त्या नात्यात एक वेगळा गोडवा असतो. परंतु काहींना तर त्यातही वेळ मिळत नाही. यावेळी एका कपलची चर्चा आहे. गेल्या 43 वर्षांपासून ते कपल एकत्र नांदते आहे. त्यातूनही उतारवयातही पोटापाण्यासाठी हे कपल एकत्र घरोघरी जाऊन नाश्ता विकते. त्यांची या वयातही धडपड पाहून तसेच एकमेकांची न सोडलेली साथ पाहून सगळ्यांच्याच डोळ्यात पाणी आले आहे.

ठाणे रेल्वे स्थानकाजवळील एका वृद्ध पती-पत्नीने त्यांच्या साध्या पण प्रगल्भ प्रेमकथेने नेटकऱ्यांची मने जिंकली आहेत. सिद्धेश लोकरे यांनी शेअर केलेला एक व्हिडिओ व्हायरल होत आहे जो 8 दशलक्षाहून अधिक वेळा पाहिला गेला आहे आणि नवीन वर्षाच्या सुरूवातीच्या विशेष प्रसंगी लोकांच्या मनात सकारात्मकता आणि प्रेम पसरवत आहे, हे नक्की. व्हिडीओमध्ये भीमराव, एक दृष्टिहीन वृद्ध आणि त्यांची पत्नी शोभा यांची ओळख करून देण्यातआली आहे. ज्यांच्या लग्नाला 43 वर्षे झाली आहेत. हे जोडपे स्टेशनजवळ एक छोटासा स्नॅक्स स्टॉल चालवतात आणि त्यातून पोटापाण्यासाठी पैसे कमावतात.

शोभा या व्हिडीओत म्हणाल्या की, ''आम्ही भांडतो, पण दोन मिनिटही वेगळे राहू शकत नाही.'' भीमराव विनोदी स्वरात म्हणाले, ''स्वयंपाकघरातल्या भांड्यांसारखं आहे ते आपटतात पण तुटत नाहीत.'' या जोडप्याची एक साधी इच्छा होती. त्यांनी सांगितले की त्यांना एक स्टॉल हवा आहे जिथे ते दिवसभर उभे न राहता त्यांचा स्नॅक्स विकू शकतील. तरूण पिढीला त्यांनी संदेश दिला आहे. ते म्हणाले, ''कष्ट हेच सर्वस्व आहे. तुम्ही फक्त स्वतःसाठी जगू शकत नाही. जर तुम्ही इतरांसाठी जगलात तर तुम्ही खरोखर जगता.'' सध्या हा व्हिडीओ चांगलाच व्हायरल झाला आहे.