मुंबई : शेअर बाजारात घसरण हाेत असली तरी आयपीओ बाजारात पैशांचा पाऊस पडत आहे. चालू १३ जानेवारीपासून सुरू होणाऱ्या आठवड्यात गुंतवणूकदारांना ५ नवीन आयपीओमध्ये गुंतवणूक करण्याची संधी मिळेल. यापैकी लक्ष्मी डेंटल आयपीओ मेनबोर्ड विभागातील आहे. तर नवीन आठवड्यात ८ कंपन्यांचे शेअर्स शेअर बाजारात सूचीबद्ध हाेणार आहेत. नवीन आयपीओ लक्ष्मी डेंटल आयपीओ ( Laxmi Dental IPO)हा ६९८ कोटी रुपयांचा आयपीओ १३ जानेवारी रोजी उघडणार आहे. किंमत बँड प्रति शेअर ४०७-४२८ रुपये आहे. लॉट आकार ३३ शेअर्सचा आहे. हा आयपीओ १५ जानेवारी रोजी बंद होईल. कंपनीचे शेअर्स २० जानेवारी रोजी बीएसई आणि एनएसईवर सूचीबद्ध होतील. काब्रा ज्वेल्स आयपीओ ( Kabra Jewels IPO) काब्रा ज्वेल्सचा ४० कोटी रुपयांचा आयपीओ १५ जानेवारी रोजी उघडेल आणि १७ जानेवारी रोजी बंद होईल. शेअर्स २२ जानेवारी रोजी एनएसई एसएमईवर सूचीबद्ध केले जातील. आयपीओमध्ये किंमत बँड प्रति शेअर १२१-१२८ रुपये आहे. तर लॉट आकार १००० शेअर्स आहे. रिखव सिक्युरिटीज आयपीओ ( Rikhav Securities IPO) कंपनीला आयपीओतून ८८.८२ कोटी रुपये उभारायचे आहेत. हा आयपीओ १५ जानेवारी रोजी उघडेल आणि १७ जानेवारी रोजी बंद होईल. शेअर्स २२ जानेवारी रोजी बीएसई एसएमईवर सूचीबद्ध होतील. आयपीओमध्ये किंमत पट्टा प्रति शेअर ८२-८६ रुपये आहे आणि लॉट आकार १६०० शेअर्सचा आहे. लँड इमिग्रेशन आयपीओ ( Land Immigration IPO) लँड इमिग्रेशनचा ४०.३२ कोटी रुपयांचा आयपीओ १६ जानेवारी रोजी उघडेल. प्रति शेअर किंमत ७०-७२ रुपये आहे. लॉट आकार १६०० शेअर्सचा आहे. २० जानेवारी रोजी आयपीओ बंद झाल्यानंतर शेअर्स २३ जानेवारी रोजी बीएसई एसएमईवर सूचीबद्ध केले जातील. ईएमए पार्टनर्स आयपीओ ( EMA Partners IPO) हा आयपीओ १७ जानेवारी रोजी उघडेल आणि २१ जानेवारी रोजी बंद होईल. आयपीओतूनकंपनीला ७६.०१ कोटी रुपये उभारायचे आहेत. शेअर्स २४ जानेवारी रोजी एनएसई एसएमईवर सूचीबद्ध केले जातील. किंमत बँड प्रति शेअर ११७-१२४ रुपये असून लॉट आकार १००० शेअर्सचा आहे. या कंपन्या हाेणार सूचीबद्ध चालू आठवड्यात १३ जानेवारी रोजी, स्टँडर्ड ग्लास लाइनिंगचे शेअर्स एनएसई आणि बीएसईवर सूचीबद्ध केले जातील. तर इंडोबेल इन्सुलेशनचे शेअर्स बीएसई एसएमईवर सूचीबद्ध हाेतील. क्वाड्रंट फ्युचर टेक आयपीओ आणि कॅपिटल इन्फ्रा ट्रस्ट इन्व्हिट १४ जानेवारी रोजी बीएसई आणि एनएसईवर सूचीबद्ध होतील. त्याच दिवशी डेल्टा ऑटोकॉर्पचा आयपीओ एनएसई एसएमईवर,अ‍ॅव्हॅक्स अ‍ॅपेरेल्स अँड ऑर्नामेंट्सचा आयपीओ, बी.आर. गोयलचा आयपीओ बीएसई एसएमई वर सूचीबद्ध होईल. सत करतार शॉपिंगचे शेअर्स १७ जानेवारी रोजी एनएसई एसएमईवर सूचीबद्ध होतील.