गुन्हे बातम्या ठेवा: पुण्यातील मगरपट्टा परिसरात एक संतापजनक घटना घडली आहे. एका युवकानं भररस्त्यात पोलिसाला मारहाण केली आहे. आज संध्याकाळी 6.30 वाजण्याच्या सुमारास ही घटना घडली आहे. या युवकानं प्रचंड नशा केली होती, अशी प्राथमिक माहिती मिळाली आहे. दरम्यान, स्थानिकांनी या युवकाला पकडून पोलिसांच्या ताब्यात दिले आहे.
पोलिसांनी दिलेल्या माहितीनुसार, संबंधित तरुण हा नशेत होता. हा युवक मगरपट्टा भागात एका ज्येष्ठ नागरिकाला तो मारहाण करत होता. तसेच रस्त्यावरुन जात असलेल्या अनेकांना तो दगड सुद्धा फेकून मारत होता. दरम्यान, या ठिकाणी आपले कर्तव्य बजावत असलेले वाहतूक शाखेचे पोलिस कर्मचाऱ्यांनी त्या तरुणाला हाटकले. यावेळी राग अनावर झाल्यानं त्या तरुणाने थेट त्या पोलीस कर्मचाऱ्यावर हल्ला केल्याची घटना घडली आहे. यानंतर जमावाने या तरुणाला पोलिसांच्या ताब्यात दिले.
मिळालेल्या माहितीनुसार, हडपसर वाहतूक विभागातील पोलीस कर्मचारी सायंकाळी मंगरपट्टा परिसरातील रासकर चौकात कर्तव्यावर होते. यावेळी विरुद्ध दिशेनं येणाऱ्या वाहनांवर ते कारवाई करत होते. त्यावेळी एक जण तिथे थांबलेल्या नागरिकांला दगडाने मारहाण करण्याचा प्रयत्न करत होता. त्यावेळी इथं कर्तव्यावर असलेल्या वाहतून पोलिसाने त्याला हटकले. याचा राग आल्यानं त्या तरुणाने वाहतून पोलिसालाच मारङाम केल्याचा प्रकार घडला. सध्या या घटनेचा व्हिडीओ सोशल मीडियावर व्हायरल होत आहे.
दरम्यान, या घटनेची माहिती मिळताच हडपसर वाहतूक विभागाचे पोलिस निरीक्षक तसेच हडपसर पोलिसांनी घटनास्थळी धाव घेतली. यावेळी त्यांनी आरोपीला ताब्यात देखील घेतलं आहे. दरम्यान, मिळालेल्या माहितीनुसार हा आरोपी मानसिक आजारी असल्याचं सांगण्यात आलं आहे. हडपसर पोलिसा ठाण्यात या आरोपीविरुद्ध रात्री उशीरापर्यंत गुन्हा दाखल करण्याचे काम सुरु होते.
दरम्यान, या घटनेनंतर पुण्यात पोलिसच असुरक्षीत असल्याची चर्चा सुरु झाली आहे. नशेखोर युवकानं पोलिसांना मारहाण केल्याचा हा व्हिडीओ सध्या सर्वत्र व्हायरल होत आहे. त्यामुळं याची सर्वत्र चर्चा सुरु झाली आहे. दरम्यान, आयाधी देखील पुण्यात पोलिसांवर हल्ल्याचा प्रयत्न झाल्याच्या घटना घडल्या आहेत.
महत्वाच्या बातम्या:
अधिक पाहा..
