बारामती मधील अजित पवार: उपमुख्यमंत्री अजित पवार आज (6 एप्रिल) बारामतीच्या दौऱ्यावरती आहेत. सकाळपासूनच त्यांनी बारामतीतील विविध विकास कामांची पाहणी सुरू केलेली आहे. तसेच ते आज बारामतीत विविध ठिकाणी कार्यक्रमांना हजेरी लावतील. त्यानंतर अजित पवार (Ajit Pawar) अहिल्यानगर येथे कार्यक्रमासाठी जातील आणि पुन्हा एकदा बारामतीमध्ये येऊन कार्यक्रमांना हजेरी लावणार असल्याची माहिती पुढे आली आहे.
अशातच, इंदापूर तालुक्यात पृथ्वीराज जाचक यांनी शेतकरी मेळावा ठेवला आहे. त्याला अजित पवार भेट असल्याची माहिती आहे. परंतु अधिकृत दौऱ्यात त्याचा उल्लेख करण्यात आलेला नाही. पृथ्वीराज जाचक हे अजित पवारांचे विरोधक मानले जात असल्याने अजित पवार मेळाव्याला जाणार असल्याने चर्चांना उधाण आले आहे. परिणामी अजितदादांचा बारामती दौरा आता वेगळ्याच कारणामुळे चर्चेत आला आहे.
मर्यादा पुरुषोत्तम प्रभू श्रीरामांच्या आदर्शमय जीवनातून प्रेरणा घेऊन समाजात सौहार्द, सहिष्णुता आणि सत्याची मूल्ये अधिक बळकट करण्याचे आवाहन करीत, उपमुख्यमंत्री अजित पवार यांनी रामनवमीनिमित्त राज्यातील जनतेला शुभेच्छा दिल्या आहेत.
उपमुख्यमंत्री अजित पवार आपल्या शुभेच्छा संदेशात म्हणतात की, “श्रीराम नवमी हा मर्यादा पुरुषोत्तम म्हणून ओळखल्या जाणाऱ्या प्रभू श्रीरामांच्या जन्माचा उत्सव असून, हा दिवस त्यांच्या आदर्श जीवनमूल्यांची आठवण करून देतो. श्रीरामांनी दाखवलेली प्रजाहितदक्षता, सत्यनिष्ठा आणि निःस्वार्थ सेवा ही आजही आपल्यासाठी प्रेरणादायी ठरतात. त्यांच्या जीवनातून आपण एकता, शांती आणि समरसतेची शिकवण घेणे आवश्यक आहे. श्रीरामनवमीचा उत्सव सर्वांनी शांततेत, उत्साहात, सौहार्दपूर्ण वातावरणात आणि सलोख्याने साजरा करावा,” असे आवाहन करीत उपमुख्यमंत्री अजित पवार केले प्रभू श्रीरामांच्या चरणी वंदन केले आहे.
बीड दौऱ्यावर आलेल्या उपमुख्यमंत्री अजित पवार यांचा ताफा शिक्षक आंदोलकांनी अडवण्याचा प्रयत्न केला होता. पवार यांनी भेट न दिल्यामुळे या शिक्षकांनी थेट रस्त्यावर ठिय्या मांडला. या प्रकरणात आता आंदोलनकर्त्या 16 शिक्षकांवर शिवाजीनगर पोलिस ठाण्यात गुन्हा नोंद करण्यात आला.
श्रीधर घोळवे, नदीम शेख, परमेश्वर आंधळे, अंगद फुटाणे, पोपट मोरे, विठ्ठल कोरडे, सुधाकर वाळके, सुधाकर काळे, कृष्णा टोणे, रवींद्र घुले, श्रीराम गिते, बाळासाहेब मुंडे, बाळासाहेब तांबडे, दिलीप वायबसे, अनुराधा जगताप आणि बालिका वेडे यांच्या विरोधात गुन्हा नोंद करण्यात आला आहे. या प्रकरणाचा पोलिस अधिक तपास करत आहेत.
इतर महत्वाच्या बातम्या
अधिक पाहा..
